Мигрантлар Моргенштернга қандай қилиб пул ишлаш мумкинлиги ҳақида “дарс ўтди”
(Янгиланган 14:43 17.12.2020)
Москва шаҳридаги Алтуфьево туманида ишлайдиган дворниклар россиялик рэпер Моргенштерннинг “Cadillac” қўшиғига ремейк клип тайёрлашди. ТОШКЕНТ, 17 дек — Sputnik. Москва шаҳридаги Алтуфьево туманида ишлайдиган дворниклар россиялик рэпер Моргенштерннинг “Cadillac” қўшиғига ремейк клип тасвирга олишди.
Айни вақтда клип ижтимоий тармоқларда тез тарқалмоқда.
Коммунальщики из Алтуфьево записали на песню Моргенштерна и @saynaraboy и сняли клип pic.twitter.com/vJl5EVL9Sv
— Дикая Москва (@WildWildMoscow) December 16, 2020
Роликда мигрантлар ҳашаматли автомашиналар ўрнига велосипед, арава ва кураклардан фойдаланишган.
Бу видео остида интернет фойдаланувчилари кўплаб ижобий изоҳлар қолдириб, коммунал хизмат кўрсатиш ишчиларининг ижод намунасига юқори баҳо беришди.
Эслатиб ўтамиз, ўтган ҳафтада россиялик рэпер Алишер Моргенштерн Бухоро шаҳрига келиб, “Mercedes-Benz E 200” автомашинасини бухоролик Азим Абдуллаевга совға қилганди.
Ўзбекистон дунёдаги энг қудратли армиялар рўйхатида юқорилади
(Янгиланган 20:51 15.01.2021)
Ўзбекистон Қуролли Кучлари ҳарбий кучларнинг глобал рейтингида ўз позицияларини яхшилади. Бу собиқ СССР давлатлари орасида тўртинчи кўрсаткич.ТОШКЕНТ, 15 янв — Sputnik. Ўзбекистон Қуролли Кучлари ҳарбий кучларнинг Global firepower рейтингида ўз позицияларини яхшилаб, 51-ўринга кўтарилди (2020 йилда республика 52-ўринда бўлган).
Бу собиқ СССР давлатлари орасида тўртинчи кўрсаткич. Россия (2-ўрин), Украина (25), Беларусь (51). Марказий Осиёдаги қўшнилар орасида Қозоғистон 62-ўринда.
Global Firepower ҳарбий рейтингида қайд этилган маълумотларга кўра, Ўзбекистон Қуролли кучлари 420 дона танк, 1215 дона зирҳли машина, 140 дона ўзиюрар артиллерия ва 98 дона кўп зарбали реактив тизимларига эга. Шунингдек, 80та қирувчи, 122та вертолёт ва бошқа авиация (жами 227) - ҳаво кучларининг асосини ташкил этади.
Ўзбекистон президенти Шавкат Мирзиёев аскар ва сержантлар, офицер ва генераллар, Қуролли Кучлар фахрийлари, ватандошларни Ўзбекистон Республикаси Қуролли Кучлари ташкил этилганининг 29 йиллиги ва Ватан ҳимоячилари куни муносабати билан табриклади.
Ўзбекистон етакчиси бундан 4 йил олдин мамлакатда ҳарбий қурилиш соҳасини тубдан ислоҳ қилиш бўйича энг муҳим ва устувор йўналишларни белгилаб олинганини, шу асосда мамлакат мудофаа қобилиятини мустаҳкамлаш ва Қуролли Кучларни ривожлантириш учун кенг кўламли ишлар амалга оширилаётганини айтган.
Ўтган қисқа даврда янги Мудофаа доктринаси қабул қилинди, ҳарбий тузилмаларнинг таркиби ва вазифалари чуқур қайта кўриб чиқилди, қўшинларни бошқариш тизими такомиллаштирилди, миллий армиямизни замонавий қурол-яроғ ва техника воситалари билан таъминлаш бўйича ўта муҳим лойиҳалар амалга оширилди, дея эслатган президент.
Теглар:
Коронавирус: барча ҳудудда янги ҳолатлар – энг кўп Тошкентда
(Янгиланган 12:21 15.01.2021)
Сутка давомида 68 кишида коронавирус аниқланди, Ўзбекистонда коронавирус инфекцияси қайд этилганлар сони 77 845 нафарни ташкил қилмоқда.ТОШКЕНТ, 15 янв — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.
Бир сутка давомида 68 кишида коронавирус аниқланди, Ўзбекистонда коронавирус инфекцияси қайд этилганлар сони 77 845 нафарни ташкил қилмоқда.
Янги касалланиш ҳолатларининг: 1 нафари Қорақалпоғистон Республикасида, 9 нафари Андижон вилоятида, 6 нафари Жиззах вилоятида, 2 нафари Қашқадарё вилоятида, 2 нафари Навоий вилоятида, 1 нафари Наманган вилоятида, 3 нафари Самарқанд вилоятида, 1 нафари Сирдарё вилоятида, 2 нафари Сурхондарё вилоятида, 9 нафари Фарғона вилоятида, 2 нафари Хоразм вилоятида, 10 нафари Тошкент вилоятида, 20 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.
Соғайиш кўрсаткичи
Республика бўйлаб жами соғайганлар сони 76 335 нафарга етди. Соғайиш кўрсаткичи 98 фоизга етди.
Айни пайтда 891 нафар беморга белгиланган стандартлар бўйича даво чоралари кўрилмоқда. 158 нафар бемор оғир, 32 нафари ўта оғир аҳволда.
Ўлим ҳолатлари
1 нафар коронавирусга чалинган бемор вафот этди.
Ўзбекистонда жами 619 киши пандемия қурбони бўлди.
Дунё саломатлиги
Дунё бўйлаб инфекцияни юқтириб олган кишиларнинг сони 93,1 миллиондан ошди, 1,9 миллиондан ортиқ киши вафот этди. Энг кўп ҳолатлар АҚШда (23,3 млн), Ҳиндистонда (10,5 млн), Бразилияда (8,3 млн).
Теглар: