Ўзбекистонда "маска режими" бекор қилингани йўқ. Бироқ кўпчилик ниқобсиз кўчага чиқмоқда

787
(Янгиланган 10:12 09.09.2020)
Бозорлар атрофида исталган ранг ва ўлчамдаги ниқобларни топиш мумкин. Аммо айрим фуқаролар ўз соғлиғига беэътиборлик билан қарамоқда. Нега ниқобсиз юрибсиз, деган саволга ҳатто ўшқириб, куч ишлатиш билан дағдаға қилишмоқда

ТОШКЕНТ, 9 сен — Sputnik. Ўзбекистонда карантин қоидалари юмшатилиши эълон қилиниши билан аҳоли ўртасида карантин қоидаларига амал қилиш борасида бемалолхўжалик билан ёндашиш кайфияти сезила бошлади ва бу кайфиятнинг кундан-кунга авж олаётганини кўриш мумкин, деб хабар қилади Sputnik Ўзбекистон мухбири.

Sputnik
В Узбекистане масочный режим никто не отменял, а люди уже маски не носят

Эслатиб ўтамиз, Республика махсус комиссияси карантин чоралари юмшатилиши ҳақида эълон қилганида фуқаролардан ижтимоий масофани сақлаш, ниқоб тақиш, дезинфекция ва бошқа санитария-гигиена талабларига сўзсиз амал қилиш зарур ва шартлиги ҳақида огоҳлантирган эди.

Аммо бугун кўчаларда одамлар гўёки икки лагерга бўлинганига гувоҳ бўлиш мумкин. Биринчи лагердагилар ниқобда, ҳатто қўлларига қўлқоп кийганлардан иборат. Қуёшга ёки шунчаки аксириб юборсангиз, сиздан дарҳол узоқлашишади ва бу ҳолат аллақачон одатий тус олган. Ҳеч ким бундай "бемеҳрликдан" ранжимай қўйган. Соғлик муҳимроқ-да.

Иккинчи лагердагилар эса: Махсус комиссия илтимосига қўл силтаб қўйган, аллақачон ўзини пандемиягача бўлган даврдагидек ҳис эта бошлаб ёки умуман ниқобсиз юрган ёки "маскам бор-ку, мана" тарзида ниқобини томоғининг тагига осилтириб олганлардир.

Sputnik
Масочный режим никто не отменял, а люди маски не носят

Мисол учун, ҳозирги кунга келиб эътибор берсак, жамоат жойларида ҳимоя ниқобини тақмай юрганлар, айниқса ёшлар ўртасида кўплигини кўриш мумкин.

Бозорлардаги сотувчилар ҳам уч-тўрттадан бўлиб олиб, оралиқ масофаларсиз ёки ҳимоя ниқобларисиз ўзоро суҳбатлашиб ўтирганликларини кўриш мумкин. Касал бўлиб қолишдан қўрқмайсизми, деган саволга, "Биз соғломмиз, йўталмаяпмиз, тақиб оламиз, гаплашиб олайлик", дея жавоб қайтаришди.

Sputnik
В Узбекистане масочный режим никто не отменял, а многие уже маски не носят

"Нега маскасиз юрибсиз?", деган саволга, ўдағайлаб, "сан кимсан, ҳозир телефонингни синдириб ташлайман, нега мани расмга оласан", дея жавоб қайтарган зўравонлар ҳам бўлди.

ИИВ матбуот котиби Шохрух Ғиёсовнинг таъкидлашича, карантин қоидаларига амал қилмаётган фуқароларга нисбатан тегишли чоралар кўрилганда, ҳуқуқ тартибот ходимлари томонидан амалга оширилаётган назорат юзасидан аҳоли ўртасида провокацион негатив фикрлар тарқалиб кетган. Шу боис, ИИО ходимлари бугун бу масалага қаттиқ қарашмаяпти. Аммо жойларда Миллий Гвардия, ҳуқуқ тартибот ходимлари ва ЙПХ ходимларига аҳоли ўртасида карантин қоидаларига амал қилишни талаб қилиш вазифаси юклатилганлиги, улар ушбу вазифани имкон қадар бажараётганликларини  айтади.

