Чемпионат Азии по борьбе во Дворце спорта в Бишкеке

Ўзбекистон курашчилари Бишкекда 15та медал ютиб олишди

407
(Янгиланган 17:35 05.03.2018)
27 февралдан 4 мартгача бўлган мусобақаларда 20 дан ортиқ мамлакат спортчилари иштирок этишди.

ТОШКЕНТ, 5 мар — Sputnik. Ўзбекистон терма жамоаси Қирғизистонда бўлибт ўтган спорт кураши бўйича Осиё чемпионатида 15 медал соҳиби бўлди.

Турнирнинг 6 кунида 30 комплект медаллар ўз эгаларини топди. Эркин кураш ва Юнон-рум курашлари бўйича ўтказилган мусобақаларда эркак ва аёл спортчилар иштирок этишди, деб хабар қилмоқда Подробно.уз.

 

Мусобақа якунларига кўра, эркин кураш бўйича Ўзбекистон терма жамоаси 7та медал олиб, жамоалар орасида биринчиликни қўлга киритди. Олтин медал — Ихтиёр Наврузов (70 кг), Магомед Ибрагимов (97 кг) ва Давит Модзманашвили (125 кг)ларга насиб қилди. Кумуш медал — Махмуд Шавкатов (57 кг), Аббос Рахмонов (61 кг), Тимур Усмонохунов (65 кг) ва Азиз Солиев (92 кг).

Шу билан бир вақтда Юнон-рум кураши бўйича ҳам Ўзбекистон жамоаси 7та медални қўлга киритди ва жамоалар орасида учини ўринни эгаллади. 63кг вазн тоифасида Элмурад Тасмурадов ушбу спорт туридан Ўзбекистон учун ягона бўлган олтин медални олиб келди. Бу Элмуроднинг қитъа чемпионатларида эришган 4-ғалабаси бўлди.

 

407
Футбол

“Бунёдкор” клуби футболчиси коронавирус юқтириб олганликда гумон қилинмоқда

170
“Бухоро” — “Бунёдкор” учрашуви номаълум муддатга қолдирилди. “Бунёдкор” клуби футболчиларидан бири вирус юқтириб олганликда гумон қилинмоқда.

ТОШКЕНТ, 12 июл — Sputnik. Coca-Cola Суперлига 9-туридан ўрин олган “Бухоро” — “Бунёдкор” учрашуви номаълум муддатга қолдирилди. Бу ҳақда Профессионал футбол Лигаси (ПФЛ) расмий сайти хабар қилмоқда.

“Бунёдкор” клуби футболчиларидан бири вирус юқтириб олганликда гумон қилинмоқда. Шундан келиб чиқиб, футболчи алоҳида изоляцияга олинган”, - дейилган хабарда.

Қайд этилишича, “Бунёдкор” базаси дезинфекция қилинади ва жамоа аъзолари текширувдан ўтади. Ҳаммаси жойида бўлган тақдирда, футболчилар шифокорлар назорати остида машғулотларни давом эттиришга рухсат этилади.

Шунингдек, “Бунёдкор” билан 7 июль куни баҳс олиб борган “Навбаҳор” футболчилари ҳам текширувдан ўтказилади. Таъкидланишича, ҳозирда “Навбаҳор”нинг барча футболчилари ўзини яхши ҳис қилмоқда.

“Бухоро” — “Бунёдкор” учрашуви 14 июль куни бўлиб ўтиши режалаштирилган эди.

Ўзбекистонда коронавирус билан боғлиқ 12 855 та ҳолат аниқланган. Шулардан 7723 нафари тузалиб кетган. Вирус қурбонлари сони 59 нафарга етган.

170
Теглар:
коронавирус, футбол

"Ростов" Шомуродовни сотишдан бош тортди 

243
(Янгиланган 10:25 10.07.2020)
Бельгиянинг "Гент" клуби Шомуродов учун 5 млн евро таклиф қилган эди. "Ростов" - йўқ деб жавоб қайтарди.

ТОШКЕНТ, 10 июл - Sputnik. "Ростов" футбол клуби Элдор Шомуродовни Бельгиянинг "Гент" клубига сотишдан бош тортди, деб хабар қилмоқда Россия ОАВЛари.  

Маълум бўлишича "Гент" Шомуродов учун 5 млн. Евро таклиф қилган. 2 млн бошидан ва яна 1,5 миллиондан 2 йил давомида тўлаш шарти билан. Ростов футбол клуби ушбу таклифга - "йўқ" деб жавоб берган. 

Эслатиб ўтамиз, Ўзбекистоннинг "Бунёдкор" жамоасида тўп сурган Элдор Шомуродовни "Ростов" 2017 йилда 300 минг еврога сотиб  олган эди. Шомуродовнинг Россия клуби билан шартномаси 2024 йилга қадар мўлжалланган. 

Ушбу мавсумда Шомуродов Россиянинг энг яхши ҳужумчиларидан бирига айланди. Ростов жамоаси учун ўтказган 25 матчида 11 та гол урди ва 6та натижали узатма амалга оширди. 

Маълумот учун, интервьюларда Шомуродовнинг ўзи бир неча бор Европа жамоаларида тўп суришни орзу қилишини хабар қилган эди. 

243
Клиент Сбербанка вносит наличные деньги в банкомат

Россияда рублни деноминация қилиш таклиф қилинди

56
(Янгиланган 12:40 13.07.2020)
Жаҳон ва Россия иқтисодиётдаги трендлар ҳақида таҳлилий маълумотлар тайёрлайдиган “Алпари” маркази Россия валютасини деноминация қилиш таклиф қилди.

ТОШКЕНТ, 10 июл — Sputnik. "Алпари" ахборот-таҳлил марказининг раҳбари Александр Разуваев Россия валютасини юз баравар деноминация қилиш таклиф қилди. РИА Новости хабарига асосан.

Аввалроқ, Россия Марказий банки муомаладаги нақд пул миқдори рекорд даражага - 12,42 трлн рублга етганини маълум қилганди. Регуляторнинг маълум қилишича, сўнгги бир ой ичида бу миқдор 3,5 фоизга ошган.

Разуваевнинг сўзларига кўра, деноминация копейкани муомалага қайтаришга имкон беради, долларнинг курси эса 70 копейка ташкил қилади. Экспертнинг фикрича, бу Россия валютасига ишончни мустаҳкамлашга ёрдам беради.

У муомаладаги пул массасининг кўпайишини баъзи россияликлар норасмий шаклда иш ҳақи олиши билан изоҳлади.

Эксперт фикри

Россия Фанлар академияси Иқтисодиёт институти директори Руслан Гринберг, Разуваевнинг таклифига қарши чиқди. Унинг фикрича, деноминация ваҳима қўзғаши мумкин, чунки бундай чоралар кўпинча валютанинг кескин қадрсизланиши шароитида амалга оширилади.

Эслатиб ўтамиз, Россияда охирги марта деноминация 1998 йилда 1000:1 коэффиценти билан ўтказилганди. Ўша вақтда пул бирлиги қуйидаги нисбатда ўзгарди: 500 рубл - 50 копейка; 1000 рубл - 1 рубл; 5000 рубл - 5 рубл; 10000 рубл - 10 рубл; 50 000 рубл - 50 рубл; 100 000 рубл - 100 рубл; 500 000 рубл - 500 рубл.

Деноминациядан сўнг 2001 йилда 1000 рубл банкнота муомалага киритилди, 2006 йилда эса 5000 рубл киритилди, у айни вақтда мамлакатда энг йирик банкнота ҳисобланади.

56