Шодмонов мактабларни коронавирус ўчоғига айлантирмасликка чақирди

© Sputnik / Рамиз БахтияровМинистр здравоохранения Узбекистана Алишер Шадманов
Министр здравоохранения Узбекистана Алишер Шадманов  - Sputnik Ўзбекистон
Oбуна бўлиш
Санитария хизмати марказлари шу йилнинг 5 сентябрига қадар ўз ҳудудларидаги ўқув даргоҳларини тайёргарлик ҳолатини ўрганиши белгиланди

ТОШКЕНТ, 29 авг - Sputnik. Ўзбекистон Соғлиқни сақлаш вазири Алишер Шодмонов мактабларда 2020-2021 ўқув йилини ташкил этишда санитария-эпидемиологик барқарорликни таъминлаш чора-тадбирларига бағишланган видеоселектор йиғилиши ўтказди.

Министр народного образования Узбекистана Шерзод Шерматов - Sputnik Ўзбекистон
Ўзбекистон мактабларида ўқув йили қандай бошланади - вазир Шерматов билан интервью

Вазир ўз чиқишида пандемия шароитида долзарб муаммоларни санаб, уларнинг ечимларига ҳам тўхталиб ўтди.

Мисол учун, мамлакатдаги мавжуд 9942 та мактабнинг барчаси ҳам тоза ичимлик суви билан таъминланмаган. Маҳаллий ҳокимликлар томонидан бу муаммо ҳал этилиши муҳимлиги таъкидланди:

Санитария хизмати марказлари шу йилнинг 5 сентябрига қадар ўз ҳудудларидаги ўқув даргоҳларини тайёргарлик ҳолатини ўрганиши, дарс жараёнларида эпидемиологик хавфсизликни таъминлаш борасида тренинг ва репетициялар ўтказиши зарурлиги қайд этилди.

Школьники перед началом единого государственного экзамена в средней общеобразовательной школе №13 Владивостока - Sputnik Ўзбекистон
Пандемия даврида мактабларга қўйиладиган санитария талаблари эълон қилинди

"480 минг нафардан ортиқ ўқитувчи фаолият кўрсатадиган ва 6,2 миллион нафардан ошиқ ўқувчи таҳсил оладиган таълим муассасаларини эпидемик ўчоққа айлантириб қўйишга ҳаққимиз йўқ", - деди Шодмонов.

Йиғилишда таълим муассасаларининг 1 057 тасида тиббиёт хоналари мавжуд эмаслиги, тиббиёт хоналари ва изоляторларни ташкил этишда маҳаллий ҳокимликлар ва халқ таълими мутасаддиларига тиббиёт ходимлари ўз тавсиялари ва кўрсатмалари билан яқиндан ёрдам бериши айтилди.

Бундан ташқари, мактаб ошхоналарининг ҳолати, уларнинг санитария талабларига жавоб бериши зарурлиги, сифатига шубҳа қилинган овқатларни муассаса ҳудудига киритиш ва ноқонуний савдонинг олдини олиш кераклиги, кўп мактабларда ҳожатхоналарнинг ҳам гигиена талабларига жавоб бермаслиги каби қатор муаммоларга ҳам тўхталиб ўтилди.

Янгиликлар лентаси
0