Легкоатлетка Анастасия Свечникова

Анастасия Свечникова: Россия спортчилари борасида қабул қилинган қарор ноҳақ

121
(Янгиланган 20:47 22.07.2016)
Sputnik мухбири найза отиш бўйича Ўзбекистон мутлақ чемпиони, ўсмирлар орасида жаҳон чемпиони, 2010 йилда Осиё чемпиони ва Лондон ва Пекиндаги Олимпиадалар қатнашчиси Анастасия Свечникова билан суҳбатда бўлди.

ТОШКЕНТ, 22 июл — Sputnik. Россия енгил атлектика жамоасининг Риодаги Олимпиада ўйинларида қатнашмаслиги – бутун дунё спорт оламини жунбушга келтирди, жумладан Ўзбекистон спортчиларини ҳам. 

Риодаги мусобақалар Россия жамоаси иштирокисиз ҳаяжонли бўлмайди. Хусусан, дунёдаги етакчи спортчилардан бири бўлган Елена Исинбаеванинг лангар билан сакраши кимни ҳаяжонга солмайди дейсиз, дейди Анастасия Свечникова.

Йиллар давомида тер тўкиб таёргарлик кўрган ҳалол спортчилар жаҳоннинг энг асосий мусобақасидан четда қолмоқда. Бундай вазиятда Исинбаеванинг “CAS қарори Россия енгил атлетикасини гўрга тиқмоқда”, — деган сўзларини тушунса бўлади.

Настя Свечникова Риода ўз тўрмуш ўртоғи Иван Зайцев билан биргаликда Ўзбекистон шаънини ҳимоя қилишмоқда.  Иван Зайцев – найза отиш бўйича халқаро спорт устаси, Олимпиада ва Осиё ўйинлари қатнашчиси.

“Мен ва турмуш ўртоғим Россиялик дўстларимиз билан тез-тез гаплашиб турамиз. Биз Мария Абакумова, Вера Ребриклар билан яхши танишмиз. Ребрик найза отишда энг кучли. Асли Ялталик бўлгани учун, Россия бир неча қийинчиликлардан кейин эндигина уни ўз сафига қўшиб олган эди. Вера бундан жуда хурсанд эди”, — дейди спортчи.

“Менинг фикримча шахсий рекорд ўрнатишга имконият фақат кучли жамоада пайдо бўлади. Россия енгил атлетикачиларига нисбатан қабул қилинган қарор бу – ноҳақлик. Кўплаб спортчилар 2 — 4 йил дисквалификациядан кейин яна олимпиадада қатнашмоқда. Ҳалол спортчилар эса, Россиялик бўлгани учун, бундай ҳуқуқдан маҳрум қилинган?! Бу спорт эмас. Спортда сиёсат ҳам допинг ҳам бўлмаслиги керак”, — деб ҳисоблайди Анастасия Свечникова.

121
Футбольные мячи

Ўзбекистон футбол бўйича нуфузли чемпионат мезбонлигини қўлга киритди

453
Осиё футбол конфедерацияси U23 Осиё кубоги-2022 беллашувларини Ўзбекистон майдонларида бўлиб ўтишига розилик билдирди.

ТОШКЕНТ, 22 фев — Sputnik. Ўзбекистон 2022 йилги U23 Осиё кубоги мезбонлигини қўлга киритди. Бу ҳақда Ўзбекистон футбол ассоциацияси матбуот хизмати хабар қилмоқда.

ЎФА 2022 йилги U23 Осиё кубоги Ўзбекистонда қабул қилиш бўйича ОФКга сўровнома юборган эди.

Таъкидланишича, ЎФА мутахассислари мазкур чемпионатни мамлакатда ўтказиш бўйича тендер жараёнига доир зарурий ҳужжатларни ОФК вакилларига тақдим этди ва кўплаб музокараларни олиб борган.

“Натижада Осиё футбол конфедерацияси U23 Осиё кубоги-2022 беллашувларини юртимиз яшил майдонларида бўлиб ўтишига розилик билдирди”, - дейилган хабарда.

