Открытие Военно-медицинской эстафеты в рамках Армейских международных игр-2020

“Фориш” полигонида “Ҳарбий-тиббий эстафета” танловига старт берилди

219
(Янгиланган 21:09 24.08.2020)
“Ҳарбий-тиббий эстафета” танловида Ўзбекистон Республикаси жамоасидан ташқари Россия Федерацияси, Тожикистон ва Беларусь республикалари, Фаластин ва Вьетнам давлатларининг ҳарбий тиббиёт хизмати мутахассислари иштирок этмоқда.

ТОШКЕНТ, 24 авг — Sputnik.  24 август куни “Фориш” тоғ полигонида “Ҳарбий-тиббий эстафета” танловининг тантанали очилиш маросими бўлиб ўтди, деб хабар қилди Sputnik Ўзбекистон мухбири.

Мазкур тадбирда Ўзбекистон Республикаси Мудофаа вазирлиги масъул офицерлари, иштирокчи давлатлар жамоалари вакиллари, сенаторлар, давлат ва жамоат ташкилотлари вакиллари, Мудофаа вазирлиги ҳузуридаги Жамоатчилик кенгаши аъзолари, фахрийлар ва ёшлар, журналистлар ва блогерлар иштирок этди.

Ўзбекистон Республикаси Мудофаа вазирлиги Марказий ҳарбий округининг “Фориш” тоғ полигони ўтган йили бўлгани каби жорий йилда ҳам “АрМИ – 2020” VI Армия халқаро ўйинларининг “Ҳарбий-тиббий эстафета” танловига мезбонлик қилмоқда. Бу йил “Ҳарбий-тиббий эстафета” танловида Ўзбекистон Республикаси жамоасидан ташқари Россия Федерацияси, Тожикистон ва Беларусь республикалари, Фаластин ва Вьетнам давлатларининг ҳарбий тиббиёт хизмати мутахассислари иштирок этмоқда.

Открытие Военно-медицинской эстафеты в рамках Армейских международных игр-2020
© Sputnik / Рамиз Бахтияров
Открытие "Военно-медицинской эстафеты" в рамках Армейских международных игр-2020

 

“Ҳарбий-тиббий эстафета” танловини кириш сўзи билан очиб берган Ўзбекистон Республикаси мудофаа вазирининг тарбиявий ва мафкуравий ишлари бўйича ўринбосари полковник Ҳамдам Қаршиев мусобақа иштирокчиларини қутлаб, мусобақалар жараёнида каттадан катта омадлар тилади.

Заместитель министра обороны Республики Узбекистан, полковник Хамдам Каршиев
© Sputnik / Рамиз Бахтияров
Заместитель министра обороны Республики Узбекистан, полковник Хамдам Каршиев

Шундан сўнг табрик учун сўзга чиққан Россия Федерацияси Мудофаа вазирлиги вакили, тиббий хизмат полковниги Владимир Викторович Лютов ва бошқалар жамоаларга мусобақаларда зафарлар тилаш билан бирга мезбонларга ўз миннатдорчиликларини билдирди.

Тантанали маросим Мудофаа вазирлиги Марказий ҳарбий оркестрининг кўргазмали дефиле ҳаракатлари билан давом этди. Иштирокчилар эътиборига республиканинг таниқли бадиий жамолари ва санъаткорлари ижросидаги катта концерт дастури намойиш қилинди.

Открытие Военно-медицинской эстафеты в рамках Армейских международных игр-2020
© Sputnik / Рамиз Бахтияров
Открытие "Военно-медицинской эстафеты" в рамках Армейских международных игр-2020

Бу йил “АрМИ – 2020” Армия халқаро ўйинлари 23 августдан 5 сентябрга қадар 5 давлат: Россия Федерацияси, Озарбайжон, Арманистон, Беларусь ва Ўзбекистон республикалари ҳудудларида бўлиб ўтади. Ушбу муддат давомида халқаро мусобақаларнинг 30 дан ортиқ танловларида дунёнинг 30 мамлакатидан ташриф буюрган 160 дан ортиқ жамоалари, таркибида минглаб ўз касбининг устаси бўлган профессионал, энг илғор ҳарбий мутахассислар ғолиблик учун баҳс олиб борадилар.

Ўзбекистон Республикаси жорий йилда Халқаро армия ўйинларининг “Ҳарбий-тиббий эстафета” ва “Йўл патрули” танловларига мезбонлик қиляпти. Озарбайжон, Арманистон, Беларусь Республикаларида биттадан, қолган барча танловлар эса Россия Федерацияси ҳудудида ўтказилмоқда.

