Дорожные знаки

Йўл ҳаракати қоидаларининг янги таҳрири ишлаб чиқилади

279
Таъкидланишича, Йўл ҳаракати қоидаларининг ўзбек ва рус тилларидаги матнларида ҳам катта тафовутлар мавжуд.

ТОШКЕНТ, 27 сен — Sputnik. Ўзбекистонда 2021 йил 1 январига қадар Йўл ҳаракати қоидаларининг янги таҳрири ишлаб чиқилади. Бу ҳақда Сенат матбуот хизмати хабар қилмоқда.

Вазирлар маҳкамаси томонидан парламент сўровига биноан “Ўзбекистон Республикасида йўл ҳаракати хавфсизлигини таъминлаш, йўл-транспорт ҳодисаларининг олдини олиш бўйича амалга оширилиши лозим бўлган комплекс чора-тадбирлар дастури” ишлаб чиқилган. Унда “Ҳаётий фаолият хавфсизлиги” мажбурий фанини жорий этиш, тегишли дастурларни ишлаб чиқиш ва тасдиқлаш белгиланган. Бу масала бўйича  норматив-ҳуқуқий ҳужжат лойиҳасини 1 октябргача ишлаб чиқиш режалаштирилган. Шунингдек, 2021 йил январь ойидан ўқитувчилар малакасини ошириш дастурига йўл ҳаракати қоидаларининг киритилиши кўзда тутилган.

Таъкидланишича, Вазирлар маҳкамасининг 2015 йил 24 декабрдаги тегишли қарори билан тасдиқланган янги таҳрирдаги “Йўл ҳаракати қоидалари”ни такомиллаштириш зарур. Жумладан, мазкур Қоидалардаги баъзи бандларнинг ўрни алмаштириб юборилгани оқибатида тегишли бандлардаги ҳаволалар мутлақо бошқа бандларга тааллуқли бўлиб қолмоқда.

“Бундан ташқари, Қоидаларнинг ўзбек ва рус тилларидаги матнларида ҳам катта тафовутлар мавжуд. Бу масала бўйича юқоридаги дастурда 2021 йил 1 январига қадар Йўл ҳаракати қоидаларининг янги таҳририни ишлаб чиқиш вазифаси белгиланди”, - дейилган хабарда.

Шунингдек, 2021 йилнинг 1 июнига қадар тест саволларини қайта кўриб чиқиш ва такомиллаштириш кутилмоқда.

1 ноябрга қадар гувоҳномасини йўқотган ҳайдовчилар аризасини қабул қилиш ва ички тизим орқали маъмурий амалиёт бўлимидан зарур маълумотларни электрон олиш дастурини жорий этиш назарда тутилмоқда. Бунда Ички ишлар вазирлигининг ягона автоматлаштирилган ҳисобга олиш тизими маъмурий амалиёт тизими билан интеграция қилинади.

279
Бронзовый бюст первого президента Узбекистана Ислама Каримова

Қашқадарёда Ислом Каримов бюсти учун ўқитувчилардан мажбурий пул йиғилдими?

86
Ижтимоий тармоқларда Қашқадарёдаги мактабларнинг бирида ўқитувчилар ҳокимликдан Ислом Каримов бюсти тарқатилгани ва бу учун улардан мажбуран пул йиғилаётгани ҳақида хабарлар тарқалди.

ТОШКЕНТ, 25 янв — Sputnik. Қашқадарёда вилоятидаги мактабларда Ислом Каримов бюсти учун мажбурий пул йиғилгани ҳақида хабарларга расмий муносабат билдирилди.

Қашқадарё вилояти халқ таълими бошқармасининг маълум қилишича, Ўзбекистоннинг биринчи президенти Ислом Каримов хотирасини абадийлаштириш ҳамда келажак авлодга етказиш бўйича тайёрланган бюстларни вилоятдаги идора, корхона, ташкилот ва муассасаларга ҳамда шаҳар ва туманлар ҳокимларга етказиб бериш тўғрисида таклифий тақсимот жадвалига кўра, вилоят халқ таълими бошқармасига 200 дона тақсимот қилинган.

Ушбу бюстлар вилоят халқ таълими бошқармасининг ички тақсимоти асосида туман (шаҳар) халқ таълими бўлимларига тақсимлаб берилган. Жумладан, Чироқчи туманига 30 дона, Қарши шаҳрига 9 дона, Қарши туманига 12 дона, Миришкор туманига 7 дона, Ғузор туманига 12 дона, Деҳқонобод туманига 17 дона, Қамаши туманига 15 дона, Косон туманига 18 дона, Китоб туманига 16 дона, Муборак туманига 6 дона, Нишон туманига 7 дона, Касби туманига 10 дона, Шаҳрисабз туманига 15 дона, Яккабоғ туманига 18 дона, Шаҳрисабз шаҳрига 4 дона бюстлар тақсимот қилиб берилган.

Таъкидланишича, ҳозирда туман (шаҳар) халқ таълими бўлимларида ҳомийлик ёки бюджетдан ташқари тушган маблағ асосида шакллантириб, мактабларга тарқатиш учун сақланмоқда.

Қолган 5 та туманда Ислом Каримовнинг бюстлари, ўзлари ташаббус кўрсатган мактаб директорларига тарқатилган. Жумладан, Чироқчи, Муборак, Қарши, Косон, Деҳқонобод туманлари мактабларига тарқатилган.

“Пул маблағлари мактаблар жамоасидан йиғиб олинмаганлиги маълум бўлди”, — дейилган хабарда.

86
Теглар:
Халқ таълими вазирлиги (ХТВ), Қашқадарё вилояти

УзАвто янги Chevrolet Trackerни савдога чиқарди

236
Янгиланган Chevrolet Tracker панорама люк, 8 дюмли экранли аудиотизим, орқа камера  ва калитсиз кириш каби қулайликлар билан жиҳозланган. 

ТОШКЕНТ, 25 янв - Sputnik. УзАвто Моторс янги Chevrolet Trackerни савдога чиқарди, деб хабар қилмоқда компания расмий веб саҳифаси. 

Янги кроссовер биринчи навбатда ўзининг замонавий дизайни, хавфсизлиги ва тежамкорлиги билан харидорларнинг жалб қилиши кутилмоқда. Шунингдек унинг қулайлик ва самарадорлик хусусиятлари ҳам оширилган.

Обновленный Chevrolet Tracker

Хусусан, янги Trackerда панорама люк, светодиодли чироқлар, 8 дюмли экранли аудиотизим, орқа камера,  ва бошқа кўплаб қулайликларни топиш мумкин. 

Tracker замонавий, 123 от кучига эга бўлган 3 цилиндрли ЭCОТEC турбомотор билан жиҳозланган бўлиб, унинг ёнилғи сарфи 100 кмга - 5,5 литрни ташкил қилади (аралаш цикл). 

Автомобил шунингдек 6 поғонали автоматик узатмалар қутиси, калитсиз очиб/ёпиш ва ўт олдириш, экологияни асраш ва ёқилғи тежашга мўлжалланган "старт-стоп" тизимлари билан жиҳозланган. 

"Янги Chevrolet Tracker 2021 йилнинг 25 январ санасидан бошлаб 2та комплектацияда савдога чиқарилди", - дейилган хабарда. 

Chevrolet Trackerнинг · бошланғич комплектацияси - 145 130 000 сўмдан бошланади. LT комплектация - 193 043 478 сўм*. (*Нархлар ҚҚСсиз кўрсатилган)

Айни дамда компания бошланғич комплектация автомобиллари сотувда йўқ, лекин харидорлардан буюртмалар қабул қилинмоқда. Етарли миқдордаги сўровлар жамланганидан сўнг, компания ушбу автомобилларни харидорларга етказиб берилишини таъминлайди, - дейилган расмий хабарда.

