В Бишкек прибыл гуманитарный груз из Республики Узбекистан

Ўзбекистон Қирғизистонга навбатдаги инсонпарварлик ёрдамини жўнатди

243
(Янгиланган 12:28 16.11.2020)
Тиббий юк таркибида - ҳимоя кийимлари ва кўзойнаклари, бир мартали ишлатиладиган ниқоб ва қўлқоплар, дори воситалари, COVID-19’ни аниқлаш тестлари, шприцлар ва капельница.

ТОШКЕНТ, 16 ноя — Sputnik. Ўзбекистон раҳбариятининг фармойишига асосан юборилган навбатдаги гуманитар юк Қирғизистон пойтахтига етиб келди. Бу ҳақда Қирғизистон Республикаси ҳукумати хабар қилди.

1 / 3
В Бишкек прибыл гуманитарный груз из Республики Узбекистан

Юкларни қабул қилиш маросимида Қирғизистон Республикаси бош вазирининг ўринбосари Эльвира Сурабалдиева COVID-19га қарши кураш чоралари доирасида кўрсатилаётган ёрдам учун Ўзбекистон ҳукуматига миннатдорлик билдирди.

"Бу коронавирус инфекциясига қарши курашга қаратилган биринчи гуманитар ёрдам эмас. Шуни таъкидлашни истардимки, қийин дамда Ўзбекистон томонининг қўллаб-қувватлаши жуда ўз вақтида бўлмоқда ва бу мамлакатлар ўртасидаги чинакам қардошлик муносабатларининг далилидир", - деди Сурабалдиева.

Тиббий юк таркибида - ҳимоя кийимлари ва кўзойнаклари, бир мартали ишлатиладиган ниқоб ва қўлқоплар, дори воситалари, COVID-19’ни аниқлаш тестлари, шприцлар ва капельница.

2020 йил июл ойида Ўзбекистон Қирғизистонга гуманитар ёрдамнинг навбатдаги партиясини юборганди. Гуманитар юк - мобил кислород концентратлари ва ноинвазив сунъий нафас аппарати сарфланадиган материаллари, умумий оғирлиги саккиз тонна, ҳаво транспорти орқали етказиб берилди.

243
Теглар:
инсонпарварлик ёрдами, Қирғизистон
Мавзу:
COVID-19 умумжаҳон пандемияси (1288)

Декабрда қандай об-ҳаво кузатилади

6
Декабрда ёғингарчилик ёмғир, қор кўринишида бўлади. Ўзбекистон бўйича ёғингарчиликли кунлар ўртача 5 кундан 13 кунгача ташкил қилиши мумкин.

ТОШКЕНТ, 30 ноя — Sputnik. Ўзгидромет қиш фаслининг биринчи ойи декабрда об-ҳаво қандай бўлиши ҳақида маълумот берди.

Дастлабки маълумотларга кўра, бу йилги декабрь ҳарорат кўрсаткичлари бўйича ўртача кўп йиллик қийматларга яқин бўлиши кутилмоқда.

Ой давомида ҳароратнинг кечаси 0-5 даража совуқдан 2-7 даража илиққача, кундузи 0-5 даража илиқдан 10-15 даража илиққача ўзгариб туриши кутилмоқда.

Республиканинг шимолида тунда 8-10 даража совуқ бўлиши мумкин. Ойнинг иккинчи ярмида эса 12-15 даража совуқ бўлиши мумкин.

Декабрда ёғингарчилик ёмғир, қор кўринишида бўлади. Ўзбекистон бўйича ёғингарчиликли кунлар ўртача 5 кундан 13 кунгача ташкил қилиши мумкин. Бир кеча кундузда максимал ёғинлар миқдори суткалик меъёрдан анча кўп бўлиши мумкин.

Бу йилги декабрда ойлик ёғинлар миқдори меъёр атрофида, айрим жойларда меъёрдан юқори, шимолда эса айрим жойларда меъёрдан паст бўлиши кутилмоқда (Тошкентда декабрь ойи учун ёғинлар 59 мм ни ташкил қилади). Ёғингарчилик ой давомида вақти-вақти билан кузатилади.

6
Директор шк №30 в Бухаре Ирина Котова (в центре) с педагогами

Педагог ходимлар маошига устама тўланади

142
(Янгиланган 10:05 30.11.2020)
Ўзбекистонда "Педагог мақоми" жорий этилади ва ушбу мақомга эга бўлган шахсларга муайян ҳуқуқ ва мажбуриятлар берилади.

ТОШКЕНТ, 30 ноя - Sputnik. Ўзбекистонда яқин вақт ичида ўқитувчи ва мураббийлар маошига қўшима тўловлар жорий этилади. Бу ҳақида Норматив-ҳуқуқий ҳужжатлар порталида жойлаштирилган янги қонун лойиҳасида айтиб ўтилган. 

Янги қонунда, Ўзбекистонда "Педагог мақомини" жорий этиш ва ушбу мақомга эга бўлган шахсларга муайян ҳуқуқ ва мажбуриятлар бериш, шунингдек уларни ижтимоий ҳимоя қилиш тартиби белгиланган.

Иккинчидан, педагог ходимнинг меҳнатига ҳақ тўлаш тартиби белгиланган. Хусусан, биринчи тоифали ўқитувчилар учун БҲМнинг 30%, олий тоифали ўқитувчилар учун - 50 % миқдорида қўшимча тўлов тўлаш назарда тутутилган. Ундан ташқари ўқитувчини иш стажига, илмий даражасига қараб ҳам унга устамалар тўлаш айтиб ўтилган. 

Учинчидан педагог ходимнгинг соғлигини ҳиммоя қилиш, малакасини ошириш, ўқ касбига боғлиқ бўлмаган ишларга  жалб қилмаслик масалалари ҳам айтиб ўтилган. 

Эслатиб ўтамиз, Ўзбекистон президенти Шавкат Мирзиёев сўнгги бир неча йил давомида ўқитувчилар маошини, уларнинг жамиятдаги мавқеини ошириш ҳақидар бир неча бор айтиб ўтган эди. 

142