ТОШКЕНТ, 21 янв – Sputnik. Ўзбекистонлик ММА жангчиси Маҳмуд Муродов яқинда ота бўлади. Спортчи бу ҳақда журналистлардан бири билан бўлиб ўтган эксклюзив суҳбатда маълум қилган.
Спортчи интервью давомида шахсий саволларга очиқ жавоб берган ва чехиялик рафиқаси ҳақида самимий фикрлар билдирган.
“Унинг менталитети менга ёқади, тез орада у билан фарзанд кутяпмиз”- дейди Муродов.
Маҳмуд Муродов Чехияда модел Моника Багарова билан бирга истиқомат қилади.
Боксчига кўра туғилажак фарзандга ҳозирдан исм танланган. Унга спортчининг онаси шарафига Румия дея исм қўйилади.
