Врач с пациентом в отделении реанимации и интенсивной терапии

Россиялик шифокор Ўзбекистонда беморлар қандай даволанаётганини айтиб берди

513
Даволаш - индивидуал тартибда: касаллике енгил кечаётган беморларга антибиотик берилмайди, ўрта ҳолдаги беморларга - 10 кундан сўнг уйига жавоб берилади, дейди шифокор.

ТОШКЕНТ, 26 авг - Sputnik. Маълумки бир неча кун олдин Россиядан Ўзбекистонга 38 нафар шифокорлар ҳамкасабаларига ёрдам бериш учун келишган эди. Sputnik мухбири улардан бири билан қисқа суҳбат қилиш имконига эга бўлди. 

- Биз Тошкент шаҳрига 38 кишидан иборат гуруҳ таркибида 14 август куни етиб келдик, - дейди Канцеров Риат Юриевич, Москва вилояти, Сергиев-Посад шаҳри, Марказий туман касалхонаси шифокори. Гуруҳимиз аъзолари турли ҳудудлардан: Москва вилояти, Москва, Санкт-Петербург шаҳарлари ва Татаристон Республикасидан. Биздан 4 кишини Самарқанд шаҳрига юборишди, бу ерга 17 августда етиб келдик ва иккита шифокоримиз Биринчи ковид марказида, иккитаси реабилитация касалхонасида ишламоқдамиз. Бундан ташқари, биз турли хил тиббий муассасаларда бошқа беморларни ҳам кўриб чиқмоқдамиз.

- бу ерда даволаш жараёни тўғри ташкиллаштирилган, врачлар малакали, улар керакли усул билан даволашмоқда, албатта, камчиликлар ҳам бор, биз ҳамкасбларимиз, ўзбекистонлик шифокорлар билан биргаликда уларни тўғрилаяпмиз. Ўйлайманки, биргаликда биз тўғри ишни ва тўғри даволанишни ташкил қила оламиз.

- Беморларга қандай даволаниш буюрилмоқда?

- бу ерда даволаниш индивидуалдир. Агар ҳарорат бўлмаса ёки у субфимбрил бўлса, унда албатта антибиотик терапиясидан воз кечамиз. Агар юқори ҳарорат кузатилса, беморнинг аҳволи ёмонлашса, рентгенограмма пневмонияни кўрсатса ва биз бактериал пневмониянинг қўшилганини ҳис қилсак, унда биз антибиотиклар буюрамиз, касалликнинг дастлабки соатларида антивирус дориларни – арбидол  (арпифлю) буюрамиз, аскорбин кислотасини қўшса бўлади, ҳарорат паст бўлса парацетамол буюрамиз; ҳарорат 38 даражагача бўлса, тананинг ўзи бу касалликка қарши курашиб иммунитетни шакллантириши керак.

- Ўртача оғирликдаги беморлар бу ерда ўн кунгача қолишади, кейин беморларнинг ҳолатига қараймиз, агар уларнинг клиникаси соғлом деб топсак, уларни касалхонадан бемалол чиқарамиз, улар уйда бир ҳафта давомида ўз-ўзини яккалаш мажбуриятини олишади, ўйлайманки бу муддат кифоя. Албатта, оғир шаклдагилар бизда бироз қолиб кетадилар, оғир шаклларда одатда Ковиддан ташқари комарбид фони яхши бўлмайди, яъни уларда юрак хасталиклари, қандли диабет ва бошқа патологиялар ҳам бўлади.

Маълумот учун, айни дамда Ўзбекистонда бўлиб турган россиялик шифокорлар қўйидаги муассасаларда фаолият юритмоқда: 

  • Эпидемиология, микробиология ва юқумли касалликлар илмий текшириш институти;
  • Вируслогия илмий текшириш институти клиникаларида;
  • Зангиота туманидаги юқумли касалликлар шифохонасида;
  • Самарқанд, Жиззах, Бухоро, Сурхондарё ва Хоразм вилоятларидаги ихтисослашган шифохоналарда 

Россиялик шифокорлар махаллий мутахассислар билан биргаликда оғир беморларни консультация қилиш, ўзаро тажриба алмашиш билан шуғулланмоқдалар. 

513

Тун давомида энг кўп Наманганда коронавирус билан касалланиш аниқланди

22
Ўтган тун давомида яна 149 кишига коронавирус ташхиси қўйилди. Уларнинг 91 нафари Наманган вилоятидан.

ТОШКЕНТ, 21 сен — Sputnik. Ўзбекистонда тун давомида яна 149 кишида коронавирус аниқланди. Жами касалланганлар сони 51 798 нафарга етди. Бу ҳақда Соғлиқни сақлаш вазирлиги хабар қилмоқда.

Янги касалланганларнинг 91 нафари Наманган вилояти, 20 нафари Андижон вилояти, 11 нафари Тошкент вилояти, 8 нафари Қорақалпоғистон, яна 8 нафари  Бухоро вилояти, 7 нафари Навоий ва 4 нафари Фарғона вилоятида фуқаролар орасида аниқланган.

Шу билан бирга, Юнусобод туманида яшаган 65 ёшли З.Ч. (аёл) ҳамда Шайҳонтоҳур  туманида яшаган 46 ёшли Ҳ.И. (эркак), жами 2 нафар коронавирусга чалинган бемор вафот этди. Жами қурбонлар сони 435 нафарни ташкил этмоқда.

Шу пайтга қадар 47 932 нафар коронавирус инфекциясига чалинган фуқаролар (93 фоиз) соғайган.

Ҳозирда мамлакатда 3422 нафар бемор даволанмоқда. Улардан 557 нафари оғир, 245 нафари эса ўта оғир аҳволда.

22
Теглар:
Наманган, коронавирус, Ўзбекистон
Мавзу:
COVID-19 умумжаҳон пандемияси

ХТВ телевизион дарсдаги хатолик учун узр сўради

236
16 сентябрь куни эфирга узатилган инглиз тили фани видеодарсида Нью-Йорк АҚШнинг пойтахти деб айтилган эди. Аслида Вашингтон АҚШнинг пойтахти ҳисобланади.

ТОШКЕНТ, 20 сен — Sputnik. Халқ таълими вазирлиги мактаб ўқувчилари учун телевизион дарсда қўйилган хатолик учун узр сўради ва чет тили ўқитувчиларининг таркиби қайта кўриб чиқилганини маълум қилди.

Жорий йилнинг 14 сентябрь кунидан бошлаб мактаб ўқувчилари учун телевизион дарслар узатила бошланди.

Таъкидланишича, “Онлайн-мактаб” лойиҳаси доирасида ҳар куни 100 дан ортиқ (30-35 соат) дарслар тасвирга олинмоқда. Мазкур дарсларда имкон қадар хатолик ўтмаслигига ҳаракат қилинмоқда.

“Бироқ, 16 сентябрь куни эфирга узатилган чет тили фани видеодарсида айрим хатоликларга йўл қўйилди. Энг аввало, мазкур ҳолат учун барчадан узр сўрамоқчимиз. Халқ таълими вазирлиги томонидан дарсларда йўл қўйилган хато ва камчиликларни бартараф этиш мақсадида чет тили ўқитувчиларининг таркиби қайта кўриб чиқилди, дарс муҳаррири алмаштирилди ҳамда дарсларда тажрибали ўқитувчилар жамоасини янада кенгайтириш мақсадида маҳоратли педагоглар учун танлов эълон қилинди”, - дейилган хабарда.

Вазирлик кенг жамоатчилик ва ижтимоий тармоқ фаолларидан “Онлайн-мактаб” лойиҳасида иштирок этаётган ўқитувчиларни камситмасликни сўраб қолган.

“Ҳар биримиз хатоликка йўл қўйишимиз мумкин, иш бор жойда хатоликлар ҳам учраб туради. Лекин, бу хатоликларни олдини олиш ва келгусида йўл қўймаслик чоралари кўрилмоқда”, - дея қўшимча қилган вазирлик.

ХТВ бу вазият барчани ўз вазифаларини бажаришда эътиборлироқ бўлишга ва ишга профессионал ёндашишга ундашига умид билдирган.

Вазирлик ҳозирги шароитда ўз соғлиғини хавф остига қўйиб ҳам анъанавий ҳам масофавий шаклда фаолият олиб бораётган ҳамда видеодарсларни тасвирга олиш жараёнларига жалб қилинган ўқитувчиларга миннатдорчилик билдирган.

236

Третьяков галереясида "Ўзбекфильм" дурдоналари намойиш этилмоқда

7
(Янгиланган 10:26 21.09.2020)
Ушбу кўргазма Россия янги тарихида ўзбек кинематографияси дурдоналарининг энг катта намойиши бўлади.

ТОШКЕНТ, 21 сен - Sputnik. Москвадаги Давлат Третьяков галереясида "Мангу эмас!1968-1985." кўргазмаси доирасида "Ўзбекча янги тўлқин" кинодастури очилди, деб хабар қилди "Ўзбеккино" миллий агентлиги. 

Ўзбекистон Республика Кинофонди билан ҳамкорликда ташкил этилган ушбу тадбирда Шуҳрат Аббосов, Али Ҳамроев, Қамара Камолова, Дамир Салимов, Элёр Ишмуҳамедов, Равил Ботировларнинг 1960 - 1970 йилларда яратган фильмлари намойиш этилади.

Кинокўргазма 19 сентябр куни соат 15.30 да "Ўзбекфильм" нуфузини кўкларга кўтарган Шуҳрат Аббосовнинг "Маҳаллада дув-дув гап"фильми билан бошланди. Намойиш Янги Третьяков галереясининг Катта залида Россия Давлат Кинофонди коллекциясида сақланаётган 35 мм ли ҳажмдаги нусхаси намойиш этилади, - деб маълум қилган Третьяков галереясининг кинодастурлар бўлими бошлиғи Максим Павлов.

"Ўзбекча янги тўлқин" кинодастури томошабинларга "Маҳаллада дув-дув гап", "Сен етим эмассан!", "Тошкент - нон шаҳри!", "Нафосат", "Севишганлар", "Учрашув", "Сурайё", "Лайлак келди-ёз бўлди", "Олмос", "41 йил олмалари", "Матонат", "Еттинчи ўқ", "Аччиқ данак", "Инсон қушлар ортидан боради", "Мевазорлик аёл", "Мухлис", "Абу Райҳон Беруний", "Ёввойи" каби мумтоз фильмларни инъом этади. 

Таъкидлаш жоизки, ўзбек кинематографиясининг бундай катта ҳажмдаги киноасарлари намойиши совет давридан кейин Россияда илк бор ўтказилмоқда, дейилади хабарда. 

Кинодастурга атоқли киношунос Нигора Каримова ва "Ўзбеккино" Миллий агентлиги ҳузуридаги Республика Кинофонди раҳбари Элжон Аббосовлар раҳбарлик қилишмоқда.

 

7