Молодожены, архивное фото

Никоҳ учун ариза берганларга оила қадриятлари бепул ўқитилади

88
(Янгиланган 20:51 13.01.2021)
Бўлажак келин-куёвлар оилавий-ҳуқуқий муносабатлар, оилавий ҳаёт психологияси, оила иқтисоди ва бюджети ва бошқа соҳаларда билимларини ошириш учун ўқитилади.

ТОШКЕНТ, 13 янв - Sputnik. Яқин келажакда 30 ёшдан ошмаган никоҳланувчи шахслар учун 16 соатлик дастур Оила қадриятлари бепул ўқитилади, деб хабар қилди Маҳалла ва оилани қўллаб-қувватлаш вазирлиги бошқарма бошлиғи Мукаррам Нурматова АОКАдаги матбуот анжуманида.

«Туман (шаҳар) маҳалла ва оилани қўллаб-қувватлаш ҳамда Ёшлар ишлари агентлигининг туман (шаҳар) бўлимлари ҳузурида Ёшларни оилавий ҳаётга тайёрлаш марказлари ташкил этилади.

Марказлар очишдан асосий мақсад — никоҳланувчи фуқаролар онгига миллий қадриятлар руҳини сингдириб бориш, уларни оилавий-ҳуқуқий муносабатлар, оилавий ҳаёт психологияси, оила иқтисоди ва бюджети, репродуктив саломатлик асослари, маънавий-ахлоқий қадриятларни мустаҳкамлаш масалалари бўйича билимларини ошириш, оилалар мустаҳкамлигини таъминлаш, оилавий ажралишларнинг олдини олиш ҳамда ибратли ота-она бўлиш кўникмаларини шакллантиришдан иборатдир.

Марказларда ФҲДЁ органларига никоҳни қайд этиш учун ариза берган ва ўқув машғулотларида қатнашиш учун розилиги олинган 30 ёшдан ошмаган никоҳланувчи шахслар 16 соатлик ўқув дастури асосида бепул ўқитилади.

Шунингдек, ўттиз ёшдан ошган никоҳланувчи, муқаддам никоҳ тузган шахслар, ажралиш ёқасига келиб қолган оилалар аъзолари ҳам алоҳида дастур асосида марказларда ихтиёрий ўқишлари мумкин. Ўқув машғулотларида тўлиқ қатнашган тингловчиларга махсус сертификат берилиши назарда тутилган», - деди Мукаррам Нурматова.

Эслатиб ўтамиз, 2019 йил бошида Ўзбекистонда никоҳ шартномаларини мажбурий қилиш тўғрисида қонун лойиҳаси киритилган эди. Ушбу таклиф жамоатчилик орасида кенг муҳокамага сабаб бўлган, турли мутахассислар томонидан турлича фирклар билдирилган эди.

Ҳозирча ушбу қонун қабул қилингани йўқ, яъни никоҳ шартномаси тузиш ихтиёрий мақомда қолдирилган. Лекин никоҳ шартномалари тузишни осонлаштириш бўйича қатор ишлар амалга оширилмоқда. Масалан, никоҳ шартномасини нотариусдан рўйхатдан ўтказиш учун давлат божи бекор қилинган. Олий Мажлис Сенати раиси Танзила Норбоева ҳам ўтган йилнинг декабрида қилган чиқишида никоҳ шартномасини кенгроқ тарғиб қилиш зарурлигини таъкидлади.

Шунга қарамасдан тузилаётган никоҳ шартномалари сони ҳозирча бир неча юздан ошмаяпти. Хусусан, 2019 йилда Ўзбекистонда 219та никоҳ шартномаси тузилган. Ваҳоланки, 2020 йилнинг биринчи ярмида судларга эр-хотин орасида ажралиш, мулк бўлишиш ва бошқа масалалар бўйича 122 мингдан ортиқ ариза келиб тушган. Улардан 78 мингга яқини ажралган. 

88

"Тахтақорача" довонида ФВВ ўқув-машқи ўтказилди

135
(Янгиланган 18:48 26.01.2021)
"Тахтақорача" довонида мураккаб об-ҳаво шароитида Фавқулодда вазиятлар вазирлигининг махсус-тактик ўқув машқлари бўлиб ўтди.

ТОШКЕНТ, 26 янв - Sputnik. Самарқанд вилояти Ургут туманида жойлашган "Тахтақорача" довонида Фавқулодда вазиятлар вазирлигининг ўқув машқлари бўлиб ўтди

"ФВДТ ҳудудий ва функционал қуйи бўғинлари хизматларининг табиий ҳамда техноген хусусиятли фавқулодда вазиятларда ҳамкорликдаги ҳаракатлари" мавзусида махсус-тактик ўқув машқи бўлиб ўтди.

Ўқув машқи 4 босқичда ўтказилди:

  1. Довонда қор кўчкиси содир бўлганда, тегишли хизматларнинг куч-воситалари фавқулодда вазиятни бартараф этиш учун йиғилди ва уларнинг шайлиги саф кўриги орқали кўздан кечирилди. Шунингдек, қор кўчкиси содир бўлиш хавфи мавжуд бўлган ҳудудлардан аҳоли ва моддий бойликларини хавфсиз жойларга кўчириш ишлари амалда кўриб чиқилди.
    МЧС
    Учения МЧС на перевале Тахтакорача
  2. Қор кўчкиси оқибатида транспорт воситалари билан боғлиқ шартли равишда содир этилган авто-авариялар оқибатлари бартараф этилди ва қор кўчкиси остида қолган фуқароларни қидириш ҳамда қутқарув ишларини амалга ошириш, жабрланганларга биринчи тиббий ёрдам кўрсатиш ишлари олиб борилди.
    МЧС
    Учения МЧС на перевале Тахтакорача
  3. Довонда икки томонлама йўл ҳаракатини тиклаш, фуқароларнинг ҳаётий тизимини маромига келтириш, автомобил йўлини қордан тозалаш, йўл қатнов қисмининг сирпанчиқ ва тик қияли ҳудудларида қум ва қум-туз аралашмасини сепиш, йўл белгиларини таъмирлаш ишлари олиб борилди.
  4. Машғулот якунида иштирокчиларга йўл қўйилган камчиликлар ва уларни бартараф этиш бўйича зарур тавсиялар берилди.

Маълумот учун ўтган дам олиш кунлари арафасида Тахтақорача довонида қалин қор (20-30 см) ёққан эди. Шу сабабли  юқорида қайд этилган ўқув машғулотлари аслига яқин мураккаб шароитларда бўлиб ўтди.

МЧС
Учения МЧС на перевале Тахтакорача
135
Праздничный концерт в честь Дня конституции Узбекистана

Концерт тадбирларини ташкил этишга рухсат берилди

128
(Янгиланган 15:57 26.01.2021)
Ўзбекистонда 28 январдан концерт ва томоша тадбирларини ташкил этишга рухсат берилмоқда. Бунда томошабинлар сони 50 фоиздан ошмаслиги зарур.

ТОШКЕНТ, 26 янв — Sputnik. Жорий йилнинг 28 январидан бошлаб санитария-эпидемиологик талабларга қатъий риоя этган ҳолда концерт ва томоша тадбирларини ташкил этишга рухсат берилди.

Республика махсус комиссиясининг қарори билан концерт ва томоша тадбирларини ўтказиш бўйича қуйидаги талаблар белгиланди:

  • концерт саройларининг томошабин сиғимини инобатга олган ҳолда томошабинлар сонини 50 фоиздан оширмаган ҳолда ташкил этиш;
  • концерт саройларининг томошабин ўриндиқларидан оралиқ масофани сақлаган ҳолда фойдаланилишини таъминлаш ва бу борада оралиқ масофани сақлаш учун талаб этиладиган ўриндиқларни консервация қилиш;
  • концерт саройларига ташриф буюрувчи томошабин ҳамда хизмат кўрсатувчи ходимлар қатъий ниқобда бўлиш.

Шунингдек, умумий овқатланиш корхоналари ва кўнгилочар объектлар томонидан соат 8:00 дан 23:00 гача бўлган даврида фаолият юритиши билан боғлиқ бўлган чекловлар бекор қилинди.

Ушбу хизматлар Вазирлар Маҳкамасининг “Тунги вақтда фаолият юритувчи умумий овқатланиш корхоналари ва кўнгилочар объектларда жамоат хавфсизлигини таъминлашга доир қўшимча чора-тадбирлар тўғрисида”ги 2019 йил 24 июлдаги қарори талаблари доирасида ташкил этилишига рухсат берилди.

Махсус комиссия фуқаролардан санитария-эпидемиологик қоидаларга қатъи риоя этишлари ҳамда мамлакатда эпидемиологик барқарорликни таъминлаш борасида эришилган бугунги вазиятни бардавом бўлиши учун шахсий масъулиятни оширишни сўраган.

128