Ноябрда метро жетонлардан фойдаланиш тўхтатилади

266
(Янгиланган 17:09 08.10.2020)
Тошкент метро бекатлари ва 1000 дан ортиқ автобуслар - йўл ҳақи тўловларини ягона транспорт карталари ва NFC банк карталари орқали амалга ошириш имкониятини берувчи статционар валидаторлар билан жиҳозланган.

ТОШКЕНТ, 8 окт - Sputnik. Ноябр ойидан бошлаб Тошкент метрополитенида жетонлардан фойдаланиш тўхтатилади. Бу ҳақида Ўзбекистон Транспорт вазирлиги матбуот хизмати хабар қилмоқда. 

Хабарда айтилишига кўра, ушбу тартиб жамоат транспортида нақд пулдан воз кечиш мақсадида амалга оширилмоқда.

Йўловчиларнинг ягона транспорт карталари орқали автоматлашган йўл ҳақи тўловини амалга ошириш тизимининг ишлаб кетишини тезлаштириш, жамоат транспортида нақд пул муомаласидан воз кечиш мақсадида 2020 йил 1 ноябрдан Тошкент метрополитенида жетонлардан фойдаланиш тўхтатилишини маълум қиламиз, - дейилган расмий хабарда.

Бугунги кунда Тошкент метрополитенининг барча линияларидаги бекатлар йўл ҳақи тўловларини ягона транспорт карталари ва NFC банк карталари орқали амалга ошириш имкониятини берувчи статционар валидаторлар билан жиҳозланган.

Ундан ташқари, “Тошшаҳартрансхизмат” АЖга қарашли 1000 дан ортиқ автобусларнинг барчаси электрон карталар орқали тўловларни амалга ошириш имконини берувчи мобил ва статционар валидаторлар билан тўлиқ таъминланган.

Эслатиб ўтамиз,2019 йил 25 ноябр ойида Вазирлар Маҳкамасининг “Умумий фойдаланиладиган транспортда йўловчи ташишда йўлкира ҳақини тўлашнинг автоматлаштирилган тизимини жорий этиш тўғрисида”ги қарори имзоланган эди. Унинг доирасида 2020 йил 3 январдан эътиборан ягона транспорт карталари муомалага чиқарилган эди.

 

266
Стенд Узбекистана на продовольственной выставке Продэкспо-2020

Алкогол истеъмол ёшини янада ошириш таклиф қилинди - янги қонун

47
(Янгиланган 14:16 30.10.2020)
Узумчилик ва виночилик агентлиги табиий винолардан бошқа алкогол рекламасини таъқиқловчи қонун лойиҳасини таклиф қилди.

ТОШКЕНТ, 30 окт - Sputnik. Ўзбекистонда алкогол ва тамаки маҳсулотларини сотишда, реклама қилишда қўшимча чековлар киритилиши мумкин. Бу ҳақида янги қонун лойиҳақида айтиб ўтилган. 

Ушбу қонун лойиҳасида айтилишига кўра, алкогол ва тамаки маҳсулотларини сотиш тартибига қўйидаги чекловларни киритиш керак: 

1. Алкогол ва тамаки маҳсулотларини фақат 21 ёшда катта бўлган фуқароларга (ҳозир 20) 

2. Алкогол (кўпикланадиган ва табиий винодан ташқари) ва тамаки маҳсулотларини реклама қилишнинг ҳар қандай турлари, сотувини рағбатлантириш ва ҳомийлик қилиш тақиқланади

3. Кўпикланадиган ва табиий вино учун реклама телевидениеда маҳаллий вақт билан соат 23:00 дан соат 07:00 гача намойиш қилиниши мумкин.

4. Алкогол маҳсулотини иш жойларида, кўчалар, стадионлар, хиёбонлар, истироҳат боғларида, жамоат транспортининг барча турларида ва бошқа жамоат жойларида истеъмол қилишга йўл қўйилмайди.

5. Тамаки маҳсулотларин жамоат жойларида ва транспортда фақат махсус ажратилган жойларда истеъмол қилиш мумкин; 

6. Шахсий автотранспорт воситаларида 18 ёшга тўлмаган ёки хомиладор аёллар бўлган тақдирда, тамаки маҳсулоти ва чилимни истеъмол қилиш тақиқланади.

Узумчилик ва виночиликни ривожлантириш агентлиги томонидан таклиф этилган ушбу қонун лойиҳаси 13 ноябрга қадар муҳокамада бўлади. 

 

 

 

 

47

Қорақалпоқ асираси: Қонликўлда 24 ёшли аёл оила қуриш мақсадида ўғирланди

208
(Янгиланган 12:11 30.10.2020)
Ўғрилар аёлнинг орқасидан бориб унга куч ишлатиб, мажбуран "Nexia-2" автомашинасига миндириб, Қонликўл тумани Бўстон ОФЙда жойлашган уйига олиб боришиган.

ТОШКЕНТ, 30 - Sputnik. Никоҳга кириш учун мажбуран ўғирланган аёл ИИБга мурожаат қилди, ҳолат бўйича жиноят иши қўзғатилган, деб хабар бермоқда Ўзбекистон ИИВ ҳузуридаги Тергов департаменти.

Ҳодиса Қорақалпоғистон Республикаси Қонликўл туманида 13 октябрь куни содир бўлган.

Кечга томон 30 ёшли Д.Е., танишлари 29 ёшли Р.Ж. ва 30 ёшли П.Б.лар билан олдиндан жиноий тил бириктириб, бир гуруҳ бўлиб, 24 ёшли аёл - Г.С.ни унинг эркига хилоф равишда ўғирлаб кетишган.

Ўғрилар аёлнинг орқасидан бориб унга куч ишлатиб, мажбуран "Nexia-2" автомашинасига миндириб, Қонликўл тумани Бўстон ОФЙда жойлашган уйига олиб боришиган.

Ўғирлашдан мақсад Г.С.,ни Д.Е., билан никоҳлаш бўлган.

Ҳолат юзасидан Г.С., туман ИИБ бошлиғига ариза билан мурожаат қилган. Ҳодиса жойига тергов-тезкор гуруҳи ходимлари чиқиб кўздан кечириш ва бошқа терговга қадар текширув ҳаракатларини ўтказишган. Д.Е.,нинг номида бўлган “Nexia-2” русумли автомашина далилий ашё тариқасида олиниб, тегишли тартибда муҳрланган.

Мазкур ҳолат юзасидан Қанликўл тумани ИИБ ҳузуридаги Тергов гуруҳи томонидан Ўзбекистон Республикаси Жиноят кодексининг 136-моддаси 1-қисми (Аёлни эрга тегишга мажбур қилиш ёки унинг эрга тегишига тўсқинлик қилиш) билан жиноят иши қўзғатилган.

Ҳозирда тергов ҳаракатлари олиб бормоқда.

 

 

208