Картондан ясалган фигура

Бу футболми ё... Миллионлар ўйини ишқибозлари порталга шикоят ёзмоқчи

1829
(Янгиланган 09:54 24.03.2017)
2018 йилги Жаҳон Чемпионатининг саралов ўйинларининг 3-босқичида Ўзбекистон терма жамоаси Сурияга 1:0 ҳисобида ютқазди

ТОШКЕНТ, 23 мар — Sputnik. Ижтимоий тармоқлар айни вақтда ушбу ўйинга ва айниқса, миллий терма жамоа ўйинчилари ҳаракатларига изоҳларга тўлиб тошган. Билдирилаётган фикрларни эътиборингизга ҳавола қиламиз.

"Анчадан бери бир нарсани уйлаб юрибман: Бизга футболни нима кераги бор? Миллиард-миллиард пул ҳавога учяпти! Майли, Олий лига қолсин, лекин эл қатори пул олсин футболчи! Зўри ана Қатарга, Китайга бориб, катта пул топаверсин! Шунча пулни бошқа фойдали томонга йўналтирилса тўғри эмасми? Шунча пулни илм билан шуғулланаётган ёш олимларга ихтироси учун берайлик! Илм аҳлининг уй-жой ва бошқа заруратини қоплашга сарфлайлик! Бизда якка кураш, бокс, кураш, самбо, теннис, оғир-енгил атлетика, теннис зўр! Аммо жамоавий спорт турлари — нол!!!", — деб фикр билдирган Абдулазиз Муборак.

"Устоз Тоҳир Малик тўғри айтганлар. Бизни футболчиларни ҳаммасини бўйнига омоч тақиб, далага ер ҳайдатиш керак!", — деган Ҳусан Жўраев.

"Худди Германия билан ўйнадингга ўзиям, шармандалар", — деб ёзган Нуробод.

Айтиш жоизки, ушбу учрашувдаги мағлубият аламини шеър қилиб тўкиб-сочганлар ҳам топилди.

"Икки бўлим тиғ устига ўтқаздинг

Бир бирингга аранг тўпни етказдинг

Охирида барибир гол ўтказдинг

Бундан ортиқ жазо борми биродар?

Ҳеч қаерда бизларга дўст хакам йўқ

Ишқибозни эшитгувчи одам йўқ

Ишқибозга голдан бошқа малхам йўқ

Ютқазишдек жафо борми биродар?

Суриялик йигилардан ниманг кам?
Сал пастга туш жуда осмон бўлсанг ҳам.
Жонинг тикиб чополмасанг ўлсанг ҳам,
Тўп тепишдан маъно борми биродар?

Мураббийни йўқот сўзи ўтмаса,
Асқаржонга қўшиб хайда кетмаса.
Сурияга агар кучинг етмаса —

Мундиалда бало борми биродар! — деб ёзган Алишер Навоий ники остидаги фойдаланувчи.

"Жамоа ўйини устидан порталга шикоят ёзиш вақти келди менимча", — деб ёзган Алишер Султонов.

"Умрим бино бўлиб биринчи бор юриб ўйнаса бўладиган тактиканинг гувоҳи бўлдим", — деб ёзган яна бир фойдаланувчи.

"Ўзбекистон термаси худди ваъдасида турмайдиган ёрга ўхшайди: на умид қилиб бўлади, на ишониб, на унутиб бўлади ва на кечиб..!" — Фахриддин Қурбонов фикри.

"Фейсбук аҳли!!! Ким 28-да ўйинга киради? Бундай ўйин билан Бунёдкор стадионида ўзбек футболининг кўмилиш маросимига ким боради…. Қачонгача умид қиламиз!? Ҳар сафар шу — пуч ёнғоқ. Баъзи одамлар "Нега Барса, Реалчи бўлиб кетаяпсанлар? Ўзимизни футболга шундай мухлислик қилмайсанми?", дейдилар. Ана жавоб! Бир хил сценарийни кўравериш ҳамманинг жонига тегаркан", — деб ёзган Шерзод Тошпўлатов.

"Менимча Бабаян хозир пресс-конференцияда Луис Энрикега ўхшаб "ҳали уялиб қоласанлар деётган бўлсая", — истеҳзо қилган яна бир фойдаланувчи.

"Бу шунчаки ҳазм қилиниб кетилаверадиган ҳолат эмас. Бугунги мағлубият учун кимдир жавоб бериши керак. Бўлмаса мухлислар ютаётган бу аламлар портлайди… Энг маъқул қарор бу камида бош мураббий хатоларини тан олиб, узр сўраб, истеъфо бериши керак. Асосий таркибдаги футболчилар эса халқдан узр сўраб, ўз жойларини яхши югура оладиган ва тўғри пас бера оладиган бошқа футболчиларга бўшатиб беришлари зарур…", — деб ёзган Физик никли фойдаланувчи.

Футбол фанатларига сабр тилаган ҳолда, миллионлар ўйини — футболга алоқаси бор раҳбарлар терма жамоа мағлубияти юзасидан сиз мухлисларга изоҳ беришларига умид қилиб қоламиз.

1829
Теглар:
мағлубият, футбол, Сурия, Ўзбекистон
Чемпион UFC в легком весе Хабиб Нурмагомедов

Нурмагомедов Гэтжи билан жангга қандай тайёргарлик кўрмоқда - фото

141
(Янгиланган 14:32 24.09.2020)
Россиялик жангчи Ҳабиб Нурмагомедов америкалик Жастин Гэтжи билан бўлажак жанг олдидан қандай машқ қилаётгани акс этган суратни намойиш қилди.

ТОШКЕНТ, 24 сен — Sputnik. Россиялик жангчи Ҳабиб Нурмагомедов америкалик жангчи Жастин Гэтжи билан бўлажак жангга қандай тайёргарлик кўраётгани акс этган суратни Instagram'даги саҳифасига жойлаштирди.

Посмотреть эту публикацию в Instagram

Публикация от Khabib Nurmagomedov (@khabib_nurmagomedov)

Янги сурат айни вақтда 318 мингдан ортиқ лайк тўплади. 

Нурмагомедов ва Гэтжи жанг 24 октябрь куни Абу-Дабида UFC-254 доирасида ўтказилади. Ғолибга UFCнинг енгил вазнда чемпионлик камари тақдим этилади.

"Тайёргарлик авжига чиқмоқда", - деб изоҳ ёзган суратга Нурмагомедов.

Нурмагомедов аралаш яккакураш йўналишидаги карьерасида 28 жанг ўтказган, уларнинг барчасида ғалаба қозонган.

Гэтжи эса 22 та жангда ғалаба қозониб, 2 та жангда мағлубият аламини тортган.

 

141

“Спартак” Twitter᾽да ўзбек тилида саҳифа очди

122
(Янгиланган 10:55 24.09.2020)
Москванинг “Спартак” футбол клуби расмий Twitter ижтимоий тармоғида ўзбек тилида саҳифа очганини маълум қилди.

ТОШКЕНТ, 24 сен — Sputnik. Москванинг “Спартак” футбол клуби Twitter ижтимоий тармоғида ўзбек тилидаги саҳифасини юрита бошлади.

“Клубимизга бўлган муҳаббат бутун дунёдаги мухлисларимизни бирлаштиради. “Спартак”нинг ўзбек тилидаги аккаунтини қабул қилиб олинг!”, - дейилади клуб хабарида.

Ўзбек тилидаги саҳифада биринчи бўлиб Остон Ўрунов чиқиш қилган. 

“Остон Ўруновдан барчага салом! “Спартак-Москва” футбол клубининг ўзбек тилидаги расмий твиттер саҳифасига хуш келибсиз!”, - дейилган хабарда.

​Эслатиб ўтамиз, ўзбекистонлик ярим ҳимоячи Остон Ўрунов август ойида расман Москванинг “Спартак” клуби ўйинчисига айланган эди. Футболчи Россия чемпионатида уч марта майдонга тушди. Мамлакат кубоги доирасидаги учрашувда эса “Родина” дарвозасига дебют голини киритди.

122

РФда таҳсил олиш учун квота: ўринлар кўпроқ бўлади, тизимнинг ўзи эса ислоҳ этилди

36
(Янгиланган 20:46 24.09.2020)
Россия университетларида қўшни давлатлар ва Болтиқбўйи давлатлари абитуриентларига бепул жойларни тақдим этиш формати ислоҳ қилиниши зарур, деб ҳисоблайди Россотрудничество раҳбари Евгений Примаков.

