ФВВ тизимида икки нафар ходим коронавирус асоратлари туфайли вафот этди

© Sputnik / Владимир Астапкович / Медиабанкка ўтишЛечение больных с COVID-19
Лечение больных с COVID-19 - Sputnik Ўзбекистон
Oбуна бўлиш
Қўнғирот тумани Фавқулодда вазиятлар бўлими бошлиғи подполковник Куанишбай Акимов ҳамда Хоразм вилояти ФВБ Қўшкўпир тумани Фавқулодда вазиятлар бўлими бошлиғи майор Дониёр Жаббаров вафот этди.

ТОШКЕНТ, 14 сен — Sputnik. Ўзбекистон Республикаси Фавқулодда вазиятлар вазирлиги тизимида икки нафар ходим коронавирус асоратлари туфайли вафот этди. Бу ҳақда вазирлик матбуот хизмати хабар қилди.

Қорақалпоғистон Республикаси ФВБ Қўнғирот тумани Фавқулодда вазиятлар бўлими бошлиғи подполковник Куанишбай Акимов  ҳамда Хоразм вилояти Фавқулодда вазиятлар бошқармаси Қўшкўпир тумани Фавқулодда вазиятлар бўлими бошлиғи майор Дониёр Жаббаров  вафот этган.

Шу кунга қадар ушбу ходимларнинг коронавирус  билан хасталаниб, шифохонага ётқизилганлиги маълум бўлган эди.

Подполковник Куанишбай Акимов 20 йилдан ортиқ муддат давомида Қорақалпоғистон Республикасининг Ёнғин хавфсизлиги бошқармасида турли лавозимларда хизмат қилиб келган.

© Пресс-служба МЧСПодполковник Куанишбай Акимов
ФВВ тизимида икки нафар ходим коронавирус асоратлари туфайли вафот этди - Sputnik Ўзбекистон
Подполковник Куанишбай Акимов

Майор Дониёр  Жаббаров ҳам вазирлик тизимида 2005 йил апрель ойидан буён турли лавозимларда хизмат қилган.

© Пресс-служба МЧСМайор Дониёр Жаббаров
ФВВ тизимида икки нафар ходим коронавирус асоратлари туфайли вафот этди - Sputnik Ўзбекистон
Майор Дониёр Жаббаров

Таъкидланишича, улар халқнинг тинчлиги ва фаровонлиги йўлида ўз хизмат бурчини бажариш чоғида ушбу касалликни юқтириб олганлар.

Вазирлик уларнинг вафоти муносабати билан марҳумларнинг оила аъзоларига чуқур таъзия изҳор этган.

Янгиликлар лентаси
0