Пассажиры на платформе Курского вокзала в Москве

Москвада ходимларнинг 30%ини масофавий ишлашга ўтказиш буюрилди

154
(Янгиланган 17:35 01.10.2020)
Москвада иш берувчиларга ходимларининг 30%ини мажбурий тартибда масофавий ишлашга ўтказиш белгиланди.

ТОШКЕНТ, 1 окт - Sputnik. Москва шаҳри ҳудудида фаолият юритаётган корхоналар 5 октябрдан ходимларининг 30%ини масофавий ишлаш тартибига ўтказиши керак. Бу ҳақида шаҳар мэри Сергей Собяниннинг фармони эълон қилинди.

Ундан ташқари Москва корхоналари ёши 65дан катта бўлган ва сурункали касалликларга эга бўлган ходимларни ҳам масофавий ишлаш тартибига ўтказиши керак. 

Бундай тартиб пойтахтдаги эпидмиологик вазият билан боғлиқдир. Бир неча кун олдин шаҳар мэри томонидан эълон қилинган ходимларни масофавий ишлашга ўтказиши ҳақидаги тавсияномага кўпчиллик қулоқ солмаган эди.

- Биз тавсияномаларимиз метро ва ер усти транспортида одамлар сонини камайтиаради деб умид қилган эдик, лекин афсуски бундай бўлмади. Бир қатор корхоналар бизнинг маслаҳатга қулоқ солишди, лекин жамоат транспортида одамлар сонини камайиши кузатилмади. Энди иш берувчилар мажбурий тартибда айрим ходимларни масофавий ишлашга ўтказиши керак бўлади", - деди Сергей Собянин.

Фақат тиббиёт муассасалари, мудофаа корхоналари, Роскосмос, Росатом ва бошқа стратегик муассасалар одатий тартибда ишлашда давом этади.

Эслатиб ўтамиз, сўнгги сутка давомида Москвада 2424 кишида коронавирус аниқланган. Эпидемия бошланган вақтдан буён 295 025 киши зарарланган. 

Россияда Москва энг кўп аҳоли зарарланган ҳудуд бўлиб қолмоқда. Иккинчи ўринда Москва вилояти - 73 832 киши. Санкт-Петербургда — 43 306 киши.

 

 


Реклама

154

Қашқадарёда ишчилар нимадан норози бўлгани аниқланди

58
(Янгиланган 10:06 23.10.2020)
Бир неча кун олдин можаро уюштирган Uzbekistan GTL компанияси ишчилари аслида узоқ вахта тартиби ҳамда сифатсиз овқатдан норози бўлишган.

ТОШКЕНТ, 23 окт – Sputnik. Энергетика вазири, Бандлик ва меҳнат муносабатлари вазири, Қашқадарё вилояти ҳокими, “Ўзбекнефтгаз” АЖ вакиллари Қашқадарё вилоятида жойлашган GTL компанияси ишчилари билан учрашиб уларнинг талабларини тинглашди.

Встреча с рабочими компании ETER Engeneering

Эслатиб ўтамиз, 21 октябр куни ушбу компания ишчилари томонидан можаро содир этилган, норозилик белгиси сифатида офисларининг ойналини синдириб, компания мулкига зарар етказишган эди.

Ишчилар билан бўлиб ўтган учрашувда маълум бўлишича, улар биринчи навбатда карантин шароитида 40-45 кун объектдан чиқмай ишлаш тартиби ўрнатилганидан норози бўлишган.

Иккинчидан, ишчилар ошхонадаги узун навбат ва овқат сифатидан ҳам норози бўлишган.

Ижтимоий тармоқларда айтиб ўтилган ойлик маошларигтгш ўз вақтида тўлаш муаммоси – ўз тасдиғини топмади. Ишчилар маошлар ўз вақтида тўланаётганини тасдиқлашди.

Ишчилар “ENTER Engineering” компанияси раҳбарияти, вилоят ҳокимияти ва бошқа ташкилотлар вакилларига миннатдорлик билдиришди.

 – Бу учрашув туфайли биз илк бор илгари ҳеч кўрмаган лойиҳа ва компания касаба уюшмаси раҳбарлари билан юзма-юз учрашдик, - деб қайд этишди оддий ишчилар.

Учрашув якунида Қашқадарё вилояти ҳокими санитария ва эпидемиология чораларига риоя қилган ҳамда ва ПЦР таҳлилини ўз вақтида топширган - қатъий карантин чораларининг бекор қилиниши маъқулланди.

Шунингдек, корхонада йиғилиб қолган норозиликларни ўрганиш ва ҳал этиш учун махсус ишчи гуруҳлар тузилиб, уларнинг таркибига ҳокимият ва бошқарувчи компания, энергетика вазирлиги, вазирлиги ва Ўзбекнефтгаз вакиллари киритишга келишиб олинди.

Встреча с рабочими компании ETER Engeneering
58
Девушка с книгами

Контракт пулини 4га бўлиб тўлаш мумкин - вазирлик

31
(Янгиланган 09:31 23.10.2020)
Ушбу ўқув йилидан бошлаб тўлов контракт асосида ўқишга қабул қилинган талабалар ўқиш пулини 4 қисмга бўлиб тўлашлари мумкин.