РФ Давлат думаси депутати Евгений Примаков шу йилнинг июн ойи охирида Россотрудничество раҳбари этиб тайинланди. У дарҳол Россия агентлиги фаолиятида катта ўзгаришларни ваъда қилди. Россотрудничествонинг янги раҳбари оғриқли мавзулардан бири сифатида Россия университетларида чет эл фуқаролари учун таълим олиш учун квоталар ажратиш тизимини белгилади.

“Квоталар сони кўпаяди - президент (РФ етакчиси Владимир Путин - таҳр.) уларнинг сони ошишини айтганди. 2023 йилга келиб квоталар сони икки баравар кўпайиши керак. Аммо Дума ва Таълим ва фан вазирлигидаги ҳамкасблар билан муҳокама қилмоқдамиз, квоталар билан боғлиқ ҳолат жуда ҳам самарали эмас”, - деди Россотрудничество раҳбари Евгений Примаков Sputnik мухбирига.

У мисол тариқасида Беларусни келтирди, республика учун университетларда кўп бюджет ўринлари ажратилган, аммо Россияга "Польша билан рақобатлашиш мушкул".

“Польшаликлар нафақат ўқишга имконият беради, балки талабалар учун стипендиялар, грантлар ажратилади. Агар биз ўсмирларга фақат келиб, ўқишни таклиф қилсак, рақобатлашиш қийин. Биз бу квоталарнинг ҳеч бўлмаганда бир қисмида гранд ва стипендиялар пайдо бўлиши учун тизимни такомиллаштиришимиз керак. Келинглар ва ўқинглар эмас, балки - мана учиш учун чипта, бу уй ёки ётоқхона учун тўлаш имконияти", - деди Примаков.

Россотрудничество Россияга келганда чет эллик талабалар, улар ўқиётган соҳада юқори малакали мутахассис бўлиб етишидан манфаатдор. Таҳсил олгандан сўнг, улар уйларига қайтиб, ўзлари учун муҳим бўлган лавозимларни эгаллайдилар, яхши иш топадилар, деб таъкидлади агентлик раҳбари. Бироқ, амалдаги тизимга биноан кўп ҳоларда бу режалар рўёбга чиқмай қолади.

"Россияга келган йигитлар, оғир аҳволга тушиб қолишади, улар дворник, такси ҳайдовчиси сифатида ишлаш учун чиқишади. Бу бюджет маблағларимиз бу йигитларнинг ўқитишга сарфланиши нуқтаи назаридан ҳам нотўғри", - деб тушунтирди Россотрудничество раҳбари.

Ҳозирча квоталарни ажратиш тизимини ислоҳ қилиш бўйича аниқ режалар йўқ, деб қўшимча қилди, “режалар - аниқ ёки равшанроқ тузилган”, муаммо фақат муҳокама қилинмоқда. Бироқ, ислоҳотсиз иложиси йўқ, деб ишонади Евгений Примаков.

2020 йил бошида Давлат Думасида хорижлик талабалар учун квоталарни 15 мингдан 30 минггача бюджет жойларини ошириш масаласи кенг муҳокама қилинганди. Ўшанда Думанинг МДҲ ишлари, Евроосиё интеграцияси ва ватандошлар билан алоқалар қўмитаси раиси Леонид Калашников 15 минг Россиянинг халқаро роли ва гуманитар кучига мос эмас, деб айтди. Шунингдек, у Польша ва Руминияни мисол сифатида кўрсатди, Польша Беларусь фуқаролари учун 10 минг бюджет жойини ажратади, Руминия эса ҳар йили Молдованинг 5 минг фуқаросини бепул ўқитади. Шу билан бирга, Россияда ўқиш учун чет элликларнинг мурожаатлари сони 100 мингга яқинлашди. Натижада, Таълим ва фан вазирлиги чет эллик талабалар учун квоталар сонини 30 минг кишига этказишни режалаштирмоқда. Шу вақтда Россияда ўқиш учун чет элликларнинг мурожаатларининг сони 100 мингга яқинлашди. Натижада Таълим ва фан вазирлиги квоталар сонини 30 минг кишига етказиш режалаштирмоқда.

36