Собака в клетке на одном из рынков Китая

Тошкент аҳолиси ит-қассоби устидан шикоят қилишди - "Меҳр ва оқибат" жамияти

336
(Янгиланган 09:43 30.10.2020)
Эркак ҳеч қачон бу ҳовличада ҳайвон ушламаганини айтиб онт ичган, итларни эса ҳовлига мушук мўраламаслиги учун олиб келганини қўшимча қилган.

ТОШКЕНТ, 30 окт - Sputnik. Октябр ойи бошида "Тонг" маҳалласи аҳолиси итларни сўяётган эркакга нисбатан чора кўришни сўраб, шикоят қилишди, деб хабар беради "Меҳр ва оқибат" ҳайвонларни ҳимоя қилиш нодавлат жамияти ўзининг Телеграмдаги саҳифасида.

Шикоятчиларнинг сўзларига қараганда, эркак бу ваҳшийликни ўз хонадонига уланиб кетган ўраб олинган ҳудудда амалга оширган. Хусусан, 5 октябр куни бу ҳудудда 2та ит юрганини кўришган бўлса, 6 октябр куни итлар бирданига ғойиб бўлган.

Шунингдек, аризачилар, бир ҳафта олдин эркак бу ҳудудга қўшниларга тегишли иккита итни алдаб чақириб олгани ва ўз ҳовличасида боғлаб қўйгани, аммо буни кўрган болалар шовқин кўтаришгани ва эркак шу туфайли жониворларни қўйиб юборишга мажбур бўлганини баён этишган.

Жамият вакиллари 7 октябр куни ушбу маҳаллага йўл олишган ва ушбу аризани ёзган ҳайвонларни ҳимояловчи фаоллардан бири билан суҳбатлашишган.

Участка нозири ва маҳалла раиси биргаликда ушбу итлар сўйилган, деб тахмин қилинган ҳудудга киришган. Эркакнинг айтишича, тунда кимдир калиткани синдириб, жониворларни ўғирлаб кетган экан.

Ҳудуд кўздан кечирилганида, катта қозон тургани аниқланган. Маҳалла раиси бу қозон нима учун кераклигини билмаслигини айтган, эркакнинг ўзи эса маҳаллада маросимлар бўлганида шу қозонда ош дамлашини маълум қилган.

Эркак ҳеч қачон бу ҳовличада ҳайвон ушламаганини айтиб, онт ичган, итларни эса ҳовлига мушук мўраламаслиги учун олиб келганини қўшимча қилган.

Ҳозирча ўлдирилган жониворлар эгаларидан ариза йўқлиги туфайли, ушбу ишни судга оширишнинг имкони йўқ, деб ёзади "меҳр ва оқибат" жамияти.

Участка нозири ва маҳалла раиси томонидан агар шу ҳудудда яна бир марта кимдир итни кўрадиган бўлса, эркакка нисбатан жазо тайинланишини айтиб, огоҳлантиришган.

Жамият жониворларга озор етказиш ҳолатларига гувоҳ бўлган барча фуқароларни жим турмасликка ва бу ҳақда тезкорлик билан хабар беришга чақириб қолган..

Хабарларни +998 93-812-04-13 телефон рақами орқали қолдириш мумкин.

"Шунингдек, сизларни ит гўштидан таом тайёрланадиган кафелар манзиллари ҳақида хабар беришларингизни кутиб қоламиз. Биз ҳаммамиз бир бўлсак, итларга нисбатан бундай ваҳшийликни тўхтата оламиз", - дейилади жамиятнинг фуқароларга мурожаатида.

336

Декабрда қандай об-ҳаво кузатилади

35
(Янгиланган 13:24 30.11.2020)
Декабрда ёғингарчилик ёмғир, қор кўринишида бўлади. Ўзбекистон бўйича ёғингарчиликли кунлар ўртача 5 кундан 13 кунгача ташкил қилиши мумкин.

ТОШКЕНТ, 30 ноя — Sputnik. Ўзгидромет қиш фаслининг биринчи ойи декабрда об-ҳаво қандай бўлиши ҳақида маълумот берди.

Дастлабки маълумотларга кўра, бу йилги декабрь ҳарорат кўрсаткичлари бўйича ўртача кўп йиллик қийматларга яқин бўлиши кутилмоқда.

Ой давомида ҳароратнинг кечаси 0-5 даража совуқдан 2-7 даража илиққача, кундузи 0-5 даража илиқдан 10-15 даража илиққача ўзгариб туриши кутилмоқда.

Республиканинг шимолида тунда 8-10 даража совуқ бўлиши мумкин. Ойнинг иккинчи ярмида эса 12-15 даража совуқ бўлиши мумкин.

Декабрда ёғингарчилик ёмғир, қор кўринишида бўлади. Ўзбекистон бўйича ёғингарчиликли кунлар ўртача 5 кундан 13 кунгача ташкил қилиши мумкин. Бир кеча кундузда максимал ёғинлар миқдори суткалик меъёрдан анча кўп бўлиши мумкин.

Бу йилги декабрда ойлик ёғинлар миқдори меъёр атрофида, айрим жойларда меъёрдан юқори, шимолда эса айрим жойларда меъёрдан паст бўлиши кутилмоқда (Тошкентда декабрь ойи учун ёғинлар 59 мм ни ташкил қилади). Ёғингарчилик ой давомида вақти-вақти билан кузатилади.

35
Теглар:
об-ҳаво, Ўзгидромет, Ўзбекистон
Директор шк №30 в Бухаре Ирина Котова (в центре) с педагогами

Педагог ходимлар маошига устама тўланади

156
(Янгиланган 10:05 30.11.2020)
Ўзбекистонда "Педагог мақоми" жорий этилади ва ушбу мақомга эга бўлган шахсларга муайян ҳуқуқ ва мажбуриятлар берилади.

ТОШКЕНТ, 30 ноя - Sputnik. Ўзбекистонда яқин вақт ичида ўқитувчи ва мураббийлар маошига қўшима тўловлар жорий этилади. Бу ҳақида Норматив-ҳуқуқий ҳужжатлар порталида жойлаштирилган янги қонун лойиҳасида айтиб ўтилган. 

Янги қонунда, Ўзбекистонда "Педагог мақомини" жорий этиш ва ушбу мақомга эга бўлган шахсларга муайян ҳуқуқ ва мажбуриятлар бериш, шунингдек уларни ижтимоий ҳимоя қилиш тартиби белгиланган.

Иккинчидан, педагог ходимнинг меҳнатига ҳақ тўлаш тартиби белгиланган. Хусусан, биринчи тоифали ўқитувчилар учун БҲМнинг 30%, олий тоифали ўқитувчилар учун - 50 % миқдорида қўшимча тўлов тўлаш назарда тутутилган. Ундан ташқари ўқитувчини иш стажига, илмий даражасига қараб ҳам унга устамалар тўлаш айтиб ўтилган. 

Учинчидан педагог ходимнгинг соғлигини ҳиммоя қилиш, малакасини ошириш, ўқ касбига боғлиқ бўлмаган ишларга  жалб қилмаслик масалалари ҳам айтиб ўтилган. 

Эслатиб ўтамиз, Ўзбекистон президенти Шавкат Мирзиёев сўнгги бир неча йил давомида ўқитувчилар маошини, уларнинг жамиятдаги мавқеини ошириш ҳақидар бир неча бор айтиб ўтган эди. 

156