Барча ОТМлар 11 январдан анъанавий таълимга қайтади

© Sputnik / Сергей Пятаков / Медиабанкка ўтишСтуденты на лекции в вузе
Студенты на лекции в вузе - Sputnik Ўзбекистон
Oбуна бўлиш
Ўзбекистонда 11 январдан барча ОТМлар анъанавий таълимга қайтади. Айрим бетоб ёки ижтимоий ҳимояга муҳтож талабаларнинг ўқишлари онлайн шаклда давом эттирилиши мумкин.
ТОШКЕНТ, 4 янв — Sputnik. Ўзбекистонда 11 январдан барча ОТМлар анъанавий таълимга қайтади. Бу ҳақда АОКАда Олий ва ўрта махсус таълим вазирлиги ахборот хизмати раҳбари Фарҳод Бабашев иштирокида ўтаётган брифингда маълум қилинди.
Национальная валюта Узбекистана — сум - Sputnik Ўзбекистон
Ўзбекистонда талабалар контрактлари оширилмайди
Бабашевнинг сўзларига кўра, барча ОТМлар томонидан ўқув жараёнини анъанавий тарзда бошлаш бўйича график ишлаб чиқилган. График асосида 2021 йил 11 январдан барча ОТМларнинг тегишли курсларида ўқув жараёни анъанавий шаклда бошланади.
Айрим бетоб ёки ижтимоий ҳимояга муҳтож талабаларнинг ўқишлари онлайн шаклда давом эттирилиши мумкин. Бу ҳолатда ОТМлар талабаларнинг шароитларини ўрганиб чиқади. Барча имкониятлари мавжуд бўлган талабалар анъанавий таълимга тўлиқ жалб этилади.
Ҳафталик ўқув кунлари ўқув режасидаги ҳафталик юкламалар асосида белгиланади. Ўқув режаларидаги фанларга ажратилган ҳафталик юкламадан келиб чиқилса, ҳафталик ўқув куни 5-6 кунга тўғри келади. Бунда талабаларнинг кунлик юкламаси ҳам ошиб кетмаслиги лозим.
Янгиликлар лентаси
0