Футбол тўпи

Ўзбекистон жамоаси Баҳрайнни енгди

426
(Янгиланган 03:35 09.10.2015)
Ўзбекистон Баҳрайнни 4:0 ҳисобда енгиб гуруҳда 2чи ўринга чиқди.

ТОШКЕНТ, 9 окт – Sputnik. Кеча Баҳрайнда бўлиб ўтган ЖЧ-2018 сараловчи ўйинида Ўзбекистон жамоаси Баҳрайнни йирик ҳисоб билан енгди.

Бириринчи таймда жамоалар фаол харакатига қарамай, ўйин кўпроқ майдон марказида бўлиб ўтди. Иккала дарвоза яқинида ҳам бир-икки хавфли вазиятлар бўлди. Бир нарсани аниқ айтиш мумкин эдики, мезбон жамоа жуда қўпол ўйин олиб борди — 8 марта фол олди. Меҳмонни ҳам шунақа кутиб оладими…

Умуман биринчи таймда эсда қоларли ягона вазият 35 минутда бўлди. Тўп Одилда, Одил Сардорга узатди, Сардор яна Одилга, Одил Серверга, Сервер дарвозага йўллади. Лекин унинг зарбасини дарвозабон қайтарди. Тўп Бикмаев оғи остига келиб тушди, лекин унинг зарбаси бироз ноаниқ бўлди, юмшоқ қилиб айтганда…

Танаффус пайтида Бабаян янги стратегия ишлатишга қарор қилди шекилли, Ўзбекистон жамоаси иккинчи таймда бирин кетин самарали ҳужумлар ўтказа бошлади. Натижада 52 минутда Сергеев жарма тупидан кейин ҳисобни очди.Гоол! Биринчи голдан илҳомланиб кетган жамоа ҳужумни янада кучайтирди. 56 минут, тўпни Сервер Одилга узатди, тўп бирор ноқулай келиб тушган бўлсада, Одил уни тўппа-тўғри дарвозага йўлади. Гоол! 2:0. 67 минутда Сардор Рашидов тўпни дарвозанинг узоқдаги бурчагига аниқ йўллади. Дарвозабон уни тута олмади. Натижада яна бир гооол!!!  

Ўзбекистон жамоасида ўзгаришлар бўлди, майдонга Ҳасанов ва Шомуродовлар тушишди. Улар янги куч ва янги ғайрат билан ҳужумни бошлашди. 95 минутда Шомуродов Ҳасанов узатган тўпни дарвозага аниқ йўлади ва гоол! Ана энди ҳисоб 4:0, ҳақиқий ғалаба!

Шундай қилиб Ўзбекистон жамоаси ЖЧ-2018 турнири сараловчи ўйинларида ўз гуруҳида 9 очко билан иккинчи ўринга чиқди. Биринчи ўринда Шимолий Корея.

426
Вынос флага Узбекистана на футбольное поле

Ўзбекистон 2025 йилда ёшлар ўртасидаги Осиё ўйинларига мезбонлик қилади

31
Қарорга мувофиқ, Ўзбекистон Миллий олимпия қўмитаси ҳузурида “Тошкент–2025” ёзги Осиё ўйинларини ўтказиш дирекцияси ташкил этилади.

ТОШКЕНТ, 10 авг — Sputnik. “2025 йилда Ўзбекистонда ёшлар ўртасидаги IV ёзги Осиё ўйинларини ўтказишга тайёргарлик кўриш чора-тадбирлари тўғрисида”ги Ҳукумат қарори қабул қилинди.

Қарорга мувофиқ, Ўзбекистон Миллий олимпия қўмитаси ҳузурида “Тошкент–2025” ёзги Осиё ўйинларини ўтказиш дирекцияси ташкил этилади.

Осиё ўйинларини юқори савияда ташкил этиш ва ўтказиш бўйича халқаро ва республика миқёсидаги тадбирлар ҳамда унинг доирасида кўргазмалар, конференциялар, илмий-амалий анжуманлар ва бошқа тадбирларни ўтказиш Дирекциянинг асосий вазифаларидан бири этиб белгиланди.

Шунингдек қарор билан, “Тошкент–2025” ёзги Осиё ўйинларини ўтказишни ташкил этиш бўйича ташкилий қўмита таркиби ҳамда чора-тадбирлар дастури тасдиқланди.

31

Ўрунов: отам “Спартак”да ўйнашимни орзу қилар эди

132
Москванинг “Спартак” клубига ўтган ўзбекистонлик футболчи бу отасининг азалий орзуси бўлганини айтди.

ТОШКЕНТ, 6 авг — Sputnik. Куни кеча Москванинг “Спартак” клуби ўзбекистонлик футболчи Остон Ўрунов билан узоқ муддатли шартнома имзолади. Ярим ҳимоячи янги жамоасига берган биринчи интервьюсида отасининг азалий орзуси рўёбга чиққанини маълум қилди.

“Спартак” — энг совриндор ва халқ жамоаси. Отам шу клубда ўйнашимни орзу қилар эди. Шамиль Газизович мени Ўзбекистондан Уфага олиб келди, имконият берди. Энди буни “Спартак”да оқлаш керак. “Спартак”нинг мухлислари энди 35 миллионга кўпаяди”, - деди Ўрунов.

Спортчи Москванинг қизил-оқлар клуби шарафини 20-рақам остида ҳимоя қилади.

Эслатиб ўтамиз, Остон Ўрунов 2020 йил январь ойида 150 минг доллар эвазига Тошкентнинг “Локомотив” клубидан Россиянинг “Уфа” клубига ўтган эди. У клубнинг июнь ойидаги энг яхши футболчиси деб топилган.

132
Самолет Узбекских авиалиний Boeing 767 (300ER)

Ўзбекистон авиакомпанияси Қирғизистонга парвозларни тиклашни таклиф қилди

6
Қирғизистон аллақачон Туркия ва Бирлашган Араб Амирликлари билан мунтазам парвозларни қайта тиклаш борасида келишувга эришган.

ТОШКЕНТ, 10 авг — Sputnik. Ўзбекистон ва Қувайт авиакомпаниялари Қирғизистонга мунтазам авиақатновларни қайта тиклашни таклиф қилди. Бу ҳақда мамлакат Транспорт ва йўл вазирлиги ҳузуридаги Фуқаро авиацияси агентлигининг директори Курманбек Акишев маълум қилди.

“Бизга Қувайт ва Ўзбекистоннинг биттадан компанияси мунтазам рейсларни қайта тиклаш таклифи билан мурожаат қилди. Таклифлар Коронавирусга қарши кураш республика штаби томонидан кўриб чиқилмоқда”, - деди Акишев. Унинг сўзларидан Sputnik Қирғизистон нашри иқтибос келтирган.

Қирғизистон парвозларни қайта тиклаш борасида тўрт мамлакат билан музокаралар олиб борган. Натижада Туркия билан ҳафтасига еттита, БАА билан эса иккита рейсларни (15 августдан) амалга ошириш тўғрисида келишувга эришган.

Ҳозир мамлакат Россия ва Қозоғистон авиакомпаниялари билан музокаралар олиб борилмоқда.

Эслатиб ўтамиз, коронавирус пандемияси туфайли баҳорда икки мамлакат ўртасидаги мунтазам парвозлар вақтинча тўхтатиб қўйилган эди

6