Комил Алламжонов ва Саида Мирзиёева фахрий журналист ҳолидан хабар олишди

283
(Янгиланган 10:36 28.12.2020)
Масс-медиани ривожлантириш фонди Янги йил байрами арафасида 100га яқин журналистларга жами 150 миллион сўм атрофида молиявий ёрдам беради.

ТОШКЕНТ, 28 дек - Sputnik. Ўзбекистон Миллий масс-медиани қўллаб-қувватлаш ва ривожлантириш жамғармаси раҳбарияти Комил Алламжонов ва Саида Мирзиёева 8 йилдан буён Республика уруш ва меҳнат фахрийлари пансионатида яшаётган фахрий журналист Рустам Обидовнинг ҳолидан  хабар олишди.

Рустам Обидов

Хабарда айтилишига кўра, Рустам Обидов аллақачон пенсиuяга чиққанига қарамай, таржималар қилиб, астойдил ишлашда давом этмоқда. Лекин 2020 йилодан пандемия туфайли оғир молиявий аҳволга тушиб қолган ва пансионатда яшаш харажатларининг барчасини тўлай олмаган. 

Алламжонов, ушбу вазиятда фахрий журналистга ёрдам беришни Масс-медиа фондининг бурчи деб ҳисоблашини маълум қилган. 

"Масс-медиа фонди ва шахсан мен Рустам Обидовга унинг муаммоларини ҳал қилишда ёрдам беришни ўз бурчимиз деб ҳисоблаймиз. Фахрий журналистлар Ўзбекистон тарихидир. Уларнинг меҳнати ва фидокорона фаолияти туфайли биз мамлакатимиз босиб ўтган йўл ҳақида биламиз ва бизнинг бу кўмагимиз уларга ва уларнинг меҳнатларига билдирилган миннатдорчилигимизнинг кичик бир қисмидир", - дейди Алламжонов.

Маълумот учун, журналист Рустам Обидов пансионатига 18 миллион сўм миқдорида қарзи бор. Масс-медиани ривожлантириш фонди ушбу тўловни ўз зиммасига олди.

Ундан ташқари, бироз олдин Фонд байрам арафасида 100 га яқин фахрий журналистларга ҳам ёрдам ажратилишини маълум қилган эди. Рўйхатни тузишда журналистларнинг ижтимоий тармоқлардаги жамоалари ва тегишли ташкилотлар кўмаклашган. Фонд уларга жами 150 миллион сўмлик ёрдам кўрсатади.

Комил Алламджонов и Саида Мирзиёева посетили почетного журналиста
 

283
узбекский региональный аэропорт

Эрон авиакомпанияси Самарқанд ва Бухорога парвозларни йўлга қўймоқчи

28
Транспорт вазирлигида Эроннинг “Zagros Airlines” авиакомпанияси вакиллари билан учрашув бўлиб ўтди.

ТОШКЕНТ, 22 янв — Sputnik. Zagros Airlines Самарқанд ва Бухорога авиақатновларни йўлга қўймоқчи.

Бугун Транспорт вазирлигида Эроннинг “Zagros Airlines” авиакомпанияси вакиллари билан учрашув бўлиб ўтди.

Транспорт вазири ўринбосари Жасурбек Чориев ва “Zagros Airlines” авиакомпаниясининг Ўзбекистондаги бош вакили Мортеза Шейхассани билан бўлиб ўтган мулоқотда икки давлат ўртасида мунтазам ҳаво қатновларини қайта тиклаш масаласи муҳокама қилинди.

Шунингдек, авиакомпания вакиллари йўналишлар географиясини кенгайтириш, транзит салоҳиятини ривожлантириш ва парвозлар сонини ошириш бўйича қатор таклифларни билдирди. Хусусан, “Zagros Airlines” авиакомпанияси Эроннинг турли шаҳарларидан Самарқанд ва Бухорога авиарейслар қўйиш истагида эканлигини маълум қилди. 

28
Разметка выделенной полосы для движения общественного транспорта

Тошкент кўчаларида “А” махсус ажратилган йўлаклар ташкил этилади - рўйхат

45
Автобус, йўналишли такси, тез тиббий ёрдам, ўт ўчирувчи машиналар ҳаракати учун Тошкент шаҳридаги 10 та кўчаларда алоҳида ажратилган йўлаклар ташкил этиш режалаштирилмоқда.

ТОШКЕНТ, 22 янв — Sputnik. Автобус, йўналишли такси, тез тиббий ёрдам, ўт ўчирувчи машиналар ҳаракати учун Тошкент шаҳридаги 10 та кўчаларда алоҳида ажратилган йўлаклар ташкил этиш режалаштирилмоқда.

Тошкент шаҳридаги 10та кўча:

1. Бобур кўчаси (Халқаро аэропорт бекатидан Сеул кўчаси кесишмаси);

2. Фурқат кўчаси (Сеул кўчасидан Ислом Каримов кўчаси кесишмаси);

3. Кичик ҳалқа айланма йўли (Шота Руставели кўчасидан Фарход кўчаси кесишмаси);

4. Фарход кўчаси (Кичик ҳалқа айланма йўлидан Лутфий кўчаси кесишмаси);

5. Лутфий кўчаси (Фарход кўчасидан Муқимий кўчаси кесишмаси);

6. Муқимий кўчаси (Лутфий кўчасидан Шота Руставели кўчаси кесишмаси);

7. Фарғона йўли кўчаси (Қўшкўприк кўчасидан Қўйлиқ ота кўчаси кесишмаси);

8. Истиқбол кўчаси (Нукус кўчасидан Шаҳрисабз кўчаси кесишмаси);

9. Ахмад Дониш кўчаси (Тошкент ҳалқа айланма йўлидан Нурафшон кўчаси кесишмаси);

10. Себзор кўчаси (Нурафшон кўчасидан Абдулла Қодирий кўчаси кесишмаси)га қадар алоҳида йўлаклар ажратиш кўзда тутилмоқда.

45
Теглар:
ИИВ, Тошкент, Ўзбекистон