Гостиница Афросиаб Палас

"Афросиёб" меҳмонхонаси яна савдога чиқарилди

388
(Янгиланган 16:09 04.09.2020)
Самарқанддаги "Афросиёб Палас" меҳмонхонаси 1985 йилда қурилган. Меҳмонхона биноси ва ҳудуди шаҳар марказида 1,8 гектар майдонни эгаллайди.

ТОШКЕНТ, 4 сен - Sputnik. Самарқанд шаҳрининг марказида жойлашган энг катта меҳмонхона - "Афросиёб Палас" яна савдога чиқарилди. Е-аукцион сайтида меҳмонхона 5,47 миллиард сўм нархда савдога чиқарилган. Аризалар қабул қилиш 5 сентябрда бошланиб 3 октябрда тугайди.

Ауцион хабарида айтилишига кўра, инвесторга қуйидаги талаблар қўйилган: 

  • энг кам инвестиция миқдори - 12 млн. доллар 
  • энг кам иш ўринлари сони - 100 киши 
  • 4 юлдузли меҳмонхона 2021 йил охирига қадар қуриб битказилиши керак
  • меҳмонхонада 280та номер ва 1та президент номери бўлиши керак
  • меҳмонхона ҳудуди ва парковкаси шаҳар архитектурасига мувофиқлаштирилган бўлиши керак
  • меҳмонхонанинг мавжуд қарзларини тўлаш керак 

Эслатиб ўтамиз, 2018 йилда Афросиёб меҳмонхонаси Сингапурнинг Exim Investments Ple LTD. компаниясига худди ушбу шартларда сотилгани хабар қилинган эди.  

 

388
Работа автосалонов в Омске

Тошкентда “автошина олиб келишни” ваъда қилган фирибгарга жиноят иши очилди

94
Автомобиль шиналарини олиб келишни ваъда қилиб, ваъдасида турмаган шахсга нисбатан жиноий иш қўзғатилди.

ТОШКЕНТ, 25 ноя — Sputnik. Тошкентда автомобил шиналарини олиб келишни ваъда қилган фирибгарга жиноят иши очилди, деб хабар қилди пойтахт ИИББ матбуот хизмати.

Хабарда айтилишича, Шайхонтоҳур тумани ИИО ФМБга 27 ёшли Асрол К. мурожаат қилиб, 2019 йилнинг ноябрь ойида унга Польшадан автомобиль шиналарини олиб келишини ваъда қилган ва “хизмати” учун 40.000 АҚШ доллари олган 46 ёшли Алишер Ш.га нисбатан чора кўришни сўради.

Алишер Ш. ваъдасига хилоф тарзда пулларни ўз эҳтиёжига сарфлаб юборган.

Мазкур факт асосида Ўзбекистон Жиноят кодексининг 168 моддаси 4 қисми (“Фирибгарлик”) бўйича жиноий иш қўзғатилди.

94

Ўзбекистонда коронавирус: 7та вилоятда янги ҳолатлар

568
(Янгиланган 13:32 25.11.2020)
Ўзбекистонда яна 59 кишида коронавирус аниқланди, республика бўйлаб коронавирус инфекцияси қайд этилганлар сони 72 098 нафарни ташкил қилмоқда.

ТОШКЕНТ, 25 ноя — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

25 ноябрь coaт 13:00 га қадар 59 кишида коронавирус аниқланди, Ўзбекистонда коронавирус инфекцияси қайд этилганлар сони 72 098 нафарни ташкил қилмоқда.

Янги касалланиш ҳолатларининг: Андижон (3 нафар), Бухоро (5), Жиззах (5), Қашқадарё (5), Наманган (6), Сирдарё (12), Тошкент (23) вилоятларида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Соғайиш кўрсаткичи

Республика бўйлаб жами соғайганлар сони 69 302 нафарга етди. Соғайиш кўрсаткичи 96 фоиз.

Айни пайтда 2 191 нафар беморга белгиланган стандартлар бўйича даво чоралари кўрилмоқда.

Ўлим ҳолатлари

Ўзбекистонда жами 605 киши пандемия қурбони бўлди.

Дунё саломатлиги

Дунё бўйлаб инфекцияни юқтириб олган кишиларнинг сони 59,8 миллиондан ошди, 1,4 миллиондан ортиқ киши вафот этди, 38,3 миллиондан ортиқ киши тузалди. Энг кўп ҳолатлар АҚШда (12,6 млн), Ҳиндистонда (9,2 млн), Бразилияда (6,1 млн).

568
Мавзу:
COVID-19 умумжаҳон пандемияси