Оксана Чусовитина Гиннеснинг рекордлар Китобига киритилди

© НОК УзбекистанаОксана Чусовитина
Оксана Чусовитина - Sputnik Ўзбекистон
Oбуна бўлиш
Оксана Олимпиада ўйинларида кетма-кет етти марта иштирок этган гимнастикачи сифатида Гиннеснинг рекордлар китобидан жой олди

ТОШКЕНТ, 12 дек – Sputnik. Ўзбекистонлик 41 ёшли гимнастикачи Оксана Чусовитина Гиннеснинг рекордлар Китобига киритилди. Бу ҳақда Оксана ўзининг Instagramдаги саҳифасида эълон қилган.

У ижтимоий тармоқдаги сурати остига "Энди мен расман Гиннесснинг рекордлар китобига киритилдим", деб изоҳ қолдирган.

Оксана Олимпиада ўйинларида кетма-кет етти марта (1992, 1996, 2000, 2004, 2008, 2012, 2016) иштирок этган гимнастикачи сифатида Гиннеснинг рекордлар китобидан жой олди.

Спорт гимнастикаси бўйича Ўзбекистон терма жамоаси аъзоси Оксана Чусовитина 1975 йил 19 июнда Бухоро шаҳрида таваллуд топган. 1992 йилда Барселона шаҳрида ўтказилган Олимпиада ўйинларида дастлабки олтин медални қўлга киритган. Спортчи 2006-2012 йилларда оилавий муаммолари сабаб Германияда яшашига тўғри келган ва шу йиллар давомида ўтказилган мусобоқаларда Германия терма жамоаси сафида иштирок этган. 2013 йилдан яна Ўзбекистон термаси таркибига қайтган.

Оксана Чусовитина фаолияти давомида Осиё ўйинлари чемпиони, жаҳон кубоклари соҳиби, уч карра жаҳон чемпиони, Европа чемпиони унвонига сазовор бўлган.

Янгиликлар лентаси
0