Гўшт, ловия ва мош - 2020 йилда нархи энг кўп ошган маҳсулотлар маълум бўлди

Oбуна бўлиш
2020 йилда гречка, ловия, нўхат ва мош ҳамда мол гўшти ва қўй гўшти нархлари сезиларли даражада ошгани маълум бўлди.
ТОШКЕНТ, 11 янв - Sputnik. Давлат Статистика қўмитаси 2020 йил давомида нархи энг кўп ошган озиқ-овқат маҳсулотлар борасида маълумотларни эълон қилди.
Нархлари энг кўп ошган маҳсулотлар рўйхатидан биринчи навбатда дуккаклилар ўрин олган. Хусусан, гречка (+52,7%), ловия (+36,2%), нўхат (+27,6%), мош (+25,6%), буғдой уни (+14,8%), гуруч – 13,8 %.
Шунингдек, аҳоли томонидан энг кўп истеъмол қилинадиган маҳсулотлар - мол гўшти (+ 21%), қўй гўшти (+25%), балиқ (+13,5%) ва товуқ гўшти (+3,9%) нархлари ҳам сезиларли даражада ошган.
Эслатиб ўтамиз, 2019 йил якунида нархи энг кўп ошган озиқ-овқат маҳсулоти мош, буғдой уни ва мол гўшти бўлган эди. Йил якунида мош (+35%) ва буғдой уни нархи (+32%) ҳамда мол гўшти (+26%)га қимматлаган эди.
Янгиликлар лентаси
0