ТОШКЕНТ, 23 окт – Sputnik. Ўзбекистон олий таълим муассасаларида 2020-21 ўқув йилидан бошлаб тўлов-контракт пулини ўқув йили давомида 4та тенг бўлакка бўлиб тўлаши мумкин. Бу ҳақида Олий ва ўрта махсус таълим вазирлиги хабар қилмоқда.

Контракт пулини тўлаш учун қуйидаги муддатлар белгиланган:

  • камида 25 % - 15 сентябргача, иккинчи ва ундан кейинги босқич талабалар учун 1 октябргача. Ёки ОТМ раҳбарияти томонидан узайтирилган муддатгача;
  • камида 50 % - 1 январгача, 75 фоизи - 1 апрелгача ва 100 фоизи - 1 июлгача ёки олий таълим муассасаси ректори (филиал директори) томонидан узайтирилган муддатларгача;

Хорижий фуқаролар учун тўлов муддати олий таълим муассасаси ректори (филиал директори) томонидан алоҳида белгиланиши  мумкин.

Шунингдек, табақалаштирилган тўлов-контракт асосида қабул қилинган абитуриентлар  ўқув йилининг биринчи ярми учун тўловларни амалга ошириш муддати ва миқдорлари Ўзбекистон Республикаси таълим муассасаларига ўқишга қабул қилиш бўйича Давлат комиссияси томонидан ва қолган қисми олий таълим муассасаси ректори (филиал директори) томонидан белгиланган муддатларгача амалга оширилади.

31
Путин: приближение НАТО к границам России угрожает безопасности страны

Путин собиқ СССР мамлакатлари ишига аралашмасликка чақирди

26
Собиқ иттифоқ давлатлари билан муносабатларимиз қандай шаклланмасин, манфаатлар бирлиги барибир тош босади, деди Путин.

ТОШКЕНТ, 23 окт - Sputnik. Собиқ иттифоқ ҳудудидаги мамлакатларда давлатчилик ниҳолларига ўта эҳтиёткорлик билан муносабатда бўлиш, маслаҳатлар ва тавсиялар билан улар ишига аралашмаслик керак, турли томонларни қўллаб қувватлаш мақсадида таклифлар ва миллионларни тутқазиб, ўта нозик жойда дағаллик билан ҳаракат қилиб, борини ҳам йўқ қилмаслик керак, деб баёнот қилди Россия президенти Владимир Путин.

"Барча собиқ иттифоқ мамлакатларига ўта эътиборлилик билан муносабатда бўлиб, бу давлатчилик ниҳолларини ўта эҳтиёткорлик билан қўллаб-қувватламоқ лозим, четдан туриб турли маслаҳатлар ва тавсиялар бериш, мутлақо мумкин эмас, шунингдек, ҳар қандай аралашувдан тийилиш лозим. Чунки бу нарсалар ушбу мамлакатлардаги энди ривожланиб келаётган, ҳали мўрт бўлган институтлар, суверенитетлар ва давлатчиликни барбод қилади. Бу мамлакатлардаги одамларга жамият ичидаги муносабатларни эҳтиёткорлик билан қуришларига имкон бериш лозим. Шунчаки мисоллар келтириш мумкин, бироқ ўз таклифларингиз, ўз миллионларингиз билан гоҳ бир, гоҳ иккинчи томонни, уларни қўллаб-қувватлаш мақсадида идиш-товоқлар дўконига кириб қолган филдек тутиш, улар ишига аралашиш керак эмас", - деди у "Валдай" мунозаралар майдонида қилган чиқишида.

Собиқ иттифоқ давлатлари билан муносабатларимиз қандай шаклланмасин, манфаатлар бирлиги барибир тош босади, деди Путин.

РФ президентига кўра, чунки бу давлатлар шунчаки кўп йиллар давомида ягона мамлакат доирасида яшаган эмас, улар юз йилликлар давомида умумий давлат доирасида бўлишган.

"Биз улкан алоқаларга эгамиз, иқтисоддаги кооперациямиз ўта чуқур, гуманитар алоқаларимиз кучли, бир ҳаммамиз битта тилда гаплашамиз... Мазмунан олганда, биз битта маданий майдон одамларимиз, мен тарих ҳақида гапирганим йўқ ҳали - биз умумий тарихга, нацизм устидан умумий ғалабага эгамиз. Бизнинг аждодларимиз, оталаримиз, боболаримиз ўз қони билан алоҳида муносабатларимизни мустаҳкамлашган. Ва бугун нимаики рўй бермасин, сиёсий конъюктура қандай ривожланмасин, айни вақтда шунга қатъий ишонаманки - мана шу - манфаатлар умумийлиги барча давлатлар билан, улар билан муносабатларимиз қанчалик қийин кечмасин, бироқ барибир алоқаларимиз қайтадан тараққий этишига йўл очиб беради", - деди Путин.

26