Ярмарка вакансий

Давлат хизматчилари ягона порталида айни дамда қандай вакансиялар бор?

173
(Янгиланган 10:13 25.11.2020)
Давлат муассасаларидаги вакансияларнинг ягона очиқ портали ишга тушди. У ердан иш топиб, ҳужжатларни онлайн топшириш мумкин.

ТОШКЕНТ, 25 ноя - Sputnik. Ўзбекистонда давлат муассасалари вакант лавозимларининг ягона очиқ портали пайдо бўлди, деб хабар қилмоқда Давлат хизматини ривожлантириш агентлиги. 

Портал орқали давлат органлари ва ташкилотлари ҳамда маҳаллий ҳокимликлардаги вакант лавозимларга муносиб кадрларни танлаб олиш мақсадида очиқ мустақил танловлар эълон қилиб борилади, - дейилган хабарда.

Вакант лавозимлар ҳар куни эълон қилиб борилади. Бўш иш ўринларига ҳужжатларни электрон шаклда топшириш мумкин. 

Давлат хизматлари порталида айни дамда қуйидаги вакант лавозимлар ҳақида эълонлар бор: 

  • Тошкент вилояти ҳокимлиги молия бош бошқармаси бошлиғининг биринчи ўринбосари;
  • Тошкент вилояти ҳокимлиги молия бош бошқармаси бўлим бошлиғи;
  • Тошкент вилояти ҳокимлиги молия бош бошқармаси 1-тоифали иқтисодчи;
  • Миришкор тумани ҳокимлиги хотин-қизлар ва оила масалалари бўйича давлат ва жамоат ташкилотлари билан алоқалар бўйича етакчи мутахассиси;
  • Деҳқонобод тумани ҳокимлигининг хотин-қизлар ва оила масалалари бўйича давлат ва жамоат ташкилотлари билан алоқалар бўйича етакчи мутахассиси;
  • Китоб тумани Пенсия ва нафақалар тўланиши устидан мониторинг бўлими инспектори;
  • Ғузор тумани ҳокимлиги ёшлар сиёсати, ижтимоий ривожлантириш ва маънавий-маърифий ишлар бўйича бош мутахассиси.
  • Бюджетдан ташқари Пенсия жамғармаси Сирдарё тумани бўлими бошлиғи ўринбосари;
  • Бюджетдан ташқари пенсия жамғармаси Данғара тумани бўлими инспектори;
  • Бюджетдан ташқари пенсия жамғармаси Фарғона вилояти бошқармаси бош инспектори;
  • Бюджетдан ташқари пенсия жамғармаси Данғара тумани бўлими инспектори.
  • Боёвут тумани аҳоли бандлигига кўмаклашиш маркази давлат меҳнат ҳуқуқ инспектори;
  • Оқолтин тумани аҳоли бандлигига кўмаклашиш маркази давлат меҳнат ҳуқуқ инспектори

ва бошқа лавзимлар. Порталадя эълон қилинган барча лавозимлар билан расмий телеграм каналида танишинг.

 



173

Ўзбекистон шахмат билан шуғулланувчилар сонини оширади: қандай чоралар белгиланди

42
Шавкат Мирзиёев қарори билан Шахматни 2025 йилгача ривожлантиришнинг мақсадли кўрсаткичлари тасдиқланди.

ТОШКЕНТ, 17 янв — Sputnik. “Шахматни янада ривожлантириш ва оммавийлаштириш ҳамда шахматчиларни тайёрлаш тизимини такомиллаштириш чора-тадбирлари тўғрисида”ги президент қарори қабул қилинди. 

Қарорга кўра, Шахматни 2025 йилгача ривожлантиришнинг мақсадли кўрсаткичлари (индикаторлари) тасдиқланди. Бунда 2025 йилга қадар шахмат билан мунтазам шуғулланувчилар сонини  3 фоизга етказиш назарда тутилган.

2021/2022 ўқув йилидан бошлаб:

  • 150 та умумий ўрта таълим мактабларининг ўқувчиларини тажриба тариқасида шахматга ўқитишни ташкил қилиш амалиёти кенгайтирилиб, яна қўшимча 150 та мактаб (шу жумладан, Қорақалпоғистон Республикаси ва вилоятларда (Тошкент вилоятидан ташқари) 10 тадан, Тошкент вилояти ва Тошкент шаҳрида 15 тадан мактаб) шахматга ихтисослаштирилади;
  • тегишли 1 000 та умумий ўрта таълим мактабида 2, 3 ва 4-синф ўқувчиларини “Жисмоний тарбия” фани доирасида 18 соатлик режа асосида шахматга ўқитиш йўлга қўйилади ҳамда уларга методик ёрдам кўрсатилади;
  • қолган барча мактабларнинг 2, 3 ва 4-синф ўқувчилари “Жисмоний тарбия” фани доирасида шахматга ўқитилади.

2021 йилдан бошлаб ҳар йили бир ой давомида мактабларда “Шахмат ойлиги” ташкил этилади.

2021 йилдан бошлаб ҳар йили анъанавий тарзда Тошкент шаҳрида Президент соврини учун халқаро шахмат турнири, Ўзбекистонлик биринчи халқаро гроссмейстер Г.Т. Агзамов хотирасига бағишланган халқаро турнир, шунингдек, шахмат бўйича XVII Жаҳон чемпиони Р.М. Қосимжонов халқаро турнири, Самарқанд шаҳрида “Соҳибқирон кубоги” халқаро шахмат турнири, Хива шаҳрида “Ал-Беруний” халқаро шахмат турнири, Бухоро, Термиз ва Хива шаҳарларида “Туризм ва шахмат ҳафталиги” ташкил этилади.

Шунингдек, шахмат мактаблари ва клублари фаолиятига кўмак бериш мақсадида Ўзбекистон шахмат клублари ассоциацияси ташкил этилди.

2021/2022 ўқув йилидан бошлаб Ўзбекистон давлат жисмоний тарбия ва спорт университетининг Фарғона филиалида шахмат бўйича таълим йўналиши очилади.

Ўзбекистон шахмат федерацияси ҳузурида юридик шахс ташкил этмаган ҳолда Шахматни оммавийлаштириш ва ривожлантириш жамғармаси ташкил этилди.

42
Жители Ташкента по возможности приобретают маски для профилактики вируса

"Вазиятни мураккаблаштирмайлик": Отабеков тиббий ниқобларни тақишда давом этишга чақирди

331
(Янгиланган 09:34 16.01.2021)
Ҳали дунё ҳамжамиятида касаллик қайд этилаётган экан, бир кунда 700 мингдан ортиқ беморлар қайд этилаётган бир пайтда, биз бу ҳолатга эътиборсиз бўлишимиз керак эмас, дейди Нурмат Отабеков.

ТОШКЕНТ, 16 янв - Sputnik. Коронавирусга қарши курашиш штаби аъзоси Нурмат Отабеков журналистларга берган интервьюсида ҳозирги барқарор вазият – алдамчи эканлиги, фуқаролар вазиятни мураккаблаштирмаслик учун коронавирус инфекцияси тарқалишига қарши жорий этилган профилактик тадбирларга амал қилишлари, жумладан, тиббий ниқоблардан фойдаланишда давом этишлари зарурлигини таъкидлади.

"Вазиятни мураккаблаштириб юбориш ўз қўлимизда. Буни зинҳор ёддан чиқаришимиз керак эмас. Негаки, коронавирус бўйича белгиланган профилактик тадбирларни вақтида амалга оширмаслик ёки карантин тадбирларига риоя этмаслик нечоғлик жиддий оқибатларга олиб келиши мумкинлигини биз ҳаётимизда икки маротаба синаб кўрдик", - деди Отабеков ва ҳозирда кўчаларда одамлар орасида ниқобларни тақишни бутунлай унутганлар кўп учраётганига, ижтимоий масофага амал қилинмаётганига эътибор қаратди.

Отабековга кўра, фуқароларда жамоат жойлари, гавжум жойларга бориш, тадбирларни уюштиришга интилиш пайдо бўлаяпти.

"Албатта, вазиятни тўғри тушунамиз, халқимиз бирмунча зериккан. Лекин энг асосиий жиҳат - биз дока ниқобни тақмаслик учун эмас, тақиш учун сабаб қидиришимиз керак бўлади. Шундагина биз ўйлаган мақсадимизга етамиз. Вазият жиловдан чиқиб кетса, қолаверса, карантин ва чеклов тадбирлари яна кескин кучайтирилишига мажбур бўладиган бўлсак, ҳаётимиз яна издан чиқади. яна қийинчиликларга рўбаро келишимиз мумкин", - дея огоҳлантирди эпидемиолог.

Ҳали дунё ҳамжамиятида касаллик қайд этилаётган экан, бир кунда 700 мингдан ортиқ беморлар қайд этилаётган бир пайтда биз бу ҳолатга эътиборсиз бўлишимиз керак эмас, деб қўшимча қилди Отабеков.

 

Нурмат Отабековнинг фикрича, ҳозирги барқарорликни алдамчи барқарорлик сифатида қабул қилиш керак, албатта, бу олиб борилаётган машаққатли меҳнат самараси бўлса-да, аммо вазиятни издан чиқариб юбориш эҳтимоли борлигини зинҳор унутмаслик керак.

Эслатиб ўтамиз, Ўзбекистонда коронавирусга чалинган беморлар сони шу кунгача 78 мингга яқинлашмоқда. Дунё бўйича вирусни юқтирган беморлар сони эса 93 миллиондан ошган.

331
Теглар:
коронавирус пандемияси, беморлар, ўзбекистонлик, Ўзбекистон, ниқоб, Британияда коронавируснинг янги штамми

Ҳабиб Нурмагомедов UFCʼга қайтиш шартини айтди

6
Ҳабиб Нурмагомедов UFC 254 мусобақаси доирасида Жастин Гэтжини мағлуб қилгандан сўнг спортдаги фаолиятини якунлашини маълум қилган эди.

ТОШКЕНТ, 17 янв — Sputnik. UFCʼнинг енгил вазндаги чемпиони Ҳабиб Нурмагомедов қайси ҳолатда карьерасини қайта тиклаш ҳақида ўйлаб кўришини маълум қилди. Куни кеча у ташкилот президенти Дана Уайт Абу-Дабида учрашув ўтказди. Дана Уайт учрашув тафсилотларини очиқлади.

Уайтнинг сўзларига кўра, сўнгги пайтларда Ҳабибнинг бошига кўплаб синовлар тушган: отасининг вафоти, Гэтжи билан жангдан олдин оёғининг жароҳатланиши.

“Ўшанда Ҳабиб билан ўзига келиб олиши учун танаффус олиш борасида келишиб олгандик. Ҳабиб ўзи хоҳлаган барча нарсага эришди. Унинг қайтиши учун мотивация йўқ. Келаси ҳафта биз иккита топ жанг гувоҳига айланамиз: Конор Макгрегор Дастин Порьега қарши, Майкл Чендлер эса Ден Ҳукерга. Агар ушбу йигитлар қандайдир феноменал нарса кўрсата олса, Ҳабиб қайтиш борасида ўйлаб кўришини айтди”, - деди Уайт. У Ҳабибга бразилиялик Чарльз Оливейра ўтказган жанг маъқул келганини қўшимча қилган.

“У (Ҳабиб. – Sputnik)  Ҳабиб қайтиш учун сабаб кўрмаса, дивизион чемпионлигини ушлаб турмайди. У UFC 257га келмоқчи, кўрамиз”, - дея хотима қилди Уайт.

Ҳабиб ўзининг эса Instagram ижтимоий тармоғидаги саҳифасида UFCʼ раҳбари билан суҳбат тафсилотларини "Кавказ асираси" фильми саҳнаси асосидаги тайёрланган ҳазил ролик билан таърифлади.

Посмотреть эту публикацию в Instagram

Публикация от Khabib Nurmagomedov (@khabib_nurmagomedov)

Эслатиб ўтамиз, Ҳабиб Нурмагомедов UFC 254 мусобақаси доирасида Жастин Гэтжинини мағлуб қилгандан сўнг спортдаги фаолиятини якунлашини маълум қилган эди. У 29 марта жанг ўтказиб, уларнинг барчасида қўли баланд келган.

 

6