Тирик вакцина хорижга оммавий етказиб берилмайди - Гамалея маркази директори

284
(Янгиланган 11:09 23.09.2020)
Тирик вакцина оммавий етказиб берилмайди, лекин шароити бўлган давлатларга ишлаб чиқариш технологияси берилиши мумкин, деди Гамалея маркази директори.

ТОШКЕНТ, 23 сен — Sputnik, Лев Рыжков. Н. Ф. Гамалея номидаги НИЦЭМ маркази директори Александр Гинцбург Sputnik мухбирига Россияда ишлаб чиқарилган биринчи вакцина қай тартибда МДҲ мамлакатларига берилишини тушунтириб берди. 

Гинцбург айтишига кўра, Марказнинг ишлаб чиқариш қуввати жуда кам, фақатгина Россия аҳолисини коронавирусга қарши эмлаш учун 9 ойдан 12 ойгача вақт керак бўлади. 

"НИЦЭМ ҳудудида жойлашган ишлаб чиқариш корхонаси 3 сменада иш олиб бормоқда, лекин Россия аҳолисини учун керак бўладиган миқдордаги вакцина ишлаб чиқаришга қурби етмайди. Айни дамда яна 3-4та ишлаб чиқариш майдонига технологияларни трансфер қилиш жараёни кетмоқда. Умид қиламанки, ноябр ойида ушбу майдонларда ойига 5-6 миллион доза вакцина ишлаб чиқариш йўлга қўйилади. Шундан сўнг биз 9-12  ой ичида аҳолининг 70-80 %ини эмлашга улгурамиз деб умид ўйлайман. Бу эса ушбу вирус циркуляцисини тўхтатади", - деди Гинцбург. 

Марказ директорининг сўзларига кўра, вакцина ишлаб чиқариш учун моноклонал моддалар ишлаб чиқарувчи махсус технологиялар керак. Бундай моддалардан одатда онкологик касалликларни даволашда фойдаланилади. Бир неча давлатлар ана шундай технологик майдонлар бор, лекин собиқ Иттифоқ давлатларида эмас. 

"Собиқ Иттифоқ давлатларида технологик майдончалар тайёрлигига менинг ишончим комил эмас. Агар уларнинг ўзлари бунга мустақил тайёрланса, биз жон деб технологияларни трансфер қилган бўлардик. Лекин менимча, бошқа Республикаларда ҳам вазият Беларусга ўхшаган. Биз уларга ҳам ёрдам бериш имконини топамиз. Ўз аҳолимиз билан бир қаторда қўшни республикалар аҳолисини ҳам ҳимоя қилишга ёрдам берамиз", - деди Гинцбург. 

Марказ директорининг сўзларига кўра, у собиқ Иттифоқ республикаларидаги бошқа тиббий-илмий муассасалар директорлари билан мумкин ҳамкорлик имкониятларини доимий равишда муҳокама қилиб келмоқда. 

Бошқа хорижий мамлакатлар борасида Гинцбург тирик вакциналар оммавий равишда олиб кирилмаслигини хабар қилди, лекин ишлаб чиқариш технологиялари берилиши мумкин. 

"Оммавий равишда тирик вакцина етказиб берилмайди, лекин керакли профилда ишлайдиган йирик корхоналар мавжуд бўлган давлатларга ишлаб чиқариш технологияси берилиши мумкин. Масалан Ҳиндистонга" - деди Гамалея маркази директори.

Шунингдек, Александр Гинцбург, Россия ҳудудида яшаётган хорижий фуқаролар ҳам ушбу вакцина синовларида иштирок этишлари мумкинлигини, бу борада қонунда ҳеч қандай чеклов йўқлигин маълум қилди. 

Эслатиб ўтамиз, Н. Ф. Гамалея номидаги НИЦЭМ томонидан ишлаб чиқлиган, COVID-19га қарши биринча вакцина  "Спутник V" Россия Соғлиқни сақлаш вазирлигида расман рўйхатдан ўтган бўлиб, бугунги кунда Россиянинг барча ҳудудлари "Спутник V" вакцинасининг синов партиясини олган.

284
Город Мекка в Саудовской Аравии

Ўзбекистон фуқаролари Саудия Арабистонига қассобчилик учун жўнатилиши мумкин

358
Ҳаж мавсумида Ўзбекистон фуқароларини Саудия Арабистонига қассобчилик ишларига жалб қилиш масалалари муҳокама этилган. Номзодларга қўйиладиган талаблар, иш шароитлари ва бошқа ташкилий масалалар бўйича фикр алмашилган.

ТОШКЕНТ, 23 окт — Sputnik. Ўзбекистон фуқаролари Саудия Арабистонига қассобчилик учун жўнатилиши мумкин.

Ташқи меҳнат миграцияси агентлигидан хабар беришларича, агентлик, Ўзбекистоннинг Саудия Арабистонидаги элчихонаси ва Ислом тараққиёт банки вакиллари иштирокида онлайн мулоқот бўлиб ўтган.

Учрашувда Ҳаж мавсумида Ўзбекистон фуқароларини Саудия Арабистонига қассобчилик ишларига жалб қилиш масалалари муҳокама этилган. Номзодларга қўйиладиган талаблар, иш шароитлари ва бошқа ташкилий масалалар бўйича фикр алмашилган.

Яқин вақт ичида фуқароларни Саудия Арабистонида қассобчилик билан шуғулланишга жалб қилиш бўйича Ўзбекистондаги мавжуд имкониятлар ўрганилади. Номзодларнинг шариат асосида Ҳаж мавсумида қурбонлик учун ҳайвонни сўйиш тажрибаси, араб ёки инглиз тилини билиш даражаси эътиборга олинади, фуқароларни бу соҳага тайёрлаш имкониятлари ўрганилади.

358
Навои. Касым Шайх

Ўзбекистонда миллионер вилоятлар сони кўпайди

363
Навоий вилоятининг доимий аҳолиси сони 1 009,3 минг кишини ташкил этиб, республикадаги аҳолиси сони миллиондан кўп бўлган вилоятлар қаторига кирди.

ТОШКЕНТ, 23 окт — Sputnik. Ўзбекистонда миллионер вилоятлар сони яна биттага кўпайди.

1 октябрь ҳолатига кўра, Навоий вилоятининг доимий аҳолиси сони 1 009,3 минг кишини ташкил этиб, республикадаги аҳолиси сони миллиондан кўп бўлган вилоятлар қаторига кирди.

Сирдарё вилоятининг доимий аҳолиси сони эса 856,9 минг кишини ташкил этиб, республикадаги аҳолиси сони миллиондан кам ягона вилоят бўлиб қолмоқда.

Давлат статистика қўмитаси маълумотларига кўра, доимий аҳоли сонининг ҳудудлар бўйича тақсимланиши: Самарқанд вилояти – 3928,7 минг киши; Фарғона вилояти – 3802,7 минг киши; Қашқадарё вилояти – 3318,0 минг киши; Андижон вилояти – 3172,1 минг киши; Тошкент вилояти – 2977,8 минг киши; Наманган вилояти – 2852,3 минг киши; Сурхондарё вилояти – 2667,3 минг киши; Тошкент шаҳри – 2654,6 минг киши; Бухоро вилояти – 1939,6 минг киши; Қорақалпоғистон Республикаси – 1916,1 минг киши; Хоразм вилояти – 1884,1 минг киши; Жиззах вилояти – 1403,2 минг киши; Навоий вилояти – 1009,3 минг киши; Сирдарё вилояти – 856,9 минг киши.

363

Ўзбекистон энергетика соҳасига энг илғор тажрибалар жорий этилади - Алишер Султонов

158
Ўзбекистон энергетика соҳаси уч босқичда ислоҳ этилади. Соҳада рақамли технологияларни кенг жорий этиш, инсон капиталига ва "яшил" энергия ишлаб чиқаришга қаратилган чора-тадбирлар ҳам белгилаб олинмоқда, дея қайд этди Энергетика вазири Алишер Султонов

ТОШКЕНТ, 23 окт - Sputnik. Ўзбекистон энергетика секторида энг яхши, замонавий ва илғор тажрибаларни жорий этиш режалаштирилмоқда. Бу ҳақда мамлакат энергетика секторини янада ислоҳ қилишга бағишланган давра суҳбати давомида Энергетика вазири Алишер Султонов маълум қилди, деб хабар бермоқда Sputnik Ўзбекистон мухбири.

Султоновнинг айтишича, Ўзбекистон энергетика секторида муаммоларни аниқлаш ва ислоҳотларни режалаштириш жараёнида Халқаро молия институтлари экспертлари ва обрўли халқаро консалтинг ташкилотлари салмоқли ҳисса қўшиб келмоқдалар.

Хусусан, жорий йил бошидан Жаҳон банки, Осиё тараққиёт банки, Европа тикланиш ва тараққиёт банкининг бевосита кўмаги остида, халқаро экспертлар ва маслаҳатчилар ёрдами билан бизнес юритишнинг халқаро амалиётини жорий этган ҳолда электр энергияси ва нефть-газ тармоқларини янада ислоҳ қилиш бўйича тавсиялар, ва бу тавсияларни амалиётга жорий этиш бўйича аниқ ишлар режаси тайёрланган.

"Белгилаб олинган ислоҳотлардан пировард мақсадимиз - электр энергияси ва табиий газни истеъмолчиларга кафолатли етказиб бериш, энергетика сектори корхоналарининг иқтисодий барқарорлигини ва рақобатбардошлигини таъминлаш, альтернатив ёқилғи турларига ўтишни жорий этиш, электр энергияси ва табиий газ ишлаб чиқаришда ва истеъмолида энергия тежамкорлигини таъминлашдан иборат", - деди Алишер Султонов.

Вазир таъкидига кўра, белгилаб олинган ишларнинг ҳуқуқий асосини таъминлаш мақсадида, биринчи навбатда, норматив-ҳуқуқий ислоҳотлар, корхоналар молиявий барқарорлигини таъминлаш учун бир қатор молиявий ислоҳотлар, нархларнинг эркин шаклланишини ва истеъмолчилар ҳуқуқларини ҳимоя қилишни таъминловчи бозор ислоҳотлари, тармоқ корхоналарини бошқаришда бутунлай янги тизимни назарда тутувчи институционал ва бошқарув ислоҳотлари, давлат улуши юқори бўлган корхоналарда, энг аввало, ташкилот манфаатини назарда тутувчи қарорларнинг қабул қилиниши таъминловчи корпоратив ташкилий ва бошқарув ислоҳотлари амалга оширилиши назарда тутилмоқда.

Шу билан бир қаторда, соҳада рақамли технологияларни кенг жорий этиш, инсон капиталига ва «яшил» энергия ишлаб чиқаришга қаратилган чора-тадбирлар ҳам белгилаб олинмоқда.

 

158