Матч третьего тура группового этапа ЧА по футболу U-23 между Узбекистаном и Южной Кореей

Ўзбекистон Жанубий Кореяга ютқазди, бироқ чорак финал йўлланмасини қўлга киритди

678
(Янгиланган 17:36 15.01.2020)
Ўзбекистон футбол бўйича U-23 Осиё чемпионатидаги чорак финал йўлланмаси учун Жанубий Кореяга қарши кураш олиб борди.

ТОШКЕНТ, 15 янв — Sputnik. Таиландда ўтаётган футбол бўйича U-23 Осиё чемпионатида 3-тур учрашувлари бўлиб ўтди. Ўзбекистон Олимпия терма жамоаси чорак финал йўлланмаси учун Жанубий Кореяга қарши кураш олиб борди.

Ўйиннинг 5-дақиқасида рақиб ўйинчиси Жеонг Сеунгвон учрашувда ҳисобни очишга эришди. Қизғин кечган баҳснинг 21-дақиқасида қанотдан узатиб берилган тўпни Бобир Абдухолиқов рақиб дарвозасига жойлаб қўйди ва ҳисоб тенглашди.

Иккинчи бўлимда Ох Сехун ўзбектисонликлар дарвозасини ишғол қилиб, жамоасини ҳисобда олдинга олиб чиқди. Шу тариқа ўйин рақибларнинг фойдасига ҳал бўлди.

Жанубий Корея термаси 9 очко билан “С” гуруҳини биринчи ўринда якунлади. Ўзбекистонликлар эса 4 очко билан иккинчи ўринни эгаллаб, чорак финал иштирокчисига айланишди. Мусобақада Эрон терма жамоаси ҳам 4 очко жамғаришга муваффақ бўлди. Тўплар нисбати борасидаги устунлик Ўзбекистон жамоасига фойда берди. Шу тариқа Хитой ва Эрон термалари мусобақани шу нуқтада якунлашди.

Турнирная таблица группы С на молодежном чемпионате Азии по футболу
© Ассоциация футбола Узбекистана.
Турнирная таблица группы С на молодежном чемпионате Азии по футболу
678
“Пахтакор” вышел в четвертьфинал Лиги чемпионов Азии

“Пахтакор” Осиё Чемпионлар Лигаси чорак финалига йўл олди

125
Эроннинг энг номдор клубини таслим этган “Пахтакор” футболчилари 11 йиллик танаффусдан кейин Чемпионлар Лигаси чорак финалида ўйнайдиган бўлишди.

ТОШКЕНТ, 27 сен — Sputnik. Тошкентнинг “Пахтакор” клуби Осиё Чемпионлар лигасида ўз юришини давом эттирмоқда. Қатарда бўлиб ўтаётган турнирнинг нимчорак финалида “шерлар” Эроннинг энг номдор клуби “Истиқлол”ни 2:1 ҳисобда таслим этди.

Тошкентликлар учрашувни жуда фаоллик билан бошлаган бўлсаларда, баҳсда ҳисобни очиш эронликларга насиб этди. Биринчи бўлимнинг 32-дақиқасида тажрибали Али Карими ўз ҳисобига гол ёздириб қўйиб, “Истиқлол”ни олдинга олиб чиқди.

Ушбу голдан сўнг “Пахтакор” футболчилари олдинга ташланишди ва бўлим якуни арафасида мувозанатни тиклашди. 43-дақиқада қанот ҳимоячиси Ҳожиакбар Алижонов томонидан жарима майдончасига ҳаводан узатилган тўпни Драган Черан боши рақиб дарвозасига аниқ йўллади.

Иккинчи бўлим бошида Эрен Дердийок Тошкент клубининг тезкор ҳужумини гол билан якунлади. Қолган вақтда “Пахтакор” теҳронликларга имконият қолдирмади ва ҳисоб ўйин якунига қадар сақланиб қолди.

Шу тариқа “Пахтакор” футболчилари 11 йиллик танаффусдан кейин Чемпионлар Лигаси чорак финалида ўйнайдиган бўлишди. Бунгача жамоа 2003, 2004 ва 2009 йилларда мусобақанинг чорак финалида ўйнаганди. 

“Шерлар” 28 сентябрь куни қуръа натижасига кўра ўз рақибини билиб олади.

125
Чемпион UFC в легком весе Хабиб Нурмагомедов

Нурмагомедов Гэтжи билан жангга қандай тайёргарлик кўрмоқда - фото

251
(Янгиланган 14:32 24.09.2020)
Россиялик жангчи Ҳабиб Нурмагомедов америкалик Жастин Гэтжи билан бўлажак жанг олдидан қандай машқ қилаётгани акс этган суратни намойиш қилди.

ТОШКЕНТ, 24 сен — Sputnik. Россиялик жангчи Ҳабиб Нурмагомедов америкалик жангчи Жастин Гэтжи билан бўлажак жангга қандай тайёргарлик кўраётгани акс этган суратни Instagram'даги саҳифасига жойлаштирди.

Посмотреть эту публикацию в Instagram

Публикация от Khabib Nurmagomedov (@khabib_nurmagomedov)

Янги сурат айни вақтда 318 мингдан ортиқ лайк тўплади. 

Нурмагомедов ва Гэтжи жанг 24 октябрь куни Абу-Дабида UFC-254 доирасида ўтказилади. Ғолибга UFCнинг енгил вазнда чемпионлик камари тақдим этилади.

"Тайёргарлик авжига чиқмоқда", - деб изоҳ ёзган суратга Нурмагомедов.

Нурмагомедов аралаш яккакураш йўналишидаги карьерасида 28 жанг ўтказган, уларнинг барчасида ғалаба қозонган.

Гэтжи эса 22 та жангда ғалаба қозониб, 2 та жангда мағлубият аламини тортган.

 

251

Ўзбекистон нуфузли IDUAI форумига таклиф этилди

12
28-29 сентябрь кунлари Халқаро ахборотдан умумий фойдаланиш кунини нишонлашга бағишланган юқори даражали онлайн муҳокама бўлиб ўтади.

ТОШКЕНТ, 27 сен — Sputnik. 28-29 сентябрь кунлари Халқаро ахборотдан умумий фойдаланиш куни (The International Day for Universal Access to Information, IDUAI) ни нишонлашга бағишланган юқори даражали онлайн муҳокама бўлиб ўтади. Бу ҳақда Туризмни ривожлантириш қўмитаси матбуот хизмати хабар қилмоқда.

“Жонни омон сақлаб, ишончни мустаҳкамлаб, умид бағишлаб ахборот олиш” мавзуидаги онлайн муҳокамада ЮНЕСКО бош директори Одри Азуле, Ўзбекистон бош вазир ўринбосари, ЮНЕСКО ишлари бўйича миллий комиссия раиси Азиз Абдуҳакимов ва бошқалар иштирок этади.

Тадбир Жаҳон соғлиқни сақлаш ташкилоти, Халқаро архивлар кенгаши, БМТ Тараққиёт дастури, “Twitter” ижтимоий тармоғи, “Очиқ ҳукумат” ҳамкорлиги ташаббуси, “Transparency International” илмий-ишлаб чиқариш бирлашмаси каби етакчи ташкилот ва тузилмаларнинг раҳбарияти иштирокида ўтказилмоқда. 

“Шу ўринда Ўзбекистон бу каби нуфузли форумга таклиф қилинган ягона мамлакат эканини таъкидлаш муҳим. Бу Ўзбекистон президенти Шавкат Мирзиёев томонидан шаффофлик ва эркин фикрлиликни таъминлаш йўлида олиб борилаётган сиёсат натижасида  мамлакатимизда рўй берган ўзгаришлар эътирофдир”, - дейилган хабарда.

12