Техники у самолета российской низкобюджетной авиакомпании Победа

"Победа" авиакомпанияси Ўзбекистонга учишга рухсатнома олди

630
"Победа" Самарқанд, Бухоро ва Фарғонага парвозлар амалга ошириш Росавиациядан учун русат олди. Энди бўлса Ўзбекистон фуқаро авиацияси агентлигидан рухсатнома олиши керак.  

ТОШКЕНТ, 8 окт — Sputnik. Россия Ҳаво транспорти федерал агентлиги (Росавиация) “Победа” авиакомпаниясига Ўзбекистонга парвозлар амалга ошириш учун рухсат берди. Ушбу ҳақидаги ҳужжат агентлик расмий сайтида чоп этилган.

“Рухсатнома – бу авиакомпанияга халқаро йўналишлар бўйича парвозлар амалга ошириш ҳуқуқидир. Ушбу ҳуқуқдан авиакомпания пандемия туфайли киритилган чекловлар бекор қилинганидан сўнг фойдаланиши мумкин”, - дейилган ҳужжатда.

Росавиация Победа авиакомпаниясига қуйидаги йўналишлар бўйича парвозлар амалга оширишга рухсат берган:

  • Новосибирск — Самарқанд;
  • Екатеринбург — Самарқанд;
  • Санкт-Петербург — Бухоро;
  • Москва — Нукус;
  • Москва — Бухоро;
  • Қозон— Наманган — Қозон;
  • Екатеринбург — Наманган — Екатеринбург;
  • Новосибирск — Фарғона;
  • Екатеринбург — Фарғона;
  • Москва — Қарши;
  • Москва — Навои;
  • Москва — Урганч.

Ушбу парвозларни амлга ошириш учун “Победа” Ўзбекистон фуқаро авиацияси агентлигидан рухсатнома олиши керак.  

Эслатиб ўтамиз, айни дамда Ўзбекистондан Россия, Беларус, Буюк Британия, Миср, Қозоғистон, Қирғизистон, БАА, Туркия, Швеция ва Жанубий Кореяга парвозлар қисман тикланган.

Парвозларга фақат 72 соат олдин коронавирусга тПЗР ташҳиси топширган ва манфий натижага эга бўлган йўловчилар қўйилади. Ўзбекистонга келган йўловчилар 2 ҳафта давомида ўзини ўзи яккалаш тартибига риоя қилиши керак бўлади.

630
Национальная валюта Узбекистана — сум

Айрим транспорт воситаларидан утилизация йиғими ундирилмайди

58
Айрим транспорт воситаларидан 2022 йил 31 декабрга қадар утилизация йиғими ундирилмайди. Ҳукумат қарори қабул қилинди.

ТОШКЕНТ, 30 окт — Sputnik. “Коронавирус пандемияси даврида ташқи иқтисодий фаолият, туризм ва қурилиш соҳаларини қўллаб-қувватлашга доир қўшимча чора-тадбирлар тўғрисида”ги ҳукумат қарори қабул қилинди.

Қарорга кўра, 2022 йил 31 декабргача қуйидагиларга утилизация йиғимининг ноль ставкаси қўлланилади:

- юк ташиш учун мўлжалланган шатакчи автомобиллар (ТИФ ТН коди 8701 20, ишлаб чиқарилганига 4 йилдан ошганлари бундан мустасно), шунингдек, тиркамалар ва ярим тиркамалар (ТИФ ТН кодлари 8716 31, 8716 39, ишлаб чиқарилганига 5 йилдан ошганлари бундан мустасно);

- юк ташиш учун мўлжалланган янги транспорт воситалари (ТИФ ТН кодлари 8704 22, 8704 23) ҳамда махсус мўлжалланган янги транспорт воситалари (ТИФ ТН коди 8705 10, 8705 40, 8705 90);

- ҳайдовчи билан бирга 10 ва ундан ортиқ йўловчиларни ташиш учун мўлжалланган транспорт воситалари (ТИФ ТН коди 8702, ишлаб чиқарилганига 4 йилдан ошганлари бундан мустасно).

Шунингдек, эндиликда давлатлараро, ҳукуматлараро, халқаро ташкилотлар йўналишлари бўйича хайрия ёрдами мақсадларида олиб кириладиган транспорт воситаларига ҳам утилизация йиғими ундирилмайди.

58
Стенд Узбекистана на продовольственной выставке Продэкспо-2020

Алкогол истеъмол ёшини янада ошириш таклиф қилинди - янги қонун

99
(Янгиланган 14:16 30.10.2020)
Узумчилик ва виночилик агентлиги табиий винолардан бошқа алкогол рекламасини таъқиқловчи қонун лойиҳасини таклиф қилди.

ТОШКЕНТ, 30 окт - Sputnik. Ўзбекистонда алкогол ва тамаки маҳсулотларини сотишда, реклама қилишда қўшимча чековлар киритилиши мумкин. Бу ҳақида янги қонун лойиҳақида айтиб ўтилган. 

Ушбу қонун лойиҳасида айтилишига кўра, алкогол ва тамаки маҳсулотларини сотиш тартибига қўйидаги чекловларни киритиш керак: 

1. Алкогол ва тамаки маҳсулотларини фақат 21 ёшда катта бўлган фуқароларга (ҳозир 20) 

2. Алкогол (кўпикланадиган ва табиий винодан ташқари) ва тамаки маҳсулотларини реклама қилишнинг ҳар қандай турлари, сотувини рағбатлантириш ва ҳомийлик қилиш тақиқланади

3. Кўпикланадиган ва табиий вино учун реклама телевидениеда маҳаллий вақт билан соат 23:00 дан соат 07:00 гача намойиш қилиниши мумкин.

4. Алкогол маҳсулотини иш жойларида, кўчалар, стадионлар, хиёбонлар, истироҳат боғларида, жамоат транспортининг барча турларида ва бошқа жамоат жойларида истеъмол қилишга йўл қўйилмайди.

5. Тамаки маҳсулотларин жамоат жойларида ва транспортда фақат махсус ажратилган жойларда истеъмол қилиш мумкин; 

6. Шахсий автотранспорт воситаларида 18 ёшга тўлмаган ёки хомиладор аёллар бўлган тақдирда, тамаки маҳсулоти ва чилимни истеъмол қилиш тақиқланади.

Узумчилик ва виночиликни ривожлантириш агентлиги томонидан таклиф этилган ушбу қонун лойиҳаси 13 ноябрга қадар муҳокамада бўлади. 

 

 

 

 

99