Россия Ўзбекистонга биринчи мобил клиникани совға қилди

185
(Янгиланган 10:52 28.10.2020)
Мобил клиникалар ОИТС, COVID-19, вирусли гепатит ва бошқа инфекцияларни аниқлаш, биринчи тиббий ёрдам кўрсатиш, акушер ва гинекологик ёрдам, кардиология ва урология хизматларини кўрсатади.

ТОШКЕНТ, 28 окт - Sputnik. Кеча, 27 октябрь куни Инсон ҳуқуқларини ва саломатлигини сақлаш бўйича Россия Федерал хизмати (Роспотребнадзор) Ўзбекистон Республикасига биринчи мобил клиникани совға қилди

Тантанали равишда бўлиб ўтган маросимда Роспотребназдор вакилллари, Россия ТИВ расмийлари ва Ўзбекистон элчиси Ботиржон Асадов иштирок этди. 

Маросимда сўзга чиққан Роспотребнадзор раҳбари ўринбосари Ирина Брагина турли юқумли касалликларга қарши курашда Ўзбекистон Россиянинг Марказий Осиёдаги кўп йилллик ишончли ҳамкори эканини қайд этди.

"Икки давлатни қизамиқ, вабо, ОИТС, вирусли гепатитлар ва бошқа касалликларга қарши кураш ва профилактика қилиш бўйича кўп йиллик ишончли ва самарали ҳамкорлик муносабатлари боғлаб турибди. Бугунги COVID-19 пандемияси вақтидаги ҳамкорлигимиз жуда муҳим. Биз Ўзбекистон ҳукуматининг пандемияни енгишга қаратилган барча саъй-ҳаракатларини қўллаб-қувватлаймиз ва керак бўлганда Россия ҳар қандай ёрдам беришга тайёр эканини таъкидлаймиз", - деди Брагина. 

Маълумот учун, Россия мобил клиникалари бирламчи тиббий-санитария ёрдамини кўрсатиш, ОИТС, COVID-19, вирусли гепатит, жинсий йўл билан юқадиган инфекциялар, аккушер ва гинекологик ёрдам, кардиология ва урология хизматлари кўрсатишга ихтисослашган.

Жавоб сўзида Ботиржон Асадов Ўзбекистон Ҳукумати номидан Россия Федерациясига миннатдорлик ва ушбу мобил клиника аҳоли турмуш даражасини яхшилашга хизмат қилишига ишонч билдирди. 

"Бугунги маросим Ўзбекистон-Россия соғлиқни сақлаш борасидаги ҳамкорлиги доирасида амалга оширилаётган тадбирлар қаторида ўринли бўлди. Бу бизнинг Республикага етказиб берилаётган биринчи ана шундай клиника эканини қайд этиш биз учун қувончли ҳолатдир. Ушбу Дастур ёрдамида турли ҳудудларда истиқомат қилаётган Ўзбекистон фуқаролари инфекцион касалликлар симптомолари ҳақида ўз вақтида маълумот олиш имконига эга бўладилар. Бугунги кун шароитида бу - жуда муҳим", - деди Ўзбекистон элчиси. 

Мобил клиникалар етказиб бериш - "Шарқий Европа ва Марказий Осий давлатларига ОИТС ва бошқа инфекцион касалликларни профилактика қилиш" дастури доирасида амалга оширилди. Дастур - ЮНЭЙДС, Роспотребнадзор ва "СПИДИнфосвязь" фонди томонидан 2013 йилдан буён амалга оширилиб келмоқда.     

Бугунги кунда Россия Марказий Осиё мамлакатларига жами 12та ана шундай мобил клиникалар етказиб берган. Улардан 4таси - Тожикистонга, 3 таси  - Арманистонга ва 5таси - Қирғизистонга. 

Барча мобил мажмуалар аҳолига бепул хизмат кўрсатади. Дастур ишган тушганидан буён 1,6 миллиондан ортиқ киши унинг хизматидан фойдаланган. 

© Sputnik / Максим Богодвид
Диагностический кабинет в "мобильной поликлинике"
185
Директор шк №30 в Бухаре Ирина Котова (в центре) с педагогами

Педагог ходимлар маошига устама тўланади

100
(Янгиланган 10:05 30.11.2020)
Ўзбекистонда "Педагог мақоми" жорий этилади ва ушбу мақомга эга бўлган шахсларга муайян ҳуқуқ ва мажбуриятлар берилади.

ТОШКЕНТ, 30 ноя - Sputnik. Ўзбекистонда яқин вақт ичида ўқитувчи ва мураббийлар маошига қўшима тўловлар жорий этилади. Бу ҳақида Норматив-ҳуқуқий ҳужжатлар порталида жойлаштирилган янги қонун лойиҳасида айтиб ўтилган. 

Янги қонунда, Ўзбекистонда "Педагог мақомини" жорий этиш ва ушбу мақомга эга бўлган шахсларга муайян ҳуқуқ ва мажбуриятлар бериш, шунингдек уларни ижтимоий ҳимоя қилиш тартиби белгиланган.

Иккинчидан, педагог ходимнинг меҳнатига ҳақ тўлаш тартиби белгиланган. Хусусан, биринчи тоифали ўқитувчилар учун БҲМнинг 30%, олий тоифали ўқитувчилар учун - 50 % миқдорида қўшимча тўлов тўлаш назарда тутутилган. Ундан ташқари ўқитувчини иш стажига, илмий даражасига қараб ҳам унга устамалар тўлаш айтиб ўтилган. 

Учинчидан педагог ходимнгинг соғлигини ҳиммоя қилиш, малакасини ошириш, ўқ касбига боғлиқ бўлмаган ишларга  жалб қилмаслик масалалари ҳам айтиб ўтилган. 

Эслатиб ўтамиз, Ўзбекистон президенти Шавкат Мирзиёев сўнгги бир неча йил давомида ўқитувчилар маошини, уларнинг жамиятдаги мавқеини ошириш ҳақидар бир неча бор айтиб ўтган эди. 

100

Ўзбекистонда 1 декабрдан нималар ўзгаради?

510
(Янгиланган 17:48 29.11.2020)
Биринчи декабрдан умумтаълим фанлари бўйича сертификатлаш жорий этилади, Ўзбекистоннинг Афғонистонда савдо ва иқтисодий масалалар бўйича маслаҳатчи лавозими жорий этилади. Батафсил – мақолада.

ТОШКЕНТ, 29 ноя — Sputnik. Адлия вазирлиги 1 декабрдан мамлакат қонунчилигида рўй берадиган ўзгаришлар ва бошқа жорий этилаётган тартиблар тўғрисида маълумот тайёрлади.

1. Маъмурий ҳуқуқбузарлик тўғрисидаги ишларни кўриб чиқиш жиноят ишлари бўйича судларга ўтказилади

2020 йил 1 декабрдан:

  • маъмурий ҳуқуқбузарликлар тўғрисидаги ишларни кўриб чиқиш ваколати жиноят ишлари бўйича судлар ваколатига ўтказилади;
  • ҳуқуқбузарликларни содир этган шахс томонидан маъмурий жаримани суд ва ваколатли идораларда иш кўрилгунга қадар ихтиёрий тўлаш рағбатлантирилади.

2. Умумтаълим фанлари бўйича сертификатлаш жорий этилади

Босқичма-босқич бакалавриат таълим йўналишларига мос фанлар мажмуасидаги умумтаълим фанларидан билиш даражасини баҳолашнинг миллий тест тизими жорий этилади.

Умумтаълим фанлари бўйича сертификатлаш 2020 йил 1 декабрда она тили ва адабиёт (ўзбек тили ва адабиёти, рус тили ва адабиёти, қорақалпоқ тили ва адабиёти) ҳамда математика фанлари бўйича жорий этилади.

3. Ўзбекистон давлат жисмоний тарбия ва спорт университети республикадаги барча жисмоний тарбия ва спорт соҳасидаги давлат ташкилотлари ҳамда спорт федерациялари (уюшмалари) фаолияти устидан ўқув ва илмий-услубий раҳбарликни амалга оширади.

4. Ўзбекистоннинг Афғонистонда савдо ва иқтисодий масалалар бўйича маслаҳатчиси лавозими жорий этилади.

5. Давлат божхона қўмитаси ҳамда Ички ишлар вазирлиги Вазирлар Маҳкамаси ҳузуридаги Ўсимликлар карантини давлат инспекцияси эҳтиёжларидан келиб чиқиб, йилига 5 тадан ўсимликлар карантини соҳасидаги ўзига хос “детектор”лар – хизмат итлари ҳамда 5 нафардан кинологлар тайёрлаб берилишини таъминлайди.

6. Давлат тиббий суғуртаси жамғармаси ташкил этилади

Жамғарманинг асосий вазифалари, жумладан, қуйидагилар ҳисобланади:

- давлат тиббий суғуртаси тизимини жорий этиш, бошқариш ҳамда ушбу соҳада ягона давлат сиёсатини амалга оширишда идоралараро ҳамкорликни таъминлаш;

- аҳолининг барча қатламларини кафолатланган пакет доирасида сифатли ва зарур тиббий ёрдам билан таъминлаш мақсадида тиббий хизматлар стратегик хариди тизимини жорий этиш.

7. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда атроф-муҳитга салбий таъсир кўрсатадиган I ва II тоифаларга мансуб бўлган мўлжалланаётган ва режалаштирилаётган фаолият турлари бўйича жамоатчилик эшитувлари ўтказилади.

8. Тадбиркорлик фаолиятини қўллаб-қувватлаш давлат жамғармаси маблағлари ҳисобидан биотехнологиялар соҳасида инвестиция лойиҳаларини амалга ошириш учун жалб қилинадиган кредитлар бўйича кредит суммасининг 50 фоизигача(50 фоизи ҳам киради), бироқ 8 миллиард сўмдан ортиқ бўлмаган миқдорда кафиллик берилади.

Кредит суммаси 10 миллиард сўмдан ортиқ бўлмаган биотехнологиялар соҳасида инвестиция лойиҳаларини амалга ошириш учун жалб қилинадиган кредитлар бўйича фоиз харажатларини қоплаш учун қуйидаги миқдорларда компенсация берилади:

- миллий валютадаги кредитлар бўйича – Марказий банк асосий ставкасининг 1,5 бараваридан ортиқ, бироқ 5 фоизли пунктдан ошмаган миқдорда;

- хорижий валютадаги кредитлар бўйича – тижорат банклари томонидан белгиланган ставканинг 30 фоизи, бироқ 4 фоизли пунктдан ошмаган миқдорда.

Биотехнологиялар соҳасида илмий тадқиқотлар ва инновацион фаолиятни амалга ошириш мақсадида Ўзбекистонга 3 миллион АҚШ долларидан кам бўлмаган тўғридан-тўғри инвестиция киритган хорижий илмий ташкилотларга илмий тадқиқотларни амалга ошириш учун 10 миллиард сўмгача мақсадли грантлар тақдим этилади.

9. 2020 йил 1 декабрдан:

- жиноят натижасида давлатга етказилган зарар, давлат божлари, жиноий ва маъмурий жарималар, давлат фойдасига бошқа турдаги ундирувлар ҳамда давлат даромадига ўтказиладиган олиб қўйилган мол-мулкни сотишга оид ижро ҳужжатлари бўйича келиб тушган маблағлар алоҳида ғазначилик ҳисобрақамида жамланади ва белгиланган миқдорда “Темир дафтар”, “Аёллар дафтари” ва “Ёшлар дафтари”га киритилган фуқароларни қўллаб-қувватлаш учун очилган ҳисоб рақамларига пропорционал тартибда йўналтирилади;

- ижро ҳужжатини мажбурий ижро этиш давомида қарздорнинг хатланган мол-мулки бошланғич нархдан 30 фоизлик чегирма билан, Давлат бюджетига ундиришни назарда тутувчи ижро ҳужжатлари бўйича сотилаётган мол-мулк эса – ҳудудий кенгашлар қарорига мувофиқ 50 фоизгача чегирма билан нархни ошириб бориш услубида ўтказиладиган дастлабки электрон онлайн-аукционга қўйилади (бундан гаровга қўйилган мол-мулк билан таъминланган қарздорликни ундириш тўғрисидаги ижро ҳужжатлари мустасно).

510

ЕИ туфайли ишсиз қолган латвиялик балиқчилар Россияга кўчиб ўтди

29
(Янгиланган 11:41 30.11.2020)
ЕИ Болтиқ денгизида балиқ овлашни таъқиқлаганидан сўнг Латвияда балиқчилар ишсиз қолишди. Уларга компенсация эвазига кемаларини металломга топшириш таклиф қилинди. 

ТОШКЕНТ, 30 ноя — Sputnik. Европа Иттифоқининг қарори туфайли ишсиз қолган латвиялик бир неча балиқчилар оиласи Россияга кўчиб ўтди, деб хабар қилмоқда Sputnik Latvija.

Маълумот учун, 2020 йилнинг октябр ойида ЕИ Болтиқ денгизида бир неча турдаги балиқларни овлашни таъқиқлаган эди. Шарқий болтиқ трескаси овлашга ихтисослашган латвиялик балиқчилар бунинг оқибатида ишсиз қолишди. Уларга компенсация эвазига балиқ овловчи кемаларини металломга топшириш таклиф қилинди. 

Лекин Авотиньш исмли балиқчи бунга рози бўлмади. Ўз касбини йўқотганидан сўнг у Латвияни тарк этишга қарор қилди. 

"Россия мени ва менинг балиқчи дўстларимни жуда яхши кутиб олди. Улар ҳам бир вақтлар Болтиқ денгизида балиқ овлашар эди, лекин  Евроиттифоқнинг кескин сиёсати туфайли ўз кемаларини металломга топширишга мажбур бўлишди", - дейди Авотиньш. 

Балиқчилар айтишига кўра, улар ЕИдан компенсация олишган, лекин бу етказилган зарарни тўлиқ қопламайди. 

"Дейлик, ўша пулнинг бир қисмига мен эскигина немис машинасини сотиб олдим, қолганини еб-ичиб тугатдим.Ахир ишлаш керак-ку, Ҳозир эса Латвияда балиқчилар ишлай олмайди", - дейди суҳбатдош. 

Авотиньш ўз балиқчи дўстлари билан Узоқ Шарқ ҳудудига кўчиб ўтишган қарор қилган. У ерда "ҳаёт ҳам қизиқроқ, балиқ ҳам тўлиб-тошиб" ётибди. 

29