Лола Каримова-Тилляева

Лола Каримова ўзбекистонлик полвонларга зафарлар тилади

433
(Янгиланган 14:11 01.03.2017)
Навбатдаги спорт фестивалида иштирок этиб, Ватанимиз шарафини ҳимоя қилиш учун спортчиларимиз Сергей Трубицин, Хамза Примов ва Шуҳрат Алихоновлар куч экстрими, Олеся Гуреева эса масрестлинг бўйича куч синашишга тайёргарлик кўрмоқдалар

ТОШКЕНТ, 28 фев — Sputnik. Лола Каримова-Тиллаева Фейсбукдаги саҳифасида АҚШда бўлиб ўтадиган мусобақада иштирок этиш учун тайёргарлик кўраётган ўзбекистонлик полвонларга тилак билдирди. 

"2-5 март кунлари ўзбекистонлик спорчиларимиз ҳар йил АҚШнинг Огайо штатида бўлиб ўтадиган машҳур "Arnold Sports Festival" спорт мусобақасида иштирок этадилар.

АҚШнинг энг йирик спорт фестивалларидан бири саналиб, шахсан Арнольд Шварценеггер томонидан бевосита қўллаб қувватланиб келаётган мазкур беллашув дунё атлетлари орасида катта обрўга эга. "Arnold Sports" фестивалида минглаб кучли полвонлар иштирок этиб, турли хил спорт йўналишлари, асосан, куч экстрими ва бодибилдингда куч синашадилар.

Бизнинг спортчиларимиз илк маротаба ушбу мусобақаларда 2015 йилда масрестлинг бўйича иштирок этганлар. 2016 йилда эса ўзбекистонлик полвонлар "Arnold Strongman" мусобақаларида қатнашиб, ярим финал саралаш босқичига чиқишга сазовор бўлганлар.

Навбатдаги спорт фестивалида иштирок этиб, Ватанимиз шарафини ҳимоя қилиш учун спортчиларимиз Сергей Трубицин, Хамза Примов ва Шуҳрат Алихоновлар куч экстрими, Олеся Гуреева эса масрестлинг бўйича куч синашишга тайёргарлик кўрмоқдалар.

Полвонларимизга ушбу мусобақаларда муносиб иштирок этиб, совринли ўринларни қўлга киритишларини астойдил тилаб қоламан!", — деб ёзган Лола Каримова.

433
Теглар:
ўзбек полвонлари, Лола Каримова, спорт

ФИФА Ўзбекистонда VAR тизимидан фойдаланишга расман рухсат берди

66
ФИФА 2021 йилги мавсумда ЎФА ҳамда ЎзПФЛ томонидан ташкил этиладиган футбол учрашувларида VAR тизимини қўллашга рухсат берди.

ТОШКЕНТ, 2 мар — Sputnik. ФИФА Ўзбекистонда 2021 йилги мавсумдан бошлаб футбол учрашувларида VAR (Video Assistant Referee, видео ёрдамчи ҳакам) тизимидан фойдаланишга рухсат берди. Бу ҳақда ЎФА матбуот хизмати хабар қилмоқда.

Таъкидланишича, ЎФА барча тегишли ҳужжатларни ФИФА VAR платформасига юклаган. Шунингдек, ўзбекистонлик VAR тизими мутахассисларининг 2020 йилги синов ўйинларида қайд этган натижалари ФИФА томонидан инобатга олинган.

“Шу сабабли ФИФА 2021 йилги мавсумда ЎФА ҳамда ЎзПФЛ томонидан ташкил этиладиган футбол учрашувларида VAR тизимини қўллашга рухсат берди”, - дейилган хабарда.

Эслатиб ўтамиз, президент фармони билан 2021 йилги футбол мавсумидан бошлаб Суперлига жамоалари ўртасидаги учрашувларда адолат ва шаффофликни таъминлаш мақсадида VAR тизимини жорий этиш белгиланган эди.

66
Председатель Правления акционерного общества «Узбекнефтегаз» Мехриддин Абдуллаев

“Ўзбекнефтгаз” раҳбари “Бунёдкор” футбол клуби президенти этиб тайинланди

101
“Бунёдкор” футбол клуби Кузатув кенгашининг йиғилишида клубга янги президент тайинлаш масаласи кўриб чиқилди.

ТОШКЕНТ, 2 мар — Sputnik. “Ўзбекнефтгаз” АЖ бошқарув раиси Меҳриддин Абдуллаев “Бунёдкор” футбол клуби президенти этиб тайинланди. Бу ҳақда клуб матбуот хизмати хабар берди.

1 март куни бўлиб ўтган “Бунёдкор” футбол клубининг Кузатув кенгаши йиғилишида клуб моддий-техник базасини янада мустаҳкамлаш, мусобақаларда муваффақиятли иштирок этишини таъминлаш ва бошқа бир қатор ташкилий масалалар муҳокама қилинган. Бундан ташқари, клубга янги президент тайинлаш масаласи ҳам кўриб чиқилган.

“Ўзбекнефтгаз” акциядорлик жамияти бошқарув раиси Меҳриддин Раззоқович Абдуллаев расман “Бунёдкор” футбол клуби президенти этиб тайинланди”, - дейилган хабарда.

"Ўзбекнефтгаз" эндиликда жамоанинг бош ҳомийси бўлади. Илгари "Ўзтрансгаз" бўлган.

Меҳриддин Абдуллаев 1969 йил Бухоро вилояти Жондор туманида туғилган. Мутахассислиги – иқтисодчи, ҳуқуқшунос. У 2020 йил январидан "Ўзбекнефтгаз"га раҳбарлик қилиб келмоқда. Шунингдек, у Ўзбекистон  Молия вазирлиги, Бухоро вилояти ҳокимлиги, Ўзбекистон миллий банки ва Ўзбекистон Ҳисоб палатасида турли раҳбарлик лавозимларида фаолият юритган.

101

Ўзбекистон ҳаётида аёллар ҳиссаси

0
Ўзбекистон ижтимоий ва иқтисодий ҳаётида аёллар ҳиссаси йил сайин ортиб бормоқда. Бошқарув тизимида аёллар ишлаётган корхоналар улуши 26%дан ошган. 
© Sputnik

Бугунги кунда Ўзбекистонда 17 миллиондан ортиқ аёллар яшайди. Сўнгги йилларда аёллар ўртача умр давомийлиги ўсиб, ўртача 77,4 ёшни ташкил қилди. 

Айтиш жоизки, соғлиқни сақлаш ва таълим соҳалари, маошлар нисбатан паст бўлишига қарамасдан, аёлларнинг фидокорона меҳнати туфайли муваффақиятли кун кечирмоқда. Ушбу соҳаларда банд бўлган фуқароларнинг 75%дан ортиғи аёллардир. Хизмат кўрсатиш ва савдо соҳаси ходимларининг ҳам ярмидан кўпи аёллардир.  

Ўзбекистонда сўнгги йилларда яққол кўзга ташланаётган тенденциялардан бири бу - бошқарув соҳаларида аёллар сони ошиб бораётганидир. Статистик маълумотларга кўра, аёллар таъсисчи бўлган хусусий фирмалар улуши 24 %дан ва бошқарув тизимида ишлаётган корхоналар улуши 26%дан ошган. Шунингдек Олий Мажлис палаталарида ҳам аёллар улуши 24 (Сенат) ва 33(Қонунчилик палатаси) фоизни ташкил қилмоқда. 

Батафсил инфографикамизда танишинг.

0