Осенний лес

Ўзбекистонда об-ҳаво ҳафта охиригача салқин ва қуруқ бўлади

145
Об-ҳаво ҳарорати ҳамма жойда 2-4 даражага пасаяди. Кечаси 8-13 даража, кундузи 22-27 даража илиқ бўлади.

ТОШКЕНТ, 21 сен — Sputnik. 21 сентябрдан салқин ва қуруқ ҳаво оқимининг кириши кутилмоқда, ушбу оқим иш ҳафтасининг охиригача республикадаги об-ҳавони белгилайди. Бу ҳақда Ўзгидромет матбуот хизмати хабар қилмоқда.

21 сентябрда куннинг иккинчи ярмида булутлар кўпая бошлайди, кечга бориб республиканинг айрим тоғолди ва тоғли ҳудудларида ёмғир ёғиши эҳтимоли бор.

Ҳарорат ҳамма жойда 2-4 даражага пасаяди. Кечаси 8-13 даража, кундузи 22-27 даража илиқ бўлади.

Сентябрь ойининг охиригача бутун Ўзбекистон ҳудуди бўйича ойнинг охири учун хос бўлган ҳавонинг сақланиб туриши кутилмоқда. Уралдан салқин ҳаво кириб туриши ҳисобига ҳарорат республика бўйича меъёрдан 3-4 даражага паст бўлади. Ҳарорат кечаси 7-12, кундузи 20-25 даражани ташкил қилади.

145

Коронавирусга қаерда тест топшириш мумкин?

5
Ўзбекистонда Коронавирус инфекциясига полимер занжирли реакция (ПЗР) усулида тест топшириш учун қуйидаги ташкилотларига мурожаат қилиш мумкин.
© Sputnik

Соғлиқни сақлаш вазирлиги Ўзбекистон ҳудудида COVID-19га аниқ ташҳис қўйиш учун мурожаат қилиш мумкин бўлган тиббий муассасалар рўйхатини эълон қилди. 

Бугунги кунда Ўзбекистонда ана шундай ташкилотлар сони 29та бўлиб, улардан 17таси Тошкент шаҳрида, 5таси Самарқандда, 3таси Фарғонада, 1тадан Наманган, Навоий, Нукус ва Қарши шаҳарларида жойлашган.Барча клиникалар рўйхати ва манзили билан инфографикамизла танишинг. 

Эслатиб ўтамиз, Ўзбекистонда 24 июндан бошлаб пуллик асосда нодавлат тиббиёт муассасаларида таҳлил топширишга яна рухсат берилди. Нархни нодавлат тиббиёт ташкилоти мустақил белгилайди. Лаборатор таҳлил учун намуна (суртмалар) нодавлат тиббиёт ташкилотининг ўзида, шу билан биргаликда, сўровга кўра, мурожаат қилувчининг ташкилотида, фуқароларнинг яшаш манзилида ҳамда махсус автотранспортларда олиниши мумкин.

5
Ссора между мужчиной и женщиной

Энг кўп ажралиш қайси ҳудудда қайд этилди

166
(Янгиланган 11:51 26.10.2020)
Республика бўйича 9 ойда энг кўп ажримлар сони бўйича Тошкент шаҳрида кузатилди. Энг кам Навоий вилоятида қайд этилган.

ТОШКЕНТ, 26 окт — Sputnik. 2020 йилнинг 9 ойида республика бўйича 19 970 та ажрим ҳолатлари қайд этилган. Бу кўрсаткич ўтган йилнинг мос даври билан солиштирилганда 3 608 тага кам.

Давлат статистика қўмитаси маълумотларига кўра, ўтган 9 ой мобайнида ФҲДЁ органларида қайд этилган ажримлар сони бўйича Тошкент шаҳри – 2746 та, Андижон – 2271 та, Тошкент – 2074 та, Самарқанд – 2058 та ва 1988 та билан Фарғона вилоятлари юқори ўринни эгаллаган.

Республика бўйича 9 ойда энг кам ажрим ҳолатлари Навоий (669 та) вилоятида қайд этилган.

Ўзбекистонда ота-оналар фарзандларига энг кўп қандай исм қўйишмоқда?

Эслатиб ўтамиз, аввалроқ август ойида республика бўйича энг кўп никоҳ 5035 та қайд билан Фарғона вилоятида кузатилгани хабар қилинган эди.

166