Хоким Самаркандской области Эркинжон Турдимов

Самарқанд вилояти ҳокими депутатларга 50 млн сўмдан пул ажратишни таклиф қилди

232
Самарқанд вилоятида камбағалликни қисқартириш учун вилоят кенгаши депутатларига 50 миллион сўмдан маблағ ажратилади.

ТОШКЕНТ, 20 фев — Sputnik. Самарқанд вилояти ҳокими Эркинжон Турдимов камбағалликни қисқартириш учун вилоят кенгаши депутатларининг ҳар бирига 50 миллион сўмдан ажратишни таклиф қилди.

Жорий йилнинг биринчи январь ҳолатига кўра, “темир дафтар”га жами 16 мингт камбағал оилалар киритилган бўлиб, улардан 6 минг нафари меҳнатга лаёқатли ишсиз фуқаролар ҳисобланади. Вилоятда тажриба тариқасида ишсиз фуқароларга озиқ-овқат билан эмас, балки зарурий жиҳозлар билан ёрдам беришга қарор қилинди. Улардан фойдаланиб, оилалар доимий даромад олишлари учун имконият яратилди. Ушбу мақсадлар учун фуқароларни қўллаб-қувватлаш жамғармасидан қарийб 9 миллиард сўм миқдорда маблағ ажратилди. Бугунга қадар 1,5 миллиард сўмдан зиёд 771 та турли хилдаги асбоб-ускуналар фуқароларнинг хоҳиш-истакларини инобатга олган ҳолда харид қилиниб, бағараз тарқатилди.

Самарқанд вилояти аҳолисини касб-ҳунарга ўқитиш учун 10 миллиард сўм ажратилган.

Қайд этилишича, баъзи камбағал оилаларга бир нечта ташкилотлар бирданига ёрдам кўрсатмоқда, айрим шу тоифадаги оилалар эса эътибордан четда қолмоқда.

Бу борада эса депутатлар кенгаши раиси ҳар бир депутатга 50 миллион сўмдан ажратишни таклиф қилди.

Депутатлар ўз округидаги камида 10 та камбағал оила рўйхатини шакллантиради ва бу хонадонларнинг тадбиркорлик билан шуғулланиши, имтиёзли кредит ажратилишини назоратга олади. Ушбу маблағ ҳисобидан уларга ёрдам беради.

“Биз вилоят кенгаши депутатининг ҳар бирига 50 миллион сўмдан пул берсак. Мана, менинг таклифим. Мисол учун сизга 50 миллион сўм берамиз. Сиз унга хўжайинсиз. Туманга борасиз, энг камбағал деб ҳисобланган оилани кўриб, унинг  муаммоларини асослаб, ўзингиз ечиб берасиз. Муаммонинг ечимини кўрсатинг, пулни хоҳлаган кўринишда оласиз”, - деди Турдимов йиғилишда.

Вилоят ҳокимининг сўзларига кўра, бунинг учун “Саховат ва кўмак” жамғармаси ҳисобидан жами 3 миллиард сўм ажратилади. 

232
Теглар:
Самарқанд вилояти, Эркинжон Турдимов

Муниса Ризаева турмушга чиқяпти

154
(Янгиланган 13:34 07.03.2021)
Ўзбек шоу-бизнесининг ёрқин юлдузи хонанда Муниса Ризаева бўлғуси турмуш ўртоғи ўзидан кичик эканлигини таъкидлаган эди.

ТОШКЕНТ, 7 мар — Sputnik. Ўзбек эстрадасининг ёрқин намоёндаларидан бири хонанда Муниса Ризаева тез орада турмушга чиқади. Хонанда бунга Instagramʼдаги саҳифасида никоҳ узуги билан ишора қилди.

Посмотреть эту публикацию в Instagram

Публикация от Munisa Rizaeva (Singer) (@munisarizaeva)

Мухлислар уни табриклаб, ёшларга бахт тилашмоқда. Сурат остида хонанданинг синглиси Карима Ризаева ҳам изоҳ ёзиб қолдирди.

“Табриклайман. I’m so happy”, - дея опасини табриклади у.

Бундан ташқари Муниса Ризаевани унинг ҳамкасблари табриклаб, эзгу тилаклар билдиришмоқда. Улар орасида хонанда Зиёда ҳам бор.

Аввалроқ хонанда Муниса Ризаева Instagram’даги жонли эфирда мухлисларининг қачон турмушга чиқиши ҳақидаги саволларига жавоб берган эди. Ўшанда у бўлғуси турмуш ўртоғи ўзидан кичик эканлигини таъкидлаганди.

“Оддий, яхши инсон. Мени яхши кўрадиган. Мендан кичкиналар. Мен учун ҳамма нарсага тайёрлар. Энг асосийси, менга ижод қилишга, қўшиқ айтишга рухсат берадилар. Улар санъат соҳасидан эмас”, — деганди хонанда.

154

“UzAuto Motors” ходимлари маошларнинг кескин қисқаришидан шикоят қилиб йиғилишди

108
(Янгиланган 10:19 07.03.2021)
“UzAuto Motors” Транспорт ташувлари бошқармаси ҳайдовчилари иш ҳақи кескин камайганидан ва ундан ушлаб қолинаётганидан шикоят қилдилар.

ТОШКЕНТ, 7 мар — Sputnik. Кеча, 6 март куни ижтимоий тармоқларда “UzAuto Motors” ходимлари компаниянинг автотураргоҳига йиғилгани ва иш ҳақининг кескин пасайиб кетгани ҳамда ундан ушлаб қолинганидан норози бўлаётганликлари акс этган видео тарқалди.

Норози бўлган ҳайдовчиларидан бири 20 минг сўм, унинг яна бир таниши 450 сўм иш ҳақи олганини айтди. Унинг сўзларига кўра, иш ҳақи масаласи 5 ой давомида ўрганилган, аммо ҳозирча ҳеч қандай натижа йўқ.

Бошқа бир ходим компания вакилларига асосланиб, “компьютер хатоси” сабаб ходимларнинг иш ҳақи 1 йил 3 ой давомида нотўғри ҳисобланганлигини таъкидлади. Етишмаётган маблағ ишчиларнинг ойликларидан қопланиши айтилаётганини қўшимча қилди.

Кейинроқ “UzAuto Motors” компанияси Транспорт ташувлари бошқармаси ҳайдовчилари Д.Раҳмонов, Ж.Султонов ва бошқа ишчиларнинг мурожаати ўрганиб чиқилганини маълум қилди.

Компания хабарида ёзилишича, айни вақтда иш ҳақидан қарздорлик мавжуд эмас.

“Жорий йилнинг февраль ойи учун иш ҳақи ўтган ойнинг 20 санасида аванс тариқасида, март ойининг 5 санасида тўлиқ тўлаб берилган. Ходимнинг иш ҳақидан унинг ёзма аризасига асосан кредит тўловлари ҳамда суд қарорига асосан мажбурий ундирув амалга оширилган”, - дейилган хабарда.

Ушбу мурожаат юзасидан шу куннинг ўзида компания масъул вакиллари ҳамда Андижон вилояти ҳокимлиги, вилоят бандликка кўмаклашиш бошқармаси ходимлари иштирокида ҳайдовчилар билан очиқ мулоқот ўтказилган

Унда компания томонидан иш ҳақини тўлиқ ҳисоблаб тўлаб берилганлиги, компания томонидан бирор-бир асоссиз ушланмалар амалга оширилмаганлиги, шунингдек ишчи-ходимларга яратилган ижтимоий ҳимоя пакети яъни, транспортда ишга келиб-кетиши, махсус кийим-бош билан таъминланиши, овқатланиши, тиббий кўриклари учун тўловлар компания ҳисобидан амалга оширилаётганлиги тушунтириб берилган.

108
Тушение пожара

Самарқанд вилоятидаги ресторанлардан бирида ёнғин юз берди

32
Бинонинг тахминан 200 кв.м. майдони ёнғиндан зарарланган. Ёнғиндан жабрланган ва қурбонлар йўқлиги айтилмоқда.

ТОШКЕНТ, 7 мар — Sputnik. Самарқанд вилояти Каттақўрғон туманидаги “Омонбой” маҳалласида жойлашган ресторанда ёнғин содир бўлди. Бу ҳақда Фавқулодда вазиятлар вазирлиги матбуот хизмати хабар қилмоқда.

Хабар қилинишича, ёнғин, бугун, 7 март куни тахминан соат 11:00 ларда содир бўлган.

ФВВ вилоят бошқармасининг ёнғин-қутқарув гуруҳи воқеа жойига етиб келган. Бирламчи маълумотларга кўра, ҳодиса оқибатида бинонинг тахминан 200 кв.м. майдони ёнғиндан зарарланган.

Қутқарувчиларнинг тезкор ҳаракатлари натижасида ёнғин қисқа вақт ичида тўлиқ бартараф этилган.

Содир бўлган ҳолатда жабрланган ва қурбонлар йўқ.

Эслатиб ўтамиз, аввалроқ Тошкент шаҳри Чилонзор туманидаги “Шовотландия” кафесига қасддан ўт қўйган шахс қўлга олингани хабар қилинган эди. Ёнғин натижасида мазкур кафеда ишлаган ва яшаган беш киши ҳалок бўлган.

32
Теглар:
ФВВ, ёнғин, Самарқанд вилояти