Президент Муроджон Аҳмадалиевга Tracker ва уч хонали уй совға қилди - фото
Президент Муроджон Аҳмадалиевга Tracker ва уч хонали уй совға қилди - фото
Sputnik Ўзбекистон
IBF ва WBA чемпиони бўлган Муроджон Аҳмадалиев Ўзбекистонда тантанали кутиб олинди. Боксчига президент совғаси сифатида “Tracker” автомобили ҳамда Тошкент... 03.02.2020, Sputnik Ўзбекистон
IBF ва WBA чемпиони бўлган Муроджон Аҳмадалиев Ўзбекистонда тантанали кутиб олинди. Боксчига президент совғаси сифатида “Tracker” автомобили ҳамда Тошкент шаҳридан уч хонали уй тақдим этилди.
ТОШКЕНТ, 3 фев — Sputnik. IBF ва WBA чемпиони бўлган Муроджон Аҳмадалиев 3 февраль куни Ўзбекистонга қайтиб келди. Чемпион Ислом Каримов номидаги Тошкент халқаро аэропортида тантанали равишда кутиб олинди, деб хабар қилди Sputnik мухбири.
Встреча боксера Муроджона Ахмадалиева в аэропорту Ташкента
Олимпия шон-шуҳрати музейида спортчини эришган ғалабаси учун тақдирлаш маросими ўтказилди.
Ўзбекистон чемпионига республика бош вазири Абдулла Ариповнинг шахсан ўзи медални топширди. У спортчининг ота-онасига улғайтирган ўғли учун миннатдорчилик билдирди ва бу ғалаба бутун Ўзбекистон учун муҳимлигини таъкидлади.
IBF ва WBA чемпиони бўлган Муроджон Аҳмадалиев Ўзбекистонда тантанали кутиб олинди
Аҳмадалиев ёшларга ўрнак бўлаётганидан хурсандлигини ва мухлисларни хурсанд қилишда ҳамда уларнинг ишончини оқлашда давом этишга ваъда берди. Боксчи бу билан чегараланиб қолмоқчи эмас. Унинг сўзларига кўра, у Ўзбекистонга келтириши керак бўлган яна иккита камар бор.
Эслