Национальная валюта Узбекистана — сум

Тошкентда қарздор оталардан 116 млн сўмдан ортиқ алимент пули ундирилди

162
(Янгиланган 16:54 09.12.2020)
Тошкентда Мажбурий ижро бюроси ходимлари томонидан қарздор оталардан 116 миллион сўмдан ортиқ маблағ ундирилди.

ТОШКЕНТ, 9 дек — Sputnik. Мажбурий ижро бюроси Тошкентда бир кунда қарздордан 33,2 миллион сўм алимент пулини ундирди.

МИБ Олмазор туман бўлими иш юритувига Фуқаролик ишлари бўйича Шайхонтохур туманлараро судининг 14.08.2020 йилдаги суд буйруғига асосан, карздор З.Инагамовдан ундирувчи Н.Инагамова фойдасига бир нафар фарзанди таъминоти учун 1/4 қисми микдорида алимент ундириш тўғрисида 06.09.2016 йилдаги ижро ҳужжати келиб тушган.

Мажбурий ижро ҳаракатлари давомида МИБ туман бўлими давлат ижрочиси Ж.Шеркозиев томонидан 7 декабрда қарздор З.Инагамовдан ундирувчи Н.Инагамова фойдасига бир нафар вояга етмаган  фарзанди учун 33.220.775 сўм алимент пули тўлиқ ундирилди.

Шунингдек, фуқаролик ишлари бўйича Учтепа туманлараро судининг 29.08.2018 йилги ижро варақасига асосан, қарздор А.Ганиевдан ундирувчи Ф.Ганиева фойдасига 1/3 қисм миқдорида алимент ундириш тўғрисидаги ижро ҳужжати бўйича қарздор 2019 йилдан яъни 24 ой давомида алимент тўловларини тўламай келган.

МИБ Учтепа туман бўлими ва ИИБ ЖКБ ходимларининг олиб борган ҳаракатлари натижасида қарздордан тезкорлик билан 10.054.706 сўм икки йиллик алимент пуллари ундирилиб, 2 нафар вояга етмаган фарзанди моддий таъминоти учун ундириб берилди.

Яна бир ҳолат: Фуқаролик ишлари бўйича Яккасарой туманлараро судинииг 17.11.2011 йилдаги ижро варақасига асосан, қарздор Ш.Дехқонбаевдан бир нафар вояга етмаган фарзандининг таъминоти учун 1/4 қисм миқдорида алимент ундириш тўғрисидаги ижро ҳужжати МИБ Сергели туман бўлими иш юритувига 21.01.2012 йилда келиб тушган.

Қарздор ота унинг номида бўлган барча мол-мулкларига ҳамда Ўзбекистон ҳудудидан хорижга чиқишига чеклов қўйилганини билади.

Сергели туман бўлими давлат ижрочиси А.Мухамедовнинг олиб борган ижро ҳаракатлари ҳамда ҳуқуқий тушунтируви натижасида қарздор ота Ш.Дехқонбаев тўғри хулоса чиқариб, 1 нафар вояга етмаган фарзандининг 18 ёшгача 73.000.000 сўм алимент пулларини олдиндан 7 600 АҚШ доллари миқдорида тўлаб берди. Бу билан алимент ижро хужжатининг ижроси тўлиқ таъминланиб, ижро иш юритуви тамомланган.

162
Шавкат Мирзиёев в Алатском районе Бухарской области

Мирзиёев Бухоронинг жанубий туманларини вертолётда кўздан кечирди

233
(Янгиланган 14:35 21.01.2021)
Шавкат Мирзиёев Бухоронинг Олот, Қоракўл, Жондор, Ромитан, Пешку ва Шофиркон туманларида таъмирланган уй ва инфратузилма объектларини кўздан кечирди ҳамда маҳаллий аҳоли билан учрашди.

ТОШКЕНТ, 21 янв - Sputnik. Шавкат Мирзиёев 21 январь куни Бухоро вилоятига келиб, вертолётда Олот туманига йўл олди.

Президент ташрифи Олот тумандан бошлангани бежиз эмас. Ўтган йилнинг 27 апрел кунида Бухоро вилоятига Жанубдан кучли шамол кириб келиши оқибатида уй-жойлар, инфратузилма ва экинларга катта зарар етганди.

Ўтган давр мобайнида Олот ва қўшни туманларда Қоракўл, Жондор, Ромитан, Пешку ва Шофиркон туманларида 45 мингта уй, 204 та кўп қаватли турар жой таъмирланди, 1000дан  ортиқ ижтимоий соҳа ва тадбиркорлик объектлари, йўллар, электр, газ ва алоқа тармоқлари тикланди.

Ташриф давомида Шавкат Мирзиёев вертолётда ушбу ишлар қамровини кўздан кечирди ва айни дамда маҳаллий аҳоли билан мулоқот қилмоқда.

Эслатиб ўтамиз, бу Ўзбекистон президентининг 2021 йилда ҳудудлар иқтисодиий ривожланиши билан танишишга қаратилган биринчи ташрифдир.

233
Главный врач строящейся в Ташкенте Многофункциональной медклиники Фархад Ильхамов

Телекўприк бўйича жарроҳлик: шифокор Тошкентдаги клиника келажаги ҳақида

53
2022 йил ёзига келиб Тошкентда илғор техникалардан қўлланган ҳолда энг қийин жарроҳлик амалиётини ўтказишга имкон берувчи замонавий кўп тармоқли тиббиёт маркази очилиши режалаштирилмоқда.

ТОШКЕНТ, 21 янв — Sputnik. Кўп тармоқли тиббиёт клиникасини бунёд этиш лойиҳаси 2017 йилдан буён амалга оширилмоқда. Унда “Ўзбекистон темир йўллари” ва молиявий ва лойиҳанинг бир қисмини зиммасига олган Россиянинг Урал тоғ-кон металлургия компанияси иштирок этмоқда.

Клиника бош шифокори Фарҳод Илҳомов жамоани шакллантириш ва унинг тармоқлари ҳақида сўзлаб берди.

“Кадрлар бугунги кунда ишимизнинг энг қийин ва муҳим қисмидир. Суҳбатларда 68 нафар мутахассисларни саралаб олдик. Улардан сектор, лаборатория ва бўлимлар мудири шакллантирилади. Бундан ташқари, рўйхатда ўрта тиббиёт ходимлари учун 50 киши ўрин олган”, - деди у Sputnik мухбири билан суҳбатда.

Шу билан бирга Россия ва Германиянинг етакчи клиникалари мутахассислари маслаҳатлашиш, ўргатиш ва стажировкага жалб қилинади.

Бош шикофорнинг сўзларига кўра, бўлажак клиникада барча турдаги қон-томир жарроҳлик амалиёти ўтказилади. Шунингдек, умуртқанинг турли касалликлари – сурункали ва туғма касалликлардан жароҳатгача даволашни йўлга қўйиш режаларда бор.

Строительство главного корпуса многофункциональной медицинской клиники в Ташкенте
© Sputnik / Рамиз Бахтияров
Строительство главного корпуса многофункциональной медицинской клиники в Ташкенте

Клиника тўлақонли телетиббиётдан фойдаланишни ҳам режалаштирмоқда. Телекўприк шаклида мутахассислар Тошкентдаги жарроҳлик амалиёти вақтида бевосита Россия ва Германиянинг етакчи клиникалари билан боғланишлари мумкин. Хорижлик ҳамкасблар уларга маслатҳат ва кўрсатмалар беришлари мумкин бўлади.

Ҳозирда Тошкентда қурилиш ишлари жадал олиб борилмоқда. Даволаш ва лаборатория корпуслари қад ростламоқда. Объект 2020 йил ўртасига келиб тайёр бўлиши кутилмоқда.

53
Министр иностранных дел Узбекистана Абдулазиз Камилов

Камилов Осиё давлатларини туризмни рағбатлантиришга чақирди

54
Тадбирда Осиёда минтақавий интеграцияни чуқурлаштириш борасида амалга оширилаётган масалаларга алоҳида эътибор қаратилди.

ТОШКЕНТ, 21 янв - Sputnik. Ўзбекистон Ташқи ишлар вазири Aбдулазиз Камилов "Янги хавфсиз ва соғлом туризм" мавзусида видеоконференция шаклида бўлиб ўтган Осиё ҳамкорлик мулоқоти (ОҲМ)га аъзо давлатлар Ташқи ишлар вазирлари кенгашининг XVII йиғилишида иштирок этди.

Тадбирда тузилма бош котиби Порнчаи Данвиватан(Pornchai Danvivatanning ) ҳисоботи тингланди, ОҲМнинг бошқа ташкилотлар ва халқаро муносабатларнинг субйектлар билан алоқалари бўйича меъёрий қоидалар тасдиқланди ҳамда ташкилий масалалар кўриб чиқилди.

Делегациялар раҳбарлари туризм соҳасидаги ҳамкорликнинг бугунги ҳолати ва келгусидаги ривожланиш истиқболларини муҳокама қилдилар. Хусусан, коронавирус пандемияси шароитида хорижий сайёҳларнинг хавфсизлиги ва соғлиғини таъминлашга қаратилган янгича ёндашувларни ишлаб чиқишнинг муҳим жиҳатлари, уларни ҳаётга татбиқ этиш механизмлари ҳақида сўз юритилди.

Ташқи ишлар вазири Камилов ўз нутқида COVID-19га қарши курашишдан жаҳон иқтисодиётини қайта тиклаш, жумладан туризм соҳасини рағбатлантиришга фаол тайёргарлик кўриш босқичига ўтиш учун қатъий чоралар қабул қилиш ва саъй-ҳаракатларни бирлаштириш зарурлигини таъкидлади.

Ўзбекистон ТИВ раҳбари тадбир қатнашчиларига Ўзбекистонда туризм соҳасини ҳар томонлама қўллаб-қувватлаш борасида амалга оширилаётган комплекс чора-тадбирлар ҳақида маълумот берди. Хусусан, сайёҳлик қайта йўлга қўйилганидан кейин республикага келган хорижий сайёҳлар "туризмни янги шаклда" – янада хавфсиз, янада ранг-баранг ва янада индивидуал ҳолда кўришлари мумкин бўлади.

Тадбирда Осиёда минтақавий интеграцияни чуқурлаштириш борасида амалга оширилаётган масалаларга алоҳида эътибор қаратилди. Шу нуқтайи назардан, Марказий ва Жанубий Осиё ўртасида ўзаро боғлиқликни мустаҳкамлашнинг муҳимлиги қайд етилди.

Тадбир якунида Осиёда ҳамкорлик мулоқоти бўйича ташқи ишлар вазирлар кенгаши XVII йиғилишининг Aнқара декларацияси қабул қилинди.

54