Символы закона и правосудия

Бош прокуратура: 16 ёшли қизнинг номусига тегган хонанда қонун олдида жавоб беради

1287
Жорий йилнинг июнь ойларида машҳур санъаткорнинг самарқандлик вояга етмаган қизнинг номусига текканлиги бўйича хабар тарқалди. Каттақўрғон тумани ИИБ эса мазкур ҳолатда жиноят аломатлари бўлмаган, деб ишни босди-босди қилишга уринган.

ТОШКЕНТ, 23 окт — Sputnik. Республика бош прокуратураси ахборот хизматининг маълум қилишича, Самарқанд вилояти прокуратураси томонидан Каттақўрғон тумани ИИБ Тергов бўлимининг жиноят ишини қўзғатишни рад этиш тўғрисидаги қарори бекор қилиниб, иш қўшимча ўрганиш учун қайтарилган. Ҳозирда терговни Самарқанд вилоят ИИБ Тергов бошқармаси олиб бормоқда.

Аслида воқеа қандай содир бўлган?

Маълум қилинишича, зўрланганлиги айтилаётган қиз Самарқанддаги лицейларнинг бирида таҳсил олади. У ўзи билан бирга ўқийдиган каттақўрғонлик дугонасидан эстрада хонандаси Ж.У.ни шахсан таниши, унинг ўзларига яқин ҳудудда туғилгани ва оилавий базмларга келиб туриши ҳақида эшитган. Хонанданинг ижодига бефарқ бўлмаганлиги сабабли, Ш. у билан яқиндан танишишга қизиқиб қолган ва дугонаси Д. ёрдамида у билан конференалоқа телефон орқали суҳбатлашган.

Хонанда қизни машинасига миндириб, бошқа бир ҳовлига олиб борган... 

Конферренц алоқа орқали танишиб олишгач, хонанда қизни Каттақўрғонга таклиф қилган. Суҳбатнинг эртасига қиз аввал дугонаси билан гаплашиб олиб, дугонаси уни туманда кутиб туришга, сўнг биргаликда опасиникига боришларига келишишган. Аммо хонанда қизларни кўча бошида оқ “Ласетти” машинасига миндириб, бошқа ҳовлига олиб борган. У ерда уй эгасидан ташқари янна икки киши бўлган. Хонанда Ш.га коньякка ўхшаш ичимлик қуйиб бериб, ичишга мажбурлаган. Қиз ичимликни ичгач, хонанда уни “Сизда гапим бор” дея бошқа хонага олиб ўтган, “дугонаси қиз бола эмаслигини айтгани” ҳақида шаъма қилиб, қизга тегажоқлик қилган. Қиз бокира эканлигини айтиб, қаршилик кўрсатсада, хонанда куч ишлатиб, унинг номусига тегган...

"Шотирлар"и қизга пичоқ ўқталишиб, уни ўлдиришлари билан қўрқитишган...

Жинсий ва руҳий зўравонликка учраган Ш. бўлиб ўтган воқеадан сўнг шокка тушиб додлаган, қоронғида кўчага чиқиб кетган. Хонанданинг шериклари эса уни тутиб олиб, машинага ўтқизишган, уни қабристон олдига олиб бориб, пичоқ ўқталишган. Қизнинг қўрқув ҳолатидалигини ўзгача қабул қилган “шотирлар” уни яна ўша ҳовлига қайтариб олиб келишган. Хонанда Ш.га «Сен қиз бола чиқмадинг», дея у билан яна бир марта жинсий алоқада бўлган. Бирор  соатлардан сўнг эса қизлар Ш.нинг дугонаси уйига ташлаб кетилган...

Қилғиликни қилиб, уйланишдан бош тортмоқда!

Қизнинг ҳолатидан хабар топган яқинлари аввалига андиша қилишган ва бир оз вақтдан сўнг хонанданинг уйига бориб, бўлиб ўтган воқеа ҳақида унинг оила аъзоларига маълум қилишган, ими-жимида оила қуриб хонанданинг Ш.га уйланишини сўрашган. Аввалига қизнинг ўзини айблаган хонанданинг оила аъзолари, сўнг “Ж.У.нинг бетайинлиги, у билан қизлари бахтли бўлолмаслиги”ни айтишган ва уйланиш таклифини рад этишган...

Суриштирув органи жиноятни яширишдан қандай манфаатдор эди?

15 июнь куни ҳолат юзасидан Каттақўрғон туман ИИБга мурожаат қилингач, бу бўйича суриштирув ўтказишга киришилган. Аммо бир оздан сўнг Самарқанд вилоят ИИБ томонидан “ҳолат юзасидан Ж.У.  ва шерикларининг ҳаракатларида жиноят аломатлари йўқлиги, шу сабабли ЖПКнинг 36-моддаси, 83-моддаси 2-бандини қўллаб, тўпланган ҳужжатлар юзасидан жиноят иши қўзғатишни рад қилиш” ҳақида қарор қабул қилинган.

Номаълум сабабларга кўра дастлабки ИИБ текшируви шу тарзда асоссиз тугатилгач, прокуратура аралашиб, иш хужжатлари қўшимча текширишга  юборилган. Шундан сўнг ИИБ томонидан ўтказилган қўшимча текширув ишлари якуни асосида жиноят иши қўзғатилган.

“Вазиятни прокуратура назоратга олгач, Каттақўрғон туманига бориб, ҳодиса содир бўлган уй ИИБ вакиллари ҳамроҳлигида ўрганилди. 10 октябрь куни жиноят иши қўзғатилди. Шундан сўнг терговга чақиришди. Терговга Ж.У. ҳам чақирилганди, аммо ўша воқеа содир бўлган кунда хонанданинг ёнида турган икки шериги келди, холос. Истардикки, бу сафар тергов бир томонлама бўлиб қолмайди, холислик таъминланади”, – дейди қизнинг отаси.

1287
Пробирки с биоматериалом

Ўзбекистонда коронавирус: 26 ноябрь асосий хабарлари

176
Ўзбекистонда яна 62 кишида коронавирус аниқланди, республика бўйлаб коронавирус инфекцияси қайд этилганлар сони 72 289 нафарни ташкил қилмоқда.

ТОШКЕНТ, 26 ноя — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

26 ноябрь coaт 13:00 га қадар 62 кишида коронавирус аниқланди, Ўзбекистонда коронавирус инфекцияси қайд этилганлар сони 72 289 нафарни ташкил қилмоқда.

Янги касалланиш ҳолатларининг: Андижон вилоятида 2 нафар, Қашқадарё вилоятида 7 нафар, Наманган вилоятида 5 нафар, Тошкент вилоятида 41 нафар, Тошкент шаҳрида 7 нафар коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Соғайиш кўрсаткичи

Республика бўйлаб жами соғайганлар сони 69 477 нафарга етди. Соғайиш кўрсаткичи 96 фоиз.

Айни пайтда 2 206 нафар беморга белгиланган стандартлар бўйича даво чоралари кўрилмоқда.

Ўлим ҳолатлари

Ўзбекистонда жами 606 киши пандемия қурбони бўлди.

Польшадан ёрдам

Польша коронавирусга қарши курашиш учун Ўзбекистонга гуманитар ёрдам юборди. Махсус самолётда шахсий ҳимоя воситалари, дезинфекция воситалари, термометрлар ва дори-дармонлари олиб келинди. Юкнинг қиймати 214 минг доллар.

Дунё саломатлиги

Дунё бўйлаб инфекцияни юқтириб олган кишиларнинг сони 60,4 миллиондан ошди, 1,4 миллиондан ортиқ киши вафот этди, 38,7 миллиондан ортиқ киши тузалди. Энг кўп ҳолатлар АҚШда (12,8 млн), Ҳиндистонда (9,3 млн), Бразилияда (6,2 млн).

176
Железнодорожный вокзал в Хельсинки

Ўзбекистон нега Финландия таълим моделини танлади ва уни қандай ўрганмоқчи

171
(Янгиланган 16:15 26.11.2020)
Фин таълим тизими нимаси билан аҳамиятли? Ўзбекистон уни қандай қилиб татбиқ этишни режалаштирган? Ушбу мавзуда халқаро онлайн мулоқот хулосалари.

ТОШКЕНТ, 26 ноя – Sputnik. Кеча 25 ноябр куни “Финляндиянинг таълим тажрибасини ўрганиш ва уни Ўзбекистонда кенг жорий этиш” бўйича онлайн учрашув бўлиб ўтди, деб хабар қилмоқда Халқ сўзи.

Халқаро онлайн учрашувда, Ўзбекистондан: бош вазир ўринбосари Беҳзод Мусаев, Таълим инспекцияси бошлиғи Улуғбек Ташкенбаев, Ташқи ишлар вазирлиги, Мактабгача таълим, Халқ таълими ҳамда Олий ва ўрта махсус таълим вазирликлари мутасаддилари иштирок этишди.

Финландия томонидан эса: Финландиянинг Ўзбекистондаги фавқуллотда ва мухтор элчиси Лиивала Маржа хоним, Ташқи ишлар вазирлиги таълим бўйича элчиси Салл Маряна хоним, Таълим вазирлиги ва Миллий таълим агентлиги мутасаддилари қатнашди.

Халқаро онлайн учрашувда, бош вазир ўринбосари Беҳзод Мусаев Ўзбекистонда таълим тизимини ислоҳ қилишда Финляндиядек билан яқиндан ҳамкорлик қилиш муҳим аҳамият касб этишини таъкидлади.

Ўз навбатида, Финляндиянинг Ўзбекистондаги Фавқулодда ва мухтор элчиси Маржа Лиивала хоним учрашув ташкилотчиларга миннатдорчилик билдириб, бу каби тадбирлар Финляндия учун улкан ғурур бахш этишини ва ушбу ҳамкорлик икки томон учун ҳам манфаатли эканлигини таъкидлади.

— Финляндия таълим соҳаси учун жуда катта маблағ ажратди, — деди у, жумладан. — Бу жараёнда юқори малакали ўқитувчилар муҳим аҳамият касб этди. Ўқитувчилик Финляндия жамиятида нуфузли касблардан бири саналади. Ёшларнинг жуда кўпчилиги ушбу касбни эгаллашга интилади. Таълим тикилган маблағлар мамлакатни ноқулай иқлимига қарамасдан, ночор давлатдан билимга асосланган иқтисодиётга эга, яшаш даражаси юқори бўлган мамлакатлардан бирига айлантирди. Ўзбекистонда ҳам ўсиб келаётган ёш авлод ижобий ўзгаришлар ва чексиз чексиз имкониятларни намойиш қилмоқда.

Шунингдек, Лиивала хоним келажакдаги Финляндия томони таълим тизимини такомиллаштиришда ўз тажрибаси билан ўртоқлашишга ҳамда тегишли йўналишлар бўйича экспертлар ажратишга тайёрлигини ҳам билдирди.

Финландия таълим тизимини нимаси билан аҳамиятли?

Таълим сифатини баҳолаш бўйича ўтказилган халқаро тадқиқотларда Финландия таълим тизими ҳар томонлама энг етук деб тан олинган. Фин ўқувчилари ҳам таълим сифати бўйича энг яхши натижаларга эришиб келмоқда.

Финляндиянинг асосий таълим тўғрисидаги қонунида (1998 йил) Финляндия таълимининг учта асосий мақсади белгилаб берилган:

  1. Ўқувчиларга ҳаётда зарур бўлган билим ва кўникмаларни бериш;
  2. Жамиятда ривожланиш ва тенгликни тарғиб қилиш ҳамда;
  3. Бутун мамлакат бўйлаб таълим соҳасида тенгликни таъминлаш.

Мактабларда ҳафтасига 5 кунлик ўқиш жорий этилган. Барча мактаблар бир хил мавқега эга, болалар қобилиятига кўра турли синф ёки ихтисослаштирилган таълим муассасаларига ажратиб ўқитилмайди.

Фин мактабларида бошланғич таълим 6 йил давом этади ва 3-синфгача болаларга баҳо қўйилмайди, ўқитувчилар томонидан уйга вазифа деярли берилмайди, 2017 йилдан аксарият мактаблар дарс вақтида «ручкадан воз кечишган» ва дарс жараёнида тўлиқ компьютер ва планшетлардан фойдаланилади.

Ўзбекистон фин тажрибасини қандай ўрганади?

Халқаро учрашувда қайд этилишига кўра, Ўзбекистонда фин таълим тажрибасини татбиқ этиши бўйича қуйидаги ишлар режалаштирилган. 

  1. Йўл харитаси. Ташқи ишлар вазирлиги билан ҳамкорликда «Йўл харитаси» лойиҳаси ишлаб чиқилади.
  2. Онлайн учрашувлар. Финляндиялик мутахассислар билан мунтазам онлайн учрашувлар ва семинарлар ўтказиб келинмоқда.  Хусусан, 18-20 ноябрь кунлари Таълим инспекцияси томонидан Хелсинки университети педагогика фанлари факультети профессори, Таълим сифатини баҳолаш маркази директори жаноб Ристо Хотулайнен билан учрашув ўтказилган эди.
  3. Ишчи гуруҳ. Идоралараро “ишчи гуруҳ” тузилади. Таълим инспекцияси бошлиғи Улуғбек Ташкенбаев бу борада шундай деди: — Финляндия тажрибасини ўрганиш бўйича ўзбек томонининг идоралараро ишчи гуруҳи шакллантирилади ва аниқ вазифалари белгиланди. Ишчи гуруҳ таркибига: Таълим сифатини назорат қилиш давлат инспекцияси, Ташқи ишлар вазирлиги, Мактабгача таълим вазирлиги, Халқ таълими вазирлиги, Олий ва ўрта махсус таълим вазирлиги вакиллари жалб қилинади.
  4. Экспертлар гуруҳи. 2020 йил декабрь – 2021 йил февраль ойларида фин мутахассислари ва Финляндиядаги фаол ватандошларимиздан иборат эксперт гуруҳини ташкил этилади. Эксперт гуруҳи аъзоларининг Ўзбекистон таълим тизими бошқарув органлари билан тўғридан-тўғри ҳамкорлиги йўлга қўйилади.
  5. Фин экспертларини олиб келиш. Хорижий экспертларни Ўзбекистонга ташрифини амалга ошириш. Финляндия томони билан келишган ҳолда 2 та фин мутахассисларини Ўзбекистонга консультант сифатида доимий фаолиятга жалб қилиш кўзда тутилган.

Учрашув якунида Финляндия таълим тажрибасини ўрганиш ва уни Ўзбекистонда жорий этиш бўйича ишлаб чиқилган йўл харитасини такомиллаштириш бўйича таклифлар ишлаб чиқишга келишиб олинди.

Эслатиб ўтамиз, 30 октябрь куни Шавкат Мирзиёев раислигида ўтказилган видеоселектор йиғилишида мактаб таълими бўйича илғор давлатлар тажрибасини ўрганиш, хусусан Финляндия таълим тизимининг ўзига хос хусусиятлари ва муваффақиятларини ўрганиш, ўқувчиларни фикрлашга чорлайдиган методика яратиш бўйича вазифалар белгилаб берилган эди.

171
Доллары США

Аҳоли бандлигига кўмаклашиш маркази директори йирик фирибгарликка қўл урди

30
Директор фуқаролардан бирини юқори лавозимдаги танишлари орқали Тошкент шаҳридаги туғруқ комплексларидан бирига раҳбар лавозимига тайинлатиш учун 30 минг доллар "рағбат" сўраган

ТОШКЕНТ, 26 ноя - Sputnik. Бектемир туман аҳоли бандлигига кўмаклашиш маркази директори ўтказилган тезкор тадбир давомида фирибгарлик устида ушланди, деб хабар қилмоқда Бош прокуратура матбуот хизмати.

Хабарда айтилишича, гап Бектемир туман аҳоли бандлигига кўмаклашиш маркази директори М.А. ҳақида бормоқда.

У фуқаро Ш.А.нинг турмуш ўртоғини Тошкент шаҳридаги туғруқ комплексларидан бирига раҳбар лавозимига тайинлатиб бериш эвазига 30 000 АҚШ доллар талаб қилган.

У бу ишни юқори лавозимдаги танишлари орқали бажармоқчи бўлган.

Пулнинг учдан бир қисмини олган вақтида ашёвий далил билан ушланган.

Мазкур ҳолат юзасидан М.А.га нисбатан Жиноят кодексининг 168-моддаси 3-қисми ва 28, 211-моддаси билан жиноят иши қўзғатилиб, тергов ҳаракатлари ўтказилмоқда.

30