2013 йилдан буён ташкил этиб келинаётган ушбу мусобақада ҳозирга қадар Ўзбекистон, Жанубий Корея, Япония ва Ироқ U23 терма жамоалари бош совринни қўлга киритган.

453

Тошкент оғир атлетика бўйича Осиё чемпионатига мезбонлик қилади

163
(Янгиланган 12:24 21.02.2021)
Мазкур чемпионатда 31 давлатдан 300 дан ортиқ атлет иштирок этиши кутилмоқда. Мамлакат шарафини Рио олимпиадаси чемпиони Руслан Нурудинов ҳам ҳимоя қилади.

ТОШКЕНТ, 21 фев — Sputnik. Тошкент шаҳри 2021 йил 16 — 25 апрель кунлари оғир атлетика бўйича катталар ўртасида Осиё чемпионатини қабул қилади. Бу ҳақда Спорт вазирлиги матбуот хизмати хабар қилмоқда.

Пандемия сабаб юзага келган узоқ танаффусдан кейин қитъанинг энг сара атлетлари Токио Олимпиадаси йўлланмаси учун кураш олиб боришади.

Қайд этилишича, ушбу мусобақада мамлакат шарафини Рио олимпиадаси чемпиони Руслан Нурудинов ҳам ҳимоя қилади.

Мазкур чемпионатда 31 давлатдан 300 дан ортиқ атлет иштирок этиши кутилмоқда.

163

Бутина америка турмаларидаги қийноқлар ҳақида гапирди

659
(Янгиланган 18:07 27.02.2021)
Бутинанинг айтишича, уни карцерга ўтказиб, у ерда тўрт ой давомида ушлаб туришган, гарчи халқаро стандартлар бўйича карцерда 15 кундан ортиқ ушлаш мумкин бўлмаган.

ТОШКЕНТ, 27 фев — Sputnik. Америка қамоқхонасидан озод қилинган россиялик, жамоатчилик палатаси аъзоси Мария Бутина "НТВ" учун суратга олинган фильмда америка турмасида бошидан кечирганлари ҳақида сўзлади.

"Рўй берган воқеаларни холокостга қиёслаш мумкин, ахир бу миллатингиз туфайли таъқиб эди-да. Ҳозир эса россиялик ватандошларимизни ҳам худди шундай миллати ва фуқаролиги учун таъқиб қилишмоқда", - деди у.

Бутинанинг айтишича, уни карцерга ўтказиб, у ерда тўрт ой давомида ушлаб туришган, гарчи халқаро стандартлар бўйича карцерда 15 кундан ортиқ ушлаш мумкин бўлмаган.

"Тунда ҳар 15 дақиқада светни ёқишиб: "Are you окay?" (Яхшимисан?) деб сўрашади. То уларга жавоб бермагунингга қадар сени уйғотаверишади", - деди Бутина.

Бундан ташқари, Бутинани аллақандай препаратлар қабул қилишга мажбур этмоқчи бўлишган.

"Улар одамни урмайди, шунчаки руҳан қийнашади, психотроп препаратлар ичишга мажбур этишади, чунки улар таъсирида тергов қилиш осонроқ", - дейди Мария.

Бутинанинг айтишича, кунига беш маҳалдан назоратчилар унинг камерасига келиб, контрабанда борлиги гумони остида уни яланғоч қилиб ечинтиришган.

Россияликнинг сўзларига кўра, камерада деярли ҳеч қачон свет ўчирилмаган. Боз устига, назоратчилар ҳамиша баланд чийилдоқ овоз чиқишини таъминлаб берганлар.

"Яъни улар ҳамиша шу чийилдоқ овоз билан ҳам мўртлашиб қолган руҳиятингизга таъсир ўтказишади. Иродангизни тамомила синдиришади", - деб хотима қилди Бутина.

Бутина 2018 йилнинг июлида қўлга олинган ва "ноқонуний чет эл агенти бўлиш мақсадида тил бириктирув" айблови билан 18 ойга қамалган. 2019 йилнинг октябрида Бутина озодликка чиқарилган ва Россияга депорт қилинган эди.

659