Sputnik
В Узбекистане масочный режим никто не отменял, а многие уже маски не носят

Шунингдек, агарда жамоат жойларда аҳоли ўртасида карантин оидаларини қўпол равишда бузиш ҳолатлари юзага келса, масалан, тунда жамоат жойларида фуқароларнинг тўпланиб, ҳимоя ниқобларисиз мулоқотда бўлаётганликлари, карантин қоидаларини менсимаслик ҳолатлари кузатилса, уларни огоҳлантириш, огоҳлантиришдан сўнг яна такрорланса вазиятдан келиб чиққан ҳолда кескин чоралар кўрилмоқда.

Sputnik
В Узбекистане масочный режим никто не отменял, а многие уже маски не носят

Яна кимдир карантин қайта тикланишини истамоқдами, йўқ, карантиндан ҳамма чарчаган. Унда нега ниқоб режими бекор қилинмаган бўлсада, кўчада ниқобсиз юриш даркор?

Бу саволга жавоб: ўз соғлиғига бепарволик, атрофдагилар саломатлигига беписандликми?

Коронавирусга қарши курашиш штаби аъзоси Барно Абдусаматова илгарироқ ниқоблар ҳақида тўхталар экан: "ниқоблар инфекция юқишидан 100 фоиз ҳимоялай олмайди. Бироқ коронавирус инфекцияси ташувчиси ниқобдан фойдаланганида, унинг вирусни бошқа одамга юқтириш эҳтимоли бир неча мартага камаяди. 

Шунинг учун ниқоблар мабодо сиз симптомсиз, коронавирус инфекциясининг ташувчиси бўлсангиз ҳамда ўзингиз бундан бехабар бўлсангиз, вирусни бошқаларга юқтириш эҳтимолини кескин камайтириш учун керак. Аввало, таъкидлаш лозимки, баъзи давлатларда ниқоб тақиш бутунлай бекор қилингани йўқ. Транспортда, бозорлар, дўконлар ва бошқа аҳоли тўпланадиган жойларда ниқоб тақиш талаби сақланиб қолган, фақатгина кўчада юрганда ижтимоий масофа сақлаган ҳолда  ниқобсиз юриш тавсия этилган. Ҳар бир давлат касаллик профилактикасига қаратилган ўзининг тартибини белгилайди ва амалга оширади. Бизда эпидемиологик вазият барқарорлашмагунча ниқоб тақиш шарт", дея таъкидлаган эди.

Айтганча, куни кеча, 8 сентябр ҳолатига кўра, Ўзбекистонда 443 ҳолатда касаллик қайд этилган, яна олти киши инфекция оқибатида ҳаётдан кўз юмган. Шу билан жами қурбонлар сони 360 нафарга етган.

787

Ўзбекистонда коронавирус: янги ҳолатлар

519
Ўзбекистонда яна 54 кишида коронавирус аниқланди, республика бўйлаб коронавирус инфекцияси қайд этилганлар сони 71 713 нафарни ташкил қилмоқда.

ТОШКЕНТ, 23 ноя — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

23 ноябрь coaт 13:00 га қадар 54 кишида коронавирус аниқланди, Ўзбекистонда коронавирус инфекцияси қайд этилганлар сони 71 713 нафарни ташкил қилмоқда.

Янги касалланиш ҳолатларининг: Бухоро вилоятида 7 нафар, Сурхондарё вилоятида 4 нафар, Тошкент вилоятида 32 нафар, Тошкент шаҳрида 11 нафар коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Соғайиш кўрсаткичи

Республика бўйлаб жами соғайганлар сони 68 915 нафарга етди. Соғайиш кўрсаткичи 96 фоиз.

Айни пайтда 2 195 нафар беморга белгиланган стандартлар бўйича даво чоралари кўрилмоқда.

Ўлим ҳолатлари

Ўзбекистонда жами 603 киши пандемия қурбони бўлди.

Дунё саломатлиги

Дунё бўйлаб инфекцияни юқтириб олган кишиларнинг сони 58,6 миллиондан ошди, 1,3 миллиондан ортиқ киши вафот этди, 37,5 миллиондан ортиқ киши тузалди. Энг кўп ҳолатлар АҚШда (12,2 млн), Ҳиндистонда (9,1 млн), Бразилияда (6,1 млн).

519
Мавзу:
COVID-19 умумжаҳон пандемияси
Автовокзал

Эртадан Тошкент вилоятлар билан автобус қатновларини тиклайди

139
(Янгиланган 12:05 23.11.2020)
24 ноябрь куни “Тошкент” автовокзалидан қатор йўналишлар бўйича автобус қатновлари амалга оширилади.

ТОШКЕНТ, 23 ноя — Sputnik. “Тошкент” автовокзалидан қатновчи барча рейслар қайта йўлга қўйилди, деб хабар қилди автовокзал матбуот хизмати.

Қайд этилишича, 24 ноябрь куни “Тошкент” автовокзалидан қатор йўналишлар бўйича автобус қатновлари амалга оширилади.

Қатновлар:

7:40 Тошкент - Жўш - Нурота - 60 000 сўм

8:30 Тошкент - Навоий - 52 000 сўм

8:50 Тошкент - Хатирчи - 50 000 сўм

9:30 Тошкент - Бухоро - 75 000 сўм

9:50 Тошкент - Хатирчи - 50 000 сўм

11:15 Тошкент - Қоракўл - 73 000 сўм

12:00 Тошкент - Мирбозор - 50 000 сўм

13:30 Тошкент – Бухоро - 75 000 сўм

14:00 Тошкент - Ўсмат - 32 000 сўм

14:00 Тошкент - Қарши - 54 000 сўм

14:30 Тошкент - Нукус - 120 000 сўм

14:30 Тошкент - Самарқанд - 35 000 сўм

15:00 Тошкент - Урганч - 115 000 сўм

16:00 Тошкент - Зомин - 24 000 сўм

16:00 Тошкент - Узун - 100 000 сўм

17:00 Тошкент – Бухоро - 75 000 сўм

17:00 Тошкент - Денов - 87 000 сўм

18:00 Тошкент – Хива - 115 000 сўм

18:00 Тошкент - Термиз - 78 000 сўм

18:20 Тошкент - Денов - 87 000 сўм

19:00 Тошкент - Бухоро - 75 000.

Чипталарни "Тошкент" автовокзали кассаларидан ҳамда Uztrans.uz ва avtoticket.uz ягона интерактив ахборот портали орқали онлайн тарзда сотиб олиш мумкин.

139
Милиция

Хоразмда аёл кишини ечинтириб, видеога олганларнинг шахси аниқланди

873
Хоразм шевасида сўзлаётган бир гуруҳ аёллар томонидан бошқа бир аёл кишини қизлик иффати йўқлигини рўкач қилиб ечинтириб уяли телефони орқали олган видеотасвир тарқалди.

ТОШКЕНТ, 23 ноя — Sputnik. Хоразмда аёл кишини ечинтириб, видеога олганларга нисбатан жиноят иши қўзғатилди, деб хабар қилди вилоят ИИБ ахборот хизмати.

Хабарда айтилишича, 22 ноябрь куни ижтимоий тармоқларда Хоразм шевасида сўзлаётган бир гуруҳ аёллар томонидан бошқа бир аёл кишини қизлик иффати йўқлигини рўкач қилиб ечинтириб уяли телефони орқали олган видеотасвир тарқалди.

Ушбу видеолавҳадаги ҳолат қачон, қаерда содир бўлганлиги ва жараён иштирокчиларининг шахсига аниқлик киритиш мақсадида Хоразм вилояти ИИБ масъул ходимлари томонидан терговолди текширув ҳаракатлари олиб борилди.

Олиб борилган суруштирув жараёнида мазкур ҳолат жорий йил 7 октябрь куни Урганч шаҳрида содир бўлганлиги маълум бўлди.

Жараён иштирокчиларининг шахси тўлиқ аниқланган бўлиб, тергов манфаатлари ва жабрланувчининг шахсий ҳаёт дахлсизлигини таъминлаш мақсадида иштирокчиларнинг исм-шарифлари ошкор этилмайди.

Мазкур ҳолат юзасидан ички ишлар органлари томонидан жиноят иши қўзғатилиб, тергов ҳаракатлари олиб борилмоқда.

873