 

219

Ҳайдовчилик гувоҳномаси учун имтиҳон олиш ваколати ИИВдан хусусий секторга берилиши мумкин

10
Ўзбекистонда ҳайдовчилик гувоҳномаси учун имтиҳон олиш ваколатининг ИИВдан хусусий секторга берилиши кутилмоқда.

ТОШКЕНТ, 29 ноя — Sputnik. Ўзбекистонда ҳайдовчилик гувоҳномаси учун имтиҳон олиш ваколатининг Ички ишлар вазирлигидан хусусий секторга берилиши кутилмоқда.

Депутат Расул Кушербаевнинг ёзишича, бу ҳақда ички ишлар вазири ўринбосари Азизбек Икрамов Олий Мажлис Қонунчилик палатасидаги Мудофаа ва хавфсизлик масалалари қўмитаси мажлисида берган ахборотида айтиб ўтган.

Вазир ўринбосарининг билдиришича, ҳужжат лойиҳасига кўра, имтиҳон олишга мослашган автодромлар ва имтиҳон олиш тизими тўлиқ хусусий секторга берилади ва ИИВ буни мониторинг қилиб боради.

ЙҲХББ 16 ёшдан машина ҳайдашга рухсат бериш таклифига муносабат билдирди

Бу жараённинг 2021 йилда амалга оширилиши кутилмоқда.

“Умид қиламизки, бу ҳайдовчилик масъулиятини ошириб, йўлларимизда маданиятли ҳайдовчилар кўпайишига хизмат қилади», — дея қўшимча қилган депутат.

10
Мавзу бўйича
“Права” олиш учун автомактабларда ўқиш мажбурийлигини бекор қилиш таклиф қилинди
Россияда ҳайдовчисиз автомобилда имтиҳон топишириш мумкин бўлади
Ўзбекистонда 16 ёшдан машина бошқаришга рухсат бериш таклиф қилинди

Ҳайвонларга шафқатсиз муносабатда бўлганлар озодликдан маҳрум қилиниши мумкин

16
(Янгиланган 11:33 29.11.2020)
Ўзбекистонда ҳайвонларга шафқатсиз муносабатда бўлганларни жиноий жавобгарликка тортишни таклиф қилмоқда. Қонун қабул қилинса, бундай кимсалар 1 йилгача қамалиши мумкин.

ТОШКЕНТ, 29 ноя — Sputnik. Ўзбекистон Бош прокуратураси ҳайвонларга нисбатан шафқатсиз муносабатда бўлганларни жиноий жавобгарликка тортишни таклиф этмоқда. Тегишли қонун лойиҳаси жамоатчилик муҳокамасига қўйилди.

Жиноят кодекси 202-1-модда билан тўлдирилиши кутилмоқда. Унда ҳайвонларга нисбатан шафқатсиз муносабатда бўлганлик учун жавобгарлик белгиланади.

Ушбу моддага биноан, ҳайвонга нисбатан шафқатсиз муносабатда бўлиш, уни қийнаш унинг ўлимига ёхуд майиб бўлишига олиб келса:

  • БҲМнинг 25 бараваридан 50 бараваригача миқдорда жарима;
  • 240 соатгача жамоат ишлари;
  • 1 йилгача ахлоқ тузатиш ишлари;
  • 6 ойгача озодликни чеклаш ёки озодликдан маҳрум қилиш жазоси кўзда тутилади.

Ўша қилмишлар бир гуруҳ шахслар томонидан олдиндан тил бириктириб ёки ижтимоий тармоқлардан фойдаланиб тарқатган ҳолда содир этилган бўлса, икки ёки ундан ортиқ ҳайвонларга нисбатан ёки вояга етмаган шахс ҳозирлигида содир этилган бўлса ёхуд қизил китобга киритилган ҳайвонларга нисбатан содир этилган бўлса:

  • БҲМнинг 50 бараваридан 100 бараваригача миқдорда жарима;
  • 360 соатгача жамоат ишлари;
  • 3 йилгача ахлоқ тузатиш ишлари;
  • 1 йилгача озодликни чеклаш ёки озодликдан маҳрум қилиш жазоси кўзда тутилмоқда.

Итга нисбатан шафқатсизлик қилган фуқаро жазоланди

Ҳозирда Ўзбекистонда ҳайвонларга шафқатсиз муносабатда бўлганларга Маъмурий жавобгарлик тўғрисидаги кодексининг 111-моддасига мувофиқ чора кўрилади. Унга кўра, ҳайвонларга нисбатан шафқатсиз муносабатда бўлиш уларнинг ўлимига ёхуд майиб бўлишига олиб келса, худди шунингдек ҳайвонларни қийнаш — ЭКИҲнинг 1 барваридан 3 бараваригача миқдорда жарима солишга сабаб бўлади.

16
Теглар:
янги қонун, Бош прокуратура, ҳайвонлар