236
Флаг с символикой Евразийского экономического союза (ЕАЭС)

ЕОИИ-Ўзбекистон ҳамкорлик “Йўл харитаси” тасдиқланди

42
(Янгиланган 15:26 25.01.2021)
Ўзбекистоннинг ЕОИИ билан ҳамкорлик масаласи юзасидан 2021 йилга мўлжалланган “Йўл харитаси” лойиҳаси атрофлича муҳокама қилиниб, тасдиқланди.

ТОШКЕНТ, 25 янв — Sputnik. Бугун Олий Мажлис Қонунчилик палатасининг Ўзбекистон Республикасининг Евроосиё иқтисодий иттифоқи (ЕОИИ) билан ҳамкорлигини йўлга қўйиш масаласини ўрганишни ташкил этиш бўйича ишчи гуруҳининг йиғилиши бўлиб ўтди.

Унда Қонунчилик палатасининг Ўзбекистон Республикасининг ЕОИИ билан ҳамкорлигини йўлга қўйиш масаласини ўрганишни ташкил этиш бўйича ишчи гуруҳи раҳбари Акмал Саидов, ишчи гуруҳ аъзолари ҳамда оммавий ахборот воситалари вакиллари иштирок этдилар.

Ишчи гуруҳининг мақсади - ЕОИИга аъзоликнинг ижобий ва салбий жиҳатларини чуқур таҳлил қилиш, миллий иқтисодиётга таъсирини ўрганиш, бошқа халқаро ташкилотлар ва хорижий мамлакатлар билан ҳамкорлик истиқболларига ўзаро боғлиқлигини ҳар томонлама кўриб чиқиш.

Дастлаб йиғилишда Ўзбекистон Республикаси президенти Шавкат Мирзиёев томонидан 2020 йил 29 декабрь куни Олий Мажлисга йўлланган Мурожаатномадан келиб чиқиб, 2021 йилда ЕОИИ билан ҳамкорликни йўлга қўйиш масаласини ўрганишни ташкил этиш, Ўзбекистоннинг ЕОИИга кузатувчи мақомида ушбу миинтақавий тузилманинг кенг имкониятларидан ҳар томонлама фойдаланиш йўлларини қидириш Қонунчилик палатасида тузилган мазкур ишчи гуруҳнинг асосий вазифаларидан бири эканлиги таъкидланди.

Йиғилиш иштирокчилари Ўзбекистон ЕОИИда кузатувчи мақомини олганлиги ҳамда ушбу ташкилотга аъзо бўлган давлатлар бозорларида тўлақонли иштирок этиши учун ҳамкорликнинг ҳуқуқий тартибга солиш механизмларини чуқур ўрганиш, миллий техник тартибга солиш меъёрларини ЕОИИ талабларига мослаштириш бўйича ишларни жадаллаштириш зарурлигини таъкидлашди. ЕОИИ билан Ўзбекистон ўртасида ҳамкорлик ишларини самарали ташкил этиш мақсадида 2021 йилга мўлжалланган “Йўл харитаси” лойиҳаси атрофлича муҳокама қилиниб, тасдиқланди.

Олий Мажлис Қонунчилик палатаси томонидан тузилган мазкур ишчи гуруҳи йиғилишида билдирилган таклиф ва мулоҳазаларни тегишли мутасадди вазирлик, идора ва ташкилотларга етказиш ва ижроси устидан парламент назоратини ўрнатишга оид аниқ чора-тадбирлар белгиланди.

42
Теглар:
Шавкат Мирзиёев, президентнинг парламентга мурожаатномаси, Олий Мажлис, Россия, ЕОИИ, Ўзбекистон
Мавзу:
Ўзбекистон ва ЕОИИ – интеграция истиқболлари
Мавзу бўйича
Муроса қилиш: Тюрденев ЕОИИга қўшилишнинг фойдали ва хатарли томонлари ҳақида
Ўзбекистон ЕОИИга аъзо бўлса, бу меҳнат мигрантларига нима беради?
Ўзбекистон ЕОИИга қўшилса, Тожикистонда танлов қолмайди – Мигранян
Оверчук: ЕОИИ Ўзбекистоннинг иттифоққа қўшилишига умид қилмоқда