Рустам Эмомали в ходе рабочей поездки в Ташкент предложил развивать футбол вместе

Эмомали Раҳмоннинг ўғли Тошкентда таклиф билан чиқди

1068
(Янгиланган 14:52 04.12.2019)
Душанбе шаҳри раиси Рустам Эмомали Тошкентга ташрифи давомида ўзбекистонлик ҳакам Равшан Эрматов билан учрашди.

ТОШКЕНТ, 4 дек — Sputnik. Душанбе шаҳри раиси Рустам Эмомали Тошкентга ташрифи давомида биргаликда футболни ривожлантиришни таклиф қилди.

Пойтахт ҳокимлиги матбуот хизмати хабарига кўра, Рустам Эмомали ташрифининг иккинчи куни Тошкентдаги Миллий стадионга борган.

Делегация аъзолари стадиондаги шароитларни кўздан кечириш давомида футболчилар ва томошабинлар учун яратилган қулайликлар билан танишишди.

Рустам Эмомали стадиондаги "Футбол тарихи" музейида бўлиб, ўзбекистонлик ҳакам Равшан Эрматов билан учрашган.

Равшан Эрматов подарил Рустаму Эмомали свои карточки
© Пресс-служба хокимията г. Ташкент.
Равшан Эрматов Рустам Эмомалига ўз карточкаларини совға қилди

Самимий руҳда ўтган суҳбат жараёнидан унга 7- рақамли футболка ва Равшан Эрматовнинг дастхати туширилган сариқ ва қизил карточкалар совға қилинган.

“Ўзаро мулоқот давомида Рустами Эмомали Осиё давлатлари орасида футболни янада ривожлантириш, Марказий Осиё футбол жамоалари ўртасида мусобақалар ташкил этиш фикрини билдирди”, - дейилади хабарда.

Шунингдек, тожикистонлик делегация аъзолари Учтепа туманидаги “Манзарали боғдорчилик ва гулчилик” МЧЖга қарашли бўлган Иссиқхона мажмуаси билан ҳам танишган.

Хабарда жорий йилда 500 мингдан зиёд гуллар Тожикистонга етказиб берилгани ва бу ўсимликлар бугунги кунда Душанбе шаҳрини безаб тургани қўшимча қилинган.

Рустам Эмомали 2019 йилнинг апрель ойидан буён Марказий Осиё Футбол ассоциациясининг президенти ҳисобланади.

1068
Теглар:
Равшан Эрматов, Рустам Эмомали, Тошкент, Душанбе, футбол
Мавзу бўйича
Рустам Эмомалига Tashkent City᾽ни кўрсатишди
Мирзиёев Рустам Эмомалини қабул қилди
Тошкент ва Душанбе муносабатларни янада ривожлантиради
Чемпион UFC в легком весе Хабиб Нурмагомедов

Нурмагомедов Гэтжи билан жангга қандай тайёргарлик кўрмоқда - фото

223
(Янгиланган 14:32 24.09.2020)
Россиялик жангчи Ҳабиб Нурмагомедов америкалик Жастин Гэтжи билан бўлажак жанг олдидан қандай машқ қилаётгани акс этган суратни намойиш қилди.

ТОШКЕНТ, 24 сен — Sputnik. Россиялик жангчи Ҳабиб Нурмагомедов америкалик жангчи Жастин Гэтжи билан бўлажак жангга қандай тайёргарлик кўраётгани акс этган суратни Instagram'даги саҳифасига жойлаштирди.

Посмотреть эту публикацию в Instagram

Публикация от Khabib Nurmagomedov (@khabib_nurmagomedov)

Янги сурат айни вақтда 318 мингдан ортиқ лайк тўплади. 

Нурмагомедов ва Гэтжи жанг 24 октябрь куни Абу-Дабида UFC-254 доирасида ўтказилади. Ғолибга UFCнинг енгил вазнда чемпионлик камари тақдим этилади.

"Тайёргарлик авжига чиқмоқда", - деб изоҳ ёзган суратга Нурмагомедов.

Нурмагомедов аралаш яккакураш йўналишидаги карьерасида 28 жанг ўтказган, уларнинг барчасида ғалаба қозонган.

Гэтжи эса 22 та жангда ғалаба қозониб, 2 та жангда мағлубият аламини тортган.

 

223

“Спартак” Twitter᾽да ўзбек тилида саҳифа очди

128
(Янгиланган 10:55 24.09.2020)
Москванинг “Спартак” футбол клуби расмий Twitter ижтимоий тармоғида ўзбек тилида саҳифа очганини маълум қилди.

ТОШКЕНТ, 24 сен — Sputnik. Москванинг “Спартак” футбол клуби Twitter ижтимоий тармоғида ўзбек тилидаги саҳифасини юрита бошлади.

“Клубимизга бўлган муҳаббат бутун дунёдаги мухлисларимизни бирлаштиради. “Спартак”нинг ўзбек тилидаги аккаунтини қабул қилиб олинг!”, - дейилади клуб хабарида.

Ўзбек тилидаги саҳифада биринчи бўлиб Остон Ўрунов чиқиш қилган. 

“Остон Ўруновдан барчага салом! “Спартак-Москва” футбол клубининг ўзбек тилидаги расмий твиттер саҳифасига хуш келибсиз!”, - дейилган хабарда.

​Эслатиб ўтамиз, ўзбекистонлик ярим ҳимоячи Остон Ўрунов август ойида расман Москванинг “Спартак” клуби ўйинчисига айланган эди. Футболчи Россия чемпионатида уч марта майдонга тушди. Мамлакат кубоги доирасидаги учрашувда эса “Родина” дарвозасига дебют голини киритди.

128

Ҳокимларни халқ сайлаши керак - президент

5
(Янгиланган 10:37 25.09.2020)
Тадбиркорлик ривожланиши қониқарсиз деб топилган туманларга истаган киши раҳбарликка даъво қилиши мумкин. Бунинг учун у ҳудудни ривожлантириш дастурини маҳаллий кенгашларда ҳимоя қилиб, халқ вакилларини ишонтириши керак.

ТОШКЕНТ, 25 сен - Sputnik. Президент Шавкат Мирзиёев ҳузурида 24 сентябр куни бўлиб ўтган йиғилишда Республика туман ва шаҳарларидаги тадбиркорлик муҳити муҳокама қилинди.

Хусусан, Ўзбекистонда илк бор туман ва шаҳарлардаги иқтисодий кўрсаткичлар, тадбиркорликни қўллаб-қувватлаш муҳити, инфратузилма ва мавжуд ресурслардан фойдаланиш даражаси ўрганилди. Таҳлиллар асосида ҳар бир туманга тадбиркорлик ривожи ҳолати “яхши”, “ўрта” ва “қониқарсиз” деб бҳо берилди. Якуний ҳисоботга кўра, 48 та туманда ва шаҳарда тадбиркорлик ҳолати “яхши”, 119 тасида - “ўрта” ҳамда 33 тасида - “қониқарсиз”, деб баҳоланди.

Тадбиркорлик кўрсаткичлари бўйича энг салбий натижа Нукус, Балиқчи, Бекобод, Ховос, Бахмал, Мирзачўл, Янгиқўрғон, Шовот, Касби, Қумқўрғон, Учтепа каби туманларда аниқланган.

Президент ушбу туманлар раҳбарларини кескин танқид қилиб, келажакда туман ҳокимларини халқ сайлаши тартиби жорий этилишини айтиб ўтди. 

"Одамларимиз турмушини яхшилашга ҳаракат қилмаган раҳбар бир кун ҳам ишламайди <...> Ҳокимларни халқ сайлаши керак. Шу кунларга барибир келамиз, – дея таъкидлади Президент.

“Қониқарсиз” ҳамда “ўрта” деб баҳоланган туман ва шаҳарларда инқирозга қарши бошқарув тизими жорий этилиши белгиланди. Яъни, уларга раҳбарлик қилиш истагини билдирган ҳар қандай талабгор ҳудудни ривожлантириш дастурини маҳаллий кенгашларда ҳимоя қилиши мумкин. Халқ вакилларини ишонтира олган салоҳиятли кишилар бутун жамоаси билан туманга раҳбар этиб тайинланади.

Ушбу туманларда муҳандислик коммуникацияларини яхшилаб, кичик саноат зонаси ташкил этиш, яйловларда чорвачилик, қоракўлчилик, йилқичиликни ривожлантириш, чегараолди савдо ва хизматларни кенгайтириш бўйича топшириқлар берилди.  

Яхши кўрсаткичларга эришган туман ва шаҳар ҳокимлари ҳамда уларнинг ўринбосарлари маошига 30 % устама тайинланиб, аҳвол қониқарсиз бўлган ҳудудлар раҳбарларига жарима қўлланиши айтиб ўтилди.

 

5