Девушка в маске в парикмахерской

“Маккор вирус”: COVID-19 соч тўкилишига олиб келиши мумкин

135
Коронавирус соч тўкилишига олиб келиши мумкин: Нью-Йорк етакчи дерматолог - шифокор Мишель Грин бу ҳақда гапириб берди.

ТОШКЕНТ, 14 янв — Sputnik. Машҳур америкалик дерматолог Мишель Гриннинг фикрига кўра, вирус организм учун жиддий синовга айланади, уни "шок терапияси" ёки стрессга реакция деб аташ мумкин.

Яқинда ижтимоий тармоқларда коронавирус инфекциясини бошидан ўтказган одамларнинг шикоятлари пайдо бўлди: уларнинг сўзларига кўра, улар соч тўкилишига дуч келишди. Бу ҳақда GQ нашри мухбирларига сериал юлдузи Алиса Милано айтиб берди. Актриса Instagram саҳифасида бу ҳолат ҳақида видео ҳам жойлаштирди.

Соч тўкилиши - бу COVID-19дан кейин организмнинг жуда кўп учрайдиган реакцияси ҳисобланади, дейди дерматолог.

Мутахассиснинг таъкидлашича, маккор вирус инсон организми учун жиддий синовга айланади. Бундай ҳолда, сочларнинг ҳаёт цикли тўсатдан қисқа вақт ичида қисқаради, шундан сўнг "соч тўкилиши" бошланади. Сочлар қайта ўсиб чиқиши мумкин, аммо бунинг учун вақт керак. Кўпинча бундай реакцияга алопецияга мойил бўлган одамлар дуч келади.

"Коронавирус инсоннинг организмига ҳар хил таъсир қилади ва касаллик оқибатида иммунитет тизимидаги стресс туфайли, тузалганларнинг аксарияти ҳақиқатан ҳам соч тўкилишидан азият чекмоқда", - дейди Грин.

Дермотолог соч тўкилишининг биринчи аломатлари пайдо бўлганда мутахассисга мурожаат қилишни маслаҳат берди.

135
Теглар:
интернет, ижтимоий тармоқ, коронавирус пандемияси, коронавирус
Мавзу:
COVID-19 умумжаҳон пандемияси (1342)
Бронетранспортер с узбекскими военнослужащими на конкурсе Чистое небо в Китае

Ўзбекистон дунёдаги энг қудратли армиялар рўйхатида юқорилади

244
(Янгиланган 20:51 15.01.2021)
Ўзбекистон Қуролли Кучлари ҳарбий кучларнинг глобал рейтингида ўз позицияларини яхшилади. Бу собиқ СССР давлатлари орасида тўртинчи кўрсаткич.

ТОШКЕНТ, 15 янв — Sputnik. Ўзбекистон Қуролли Кучлари ҳарбий кучларнинг Global firepower рейтингида ўз позицияларини яхшилаб, 51-ўринга кўтарилди (2020 йилда республика 52-ўринда бўлган). 

Бу собиқ СССР давлатлари орасида тўртинчи кўрсаткич. Россия (2-ўрин), Украина (25), Беларусь (51). Марказий Осиёдаги қўшнилар орасида Қозоғистон 62-ўринда.

Global Firepower ҳарбий рейтингида қайд этилган маълумотларга кўра, Ўзбекистон Қуролли кучлари 420 дона танк, 1215 дона зирҳли машина, 140 дона ўзиюрар артиллерия ва 98 дона кўп зарбали реактив тизимларига эга. Шунингдек, 80та қирувчи, 122та вертолёт ва бошқа авиация (жами 227) - ҳаво кучларининг асосини ташкил этади.

Ўзбекистон президенти Шавкат Мирзиёев аскар ва сержантлар, офицер ва генераллар, Қуролли Кучлар фахрийлари, ватандошларни Ўзбекистон Республикаси Қуролли Кучлари ташкил этилганининг 29 йиллиги ва Ватан ҳимоячилари куни муносабати билан табриклади.

Ўзбекистон етакчиси бундан 4 йил олдин мамлакатда ҳарбий қурилиш соҳасини тубдан ислоҳ қилиш бўйича энг муҳим ва устувор йўналишларни белгилаб олинганини, шу асосда мамлакат мудофаа қобилиятини мустаҳкамлаш ва Қуролли Кучларни ривожлантириш учун кенг кўламли ишлар амалга оширилаётганини айтган.

Ўтган қисқа даврда янги Мудофаа доктринаси қабул қилинди, ҳарбий тузилмаларнинг таркиби ва вазифалари чуқур қайта кўриб чиқилди, қўшинларни бошқариш тизими такомиллаштирилди, миллий армиямизни замонавий қурол-яроғ ва техника воситалари билан таъминлаш бўйича ўта муҳим лойиҳалар амалга оширилди, дея эслатган президент.

244
Теглар:
Беларусь, Қозоғистон, Украина, Россия, Ўзбекистон, ҳарбий техника, ҳарбий, Мудофаа вазирлиги, ҳарбийлар

Коронавирус: барча ҳудудда янги ҳолатлар энг кўп Тошкентда

798
(Янгиланган 12:21 15.01.2021)
Сутка давомида 68 кишида коронавирус аниқланди, Ўзбекистонда коронавирус инфекцияси қайд этилганлар сони 77 845 нафарни ташкил қилмоқда.

ТОШКЕНТ, 15 янв — Sputnik. Sputnik Ўзбекистон республикадаги эпидемиологик вазият тўғрисида асосий хабарларни тўплади.

Бир сутка давомида 68 кишида коронавирус аниқланди, Ўзбекистонда коронавирус инфекцияси қайд этилганлар сони 77 845 нафарни ташкил қилмоқда.

Янги касалланиш ҳолатларининг: 1 нафари Қорақалпоғистон Республикасида, 9 нафари Андижон вилоятида, 6 нафари Жиззах вилоятида, 2 нафари Қашқадарё вилоятида, 2 нафари Навоий вилоятида, 1 нафари Наманган вилоятида, 3 нафари Самарқанд вилоятида, 1 нафари Сирдарё вилоятида, 2 нафари Сурхондарё вилоятида, 9 нафари Фарғона вилоятида, 2 нафари Хоразм вилоятида, 10 нафари Тошкент вилоятида, 20 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Соғайиш кўрсаткичи

Республика бўйлаб жами соғайганлар сони 76 335 нафарга етди. Соғайиш кўрсаткичи 98 фоизга етди.

Айни пайтда 891 нафар беморга белгиланган стандартлар бўйича даво чоралари кўрилмоқда. 158 нафар бемор оғир, 32 нафари ўта оғир аҳволда.

Ўлим ҳолатлари

1 нафар коронавирусга чалинган бемор вафот этди.

Ўзбекистонда жами 619 киши пандемия қурбони бўлди.

Дунё саломатлиги

Дунё бўйлаб инфекцияни юқтириб олган кишиларнинг сони 93,1 миллиондан ошди, 1,9 миллиондан ортиқ  киши вафот этди. Энг кўп ҳолатлар АҚШда (23,3 млн), Ҳиндистонда (10,5 млн), Бразилияда (8,3 млн).

798
Теглар:
Ўзбекистон, коронавирус пандемияси
Мавзу:
COVID-19 умумжаҳон пандемияси (1342)