Пострадавшая от домашнего насилия женщина из Узбекистана

Руҳий ва жисмоний зўравонликларга учраб, реабилитация марказига келтирилган аёллар қисмати

353
(Янгиланган 13:27 23.09.2020)
Расмий маълумотларга кўра, Тошкент шаҳрида жорий йилнинг саккиз ойи давомида аёлларга 966та ҳимоя ордери берилган. Аёллар кўпдан-кўп ҳолатларда оиладаги зўравонлик: калтакланиш, таҳқирланиш ҳолатларига чек қўя олмайдилар ва зўравон билан ҳаёт кечиришда давом этадилар.

Ўзбекистонда реалибитация ва мослаштириш марказлари ташкил этилгач, зўравонлик қурбонларига айланган аёллар учун туну-кун ишлайдиган 1146 қисқа рақами ишга туширилгач, ўзбек аёлларига хос журъатсизлик секин-аста чекина бошлади. Аёллар орасида таҳқирланишга рози бўлмайдиганлари ўзида куч топиб, аёллар шелтерларига ёрдам сўраб мурожаат қила бошладилар.

Ҳаётда руҳий ва жисмоний зўравонликларга учраб, Тошкентдаги реабилитация ва мослаштириш марказига келган аёллар Sputnik Ўзбекистон мухбирига ўз бошидан кечирган воқеаларни сўзлаб бершди.

Дилдора, 28 ёшда: уч ой интим ҳаётдан сўнг, мед-экспертиза қизнинг бокиралиги ҳақида хулоса берди

Мана икки ойдирки, у пойтахтдаги реалибитация ва марказлаштириш марказида яшаб келмоқда. Ҳаётида юз берган айрим нохуш ҳолатлар сабаб у ўзи туғилиб ўсган қишлоғига қайтиб боришни истамайди. 

Ёш бўлишига қарамасдан Дилдора ўз қишлоғида тикувчилик цехи очиб, тадбиркорлик фаолияти билан шуғуллана бошлади. Шундай кунларнинг бирида у цехга мижоз сифатида кириб келган ҳарбий йигит билан танишиб қолди. Бора- бора уларнинг муносабатлари муҳаббатга, кейинчалик муҳаббат чегараси бузилиб, муносабатлар пинҳоний интим алоқаларгача бориб етади. Онаси Дилдоранинг ишқий муносабатларидан хабар топгач, қизига тўғри йўл кўрсатиш ўрнига, йигитни маҳкам ушлаши кераклигини айтди ва бир неча маротаба ўз уйида учрашишлари учун иккисига шароит яратиб берди. Онанинг  мақсади йигитни қандай қилиб бўлсада ичкуёв қилиб олиш эди.  Аммо йигит оилада ёлғиз фарзандлиги боис ушбу таклифга на у ва на унинг оила аъзолари рози бўлмади.

Шундан сўнг йигит қиз билан муносабатларига нуқта қўймоқчи бўлиб, бошқа қизга унаштирилганлиги ҳақида айтди. Бунга  чидолмай қиз ўз жонига қасд қилди, аммо тақдир изми билан у тирик қолади. Онаси қизниниг зўрланганлигини иддао қилиб, туман ва вилоят прокуратураларига мурожаат қилди. Йигит ва қиз ўртасида юз берган ҳолат бўйича жиноий иш очилди, аммо экспертиза қизнинг қизлик пардаси эластик ҳолатда бўлганлиги боис унинг бокиралиги сақлаб қолингани ҳақида хулоса беради. Бундай жавобни кутмаган қизнинг онаси “қизимга уйланасан” дея йигитнинг маҳалласига жанжал кўтариб борди. Бўлиб ўтган гап сўзлар оқибатида йигит ҳам, қиз ҳам кўча-кўйда бош кўтаролмай қолди. Табиийки, йигитнинг оила аъзолари ҳам Дилдорани келин қилишни исташмади. Йигит эса Дилдорадан бутунлай воз кечди.

"Оёғимни ўпасан": Тошкент шаҳрида келинларга қулдек муносабат оммалашган >>>

Айни пайтда қизнинг аламзада онаси қандай қилиб бўлсада йигитни ишсиз қолдириш ниятида. Қиз эса ҳуқуқий ва руҳий ёрдам беришларини сўраб, пойтахтдаги реалибитация марказига мурожаат қилиб келди. Айни пайтда психологлар ёрдамида Дилдора ўз руҳий ҳолатини тиклашга ҳаракат қилмоқда. Бироқ, унинг ҳуқуқий муаммоси очиқлигича қоляпти...

Малика, 26 ёшда: эри бегона аёл билан яланғоч гаплашиб ўтирганини кўриб, ажрашишга қарор қилди

Синглиси турмушга чиққач, уларнинг оиласида молиявий етишмовчиликлар юзага кела бошлади. Онаси автоҳалокатга учраганлиги боис у ҳаво алмаштириши керак эди. Шу боис холаси уни онаси билан бирга Туркияга чақирди. Она-бола ҳаво алмаштириш ва моддий аҳволини яхшилашни мақсад қилиб, Туркияга учиб кетишди. Ресторанда ошпаз сифатида ўз ишини бошлаган Малика у ерда асли қўқонлик бўлган Аброр исмли йигит билан танишди ва ёшлар аҳду-паймон қилиб, оила қуришга қарор қилишди. Ҳужжатларининг амал қилиш муддати тугагач, йигит Ўзбекистонга қайтди. Бир оздан сўнг Малика ҳам Аброрнинг ортидан Ўзбекистонга қайтди ва ўзаро келишиб, кичикроқ бўлсада тўй қилиб, бирга яшай бошлашди. Малика ҳомиладор бўлгач, Аброр тўсатдан ўзгариб қолди. Бир оз вақтдан сўнг Малика унинг аввал бошқа аёл билан яшаганлиги, ҳатто ҳозиргача уларнинг ишқий муносабатлари сақланиб қолганлигидан хабар топди. Малика жанжал кўтармади, аввалига ўзида куч топиб Аброрнинг ҳаракатларини кузата бошлади. Шундай кунларнинг бирида у эрининг телефон видео-чақируви орқали ўша аёл билан яланғоч ҳолда суҳбатлашиб ўтирганлигига гувоҳ бўлди. Рашк ўтида ёнган Малика эри билан қаттиқ жанжаллашди.

Эри уни томоғидан бўғиб, "ўлдириб юбориши, ҳеч кими йўқлиги боис ўлигини ҳеч ким топа олмаслиги" билан қўрқитиб, Маликага тазйиқ ўтказди. Сўнг хотинини ўз пушти камаридан бўлган болани олдиришга мажбурлай бошлади. Малика рози бўлмади, орадан вақт ўтиб, у ўғил фарзанд кўрди. Аммо Аброр фарзанддан ҳам Маликадан ҳам воз кечди. Молиявий қийинчиликлар ва руҳий тушкунликка тушиб қолган Малика фарзандини болалар уйига топширмоқчи ҳам бўлди. Аммо участка нозири аёлнинг қийин вазиятдалигини кўриб, уни ҳуқуқ ҳимоясига олди, аёлга руҳий далда берди. Сўнг уни боласи билан Тошкентдаги реалибитация ва мослаштириш марказига келтириб жойлаштирди. Бу ерда бир оз муддат яшаб, руҳий томонлама ўзини тиклаб олгач Малика ўз олдига янги мақсадлар қўйди.

Энди у ҳаёт синовларига таслим бўлмай, аксинча янги орзу ва мақсадлар сари интилишга тайёр эканлигини айтади...

Рисолат опа, 56 ёшда: мол-мулк учун уриб, бурнини синдиришди

Асли тошкентлик бўлган Рисолат опа 56 ёшда, у пойтахтдаги номдор касалхоналарнинг бирида фаррош бўлиб ишлайди. Кеч турмуш қурганлиги учунми ёки бошқа сабаб, Рисолат опа фарзандли бўлолмади ва турмушидан ажралишга мажбур бўлди.

Камига ота ҳовлисига қайтгач у ерга ҳам сиғмади, илк кундаёқ акаси ва янгаси уни қовоқ солиб кутиб олишди. Кейинчалик, арзимаган баҳона-ю сабаблар билан жанжал чиқариб, Рисолат опага тинчлик бермайдиган одат чиқаришди.

Ўзини ҳимоя қилишга уринганида эса Рисолат опа бутун бошли оиланинг калтаги остида қолиб кетди. Участка нозири, маҳалла оқсоқоллари ҳам бу оиланинг маш-машасидан безиб, Рисолат опанинг қўнғироқларига жавоб бермай қўйишди. Рисолат опа учун бу ота ҳовли дўзахнинг ўзгинасига айланди. Охирги маротаба бўлган катта жанжалда ўз жияни томонидан калтакланиб, бурни сингач, аёл руҳий ва жисмоний зўрликлардан паноҳ истаб реабилитация ва мослаштириш марказига қочиб келди. Айни дамда ушбу масканда аёлга руҳий ёрдам кўрсатилиб, унинг ҳуқуқий муаммоларига ечим изланмоқда.

353
Фонтан из денег лишил Жахонгира Атаджанова лицензии

Жаҳонгир Отажонов президентликка номзодини қўйишини маълум қилди

458
Собиқ қўшиқчи Жаҳонгир Отажонов “Ўзбекистонни Марказий Осиёдаги энг гуллаб-яшнаган мамлакатга айлантириш” учун бу йилги президент сайловларида иштирок этиш нияти борлигини маълум қилди.

ТОШКЕНТ, 20 янв — Sputnik. Санъат оламини бутунлай тарк этган собиқ қўшиқчи Жаҳонгир Отажонов навбатдаги Ўзбекистон президенти сайловларида ўз номзодини илгари сурмоқчи эканини маълум қилди. Бу ҳақда унинг Instagram саҳифасида жойланган видеомурожаатида сўз борган.

Посмотреть эту публикацию в Instagram

Публикация от Jahongır_Rızo (@jahongir_atajanovs)

Отажоновнинг сўзларига қараганда, интернетда Ўзбекистонда 2021 йил март ойидан президент сайловига тайёргарлик жараёнлари бошланишини ўқиб қолган. 

“Албатта, аввал ҳам баъзи видеоларимда ҳазилга олиб олиб айтиб қўярдим, лекин ўзидан ўзи ҳазил қилиб қўйилмайди. Очиқдан очиқ айтаман, президент бўлиш ниятим бор”, — дея фикрлари билан ўртоқлашган собиқ санъаткор.

“Мен ҳам президент бўламан ва Ўзбекистоннинг гуллаб-яшнашига эришаман. Албатта, бу гапим билан ҳозирги давлат раҳбариятига ҳеч қандай эътироз қилаётганим йўқ, қилишга ҳаққим ҳам йўқ. Зотан улар ҳам қўлларидан келган ишни қилишяпти. Бир нарсага эришиш, албата, осон бўлмайди”, — дейди у

Отажонов ҳозирда хориждалигини, яқинда Ўзбекистонга қайтиб, сайловда қатнашиш учун нима қилиш керак бўлса, бажаришини билдирган. Унинг сўзларига қараганда, керак бўлса янги партия тузади.

“Мабодо бу сафар улгурмасам, кейин сафар албатта бўламан”, - дея таъкидлаган собиқ қўшиқчи.

458
Теглар:
президент, Ўзбекистонда президент сайловлари, Жаҳонгир Отажонов
Флаг республики Казахстан

Биздан кейин фақат Нигерия ва Ўзбекистон - қозоғистонлик депутат паст ойликлар ҳақида

564
(Янгиланган 13:53 20.01.2021)
Қозоғистон Халқ партияси вакили реал иш ҳақи ошмаётган бир вақтда истеъмол саватчаси нархи бир неча баробар юқорилаб кетганига эътибор қаратди

ТОШКЕНТ, 20 янв — Sputnik. Собиқ коммунистлар партияси депутати Айбек Паяев Қозоғистон аҳолисининг иш ҳақи ўта пастлигидан норозилик билдирди, деб хабар бермоқда Sputnik Қозоғистон нашри.

Унинг сўзларига кўра, 2021 йил бошида Picodi халқаро хизмати аналитиклари Қозоғистондаги ойлик маошлар - дунёнинг 56 мамлакати ичидаги энг паст маошлардан бири эканлигини қайд этишган.

"Чидаб бўлмас факт шундаки, Қозоғистон суғурта бадаллари ошган ҳолда, ўтган йилга нисбатан энг кам иш ҳақи ўтган йилгига нисбатан камайган ягона давлатдир, биздан кейин фақат Нигерия ва Ўзбекистон бор", - деб айтган мажлис вакили.

Депутат шунингдек, тадқиқот муаллифлари оддий истеъмол саватчасини яратиб, маҳсулотлар нархини иш ҳақи билан таққослашганини айтди. Ўтган йилгига нисбатан бундай истеъмол саватининг нархи Қозоғистонда 14%га ошган.

Парламентарий шунингдек, Қозоғистонда энг кам иш ҳақи ўзгармагани ва 42 500 тенгени ташкил этишини, аммо суғурта бадаллари ошгани туфайли ҳақиқий иш ҳақи ўтган йилгига нисбатан пасайганини ва 37 400 тенгени ташкил этишини қўшимча қилган.

Аммо, бир вақтнинг ўзида, қўшни давлатларда, масалан Украинада маош 27%га, Польшада - 9,8%га, Беларусьда - 6,7%га, Россияда эса - 5,5%га ошган.

"Бу ҳеч қандай танқидга дош бермайди. Натижада Қозоғистоннинг энг кам маош оладиган фуқароларининг аҳволи ёмонлашди. Қозоғистонликлар учун муносиб турмуш даражасини таъминлаш учун энг кам иш ҳақи нафақат ўртача иш ҳақи, балки оиланинг ишламайдиган аъзолари бўлишини ҳисобга олган ҳолда ҳаёт кечиришнинг реал нархига ҳам боғлиқ бўлиши керак", - дея ўз норозилигини билдирган депутат.

Ўзининг депутатлик сўровида Паяев Вазирлар Маҳкамаси раҳбарига мурожаат қилиб, Қозоғистонда энг кам иш ҳақини ошириш бўйича қандай чоралар кўрилаётганлиги ва озиқ-овқат ва ноозиқ-овқат товарлар ва хизматларининг ҳақиқий нархини акс эттирувчи энг кам кунлик иш ҳақини ҳисоблаш методологиясини жаҳон стандартларига мувофиқ ўзгартириш режалаштирилаётгани тўғрисида саволларга жавоб беришни сўради.

Шунингдек, у Қозоғистонда халқаро стандартларга ва қозоқ жамиятининг эҳтиёжларига мос равишда ижтимоий сифат стандартлари ва турмуш даражасини ривожлантириш режалаштириляптими, дея савол берган.

Эслатиб ўтамиз, аввалроқ қозоғистонликлар мамлакат дўконларида озиқ-овқат маҳсулотлари нархининг кўтарилишидан шикоят қила бошладилар. Хусусан, фуқаролар тухум, гўшт, ун ва бошқа асосий озиқ-овқат маҳсулотлари нархларининг сезиларли даражада кўтарилганига ишора қилганлар.

564

Кремл "Путин қасри" ҳақидаги хабарлар юзасидан изоҳ берди

334
(Янгиланган 20:21 20.01.2021)
Кремл Геленджикдаги Владимир Путиннинг "қасри" ҳақидаги Алексей Навальний томонидан ўтказилган суриштирувни асоссиз сафсата ва компиляция деб атади.

ТОШКЕНТ, 20 янв — Sputnik. Кремл Геленджикдаги Владимир Путиннинг "қасри" ҳақидаги Алексей Навальний томонидан ўтказилган текширувни асоссиз сафсата ва компиляция деб атади.

Куни кеча Навальний жамоаси президент Қора денгиз қирғоғида 100 миллиард рублга қаср қургани тўғрисидаги материални эълон қилди.

"Биласизми, бу мавзу 3-4 йил олдин тармоққа ташланганди. Ва бу ҳолатда қуруқ сафсата қилинмоқда, мана бу ҳийла-найранглардан фойдаланишга бир неча бор уринишди. Кўпинча ўзларини қийнашмаяпти ҳам <...> ҳеч бўлмаганда бирон бир нарсани исботлаш эмас, ҳеч бўлмаганда тасвирлаб беришга минимал уринишлар билан” - деди президент матбуот котиби Дмитрий Песков.

У ягона янгилик бу - "монтаж ҳикоялари"дан фойдаланиш бўлган, дея тахмин қилди.

"У ерда, маълум бир қасридаги бассейнда, Путиннинг Енисейда сузиб юргани акс этган <...> бутун дунёда тарқалган <...> тасвирлар қўшиб қўйилган. Бу шундай қуруқ констатация", - деб тушунтирди Кремл вакили.

Бундан ташқари, Песков россияликларни "ФБК муттаҳамларига" пул ўтказмасликка чақирди, бундай текширувлар – бу фирибгарлик эканлигини таъкидлади.

"Давлат раҳбарига қарши тайёрланган ва тайёрланаётган ахборот хужумлари ҳақида аллақачон бизга маълум. Улар бўлган, афсуски, давом этади. Бу ҳолатда президент мавжуд бўлмаган мулкка эгалик қилишда айбланмоқда. Бутун мол-мулк Россия президенти томонидан ҳар йили декларацияланади ва чоп этилган йиллик декларацияда акс этган", - деб хулоса қилди Песков.

334
Теглар:
Навальний, Кремль, Москва, Россия
Мавзу бўйича
Кремль ЕИнинг Навальний туфайли санкцияларига муносабат билдирди
Олимпиада-Навальний жанжали: АҚШ ва Британия энг қимматли нарсасини қутқармоқда
Лавров ЕИнинг Навальний туфайли санкцияларига муносабат билдирди
Навальний иши: Россия Европа Иттифоқига қарши санкция қўллади
Навальний билан боғлиқ ҳолат бўйича жиноят ишини қўзғатишга асос йўқ - Лавров
Коронавирус, Беларусь, Қорабоғ ва Навальний: РФ ташқи разведка раҳбари билан интервью