ТОШКЕНТ, 28 авг - Sputnik. Ўзбекистон gрезиденти Шавкат Мирзиёев Мустақиллик кунининг 29 йиллиги арафасида “Озодликдан маҳрум этиш жазосини ўтаётган, қилмишига чин кўнгилдан пушаймон бўлган ва тузалиш йўлига қатъий ўтган бир гуруҳ шахсларни афв этиш тўғрисида”ги Фармонни имзолади.
Ушбу фармонга мувофиқ, содир этган жинояти учун жазони ижро этиш муассасаларида жазо ўтаётган ҳамда қилмишига чин кўнгилдан пушаймон бўлган ва тузалиш йўлига қатъий ўтган 113 нафар фуқаро афв этилди.
Хусусан, уларнинг:
- 5 нафари асосий жазодан озод этилди;
- 53 нафари жазони ўташдан муддатидан илгари шартли озод қилинди;
- 15 нафарининг озодликдан маҳрум этиш жазоси енгилроқ жазо билан алмаштирилди;
- 40 нафар шахсларга тайинланган озодликдан маҳрум этиш жазосининг муддатлари қисқартирилди.
Афв этилганларнинг 1 нафарини 60 ёшдан ошган эркак, 2 нафарини чет давлат фуқаролари, 105 навфарини тақиқланган ташкилотлар иштирокчилари ташкил этади.
Ушбу фармон ижроси юзасидан афв этилган шахсларни оиласи ва яқинлари бағрига қайтариш, ижтимоий ҳаётга мослашиб, фойдали меҳнат билан шуғулланишлари, соғлом турмуш тарзини йўлга қўйиб, жамиятда муносиб ўрин топишлари учун уларга кўмак бериш бўйича масъул вазирлик ва идораларга тегишли топшириқлар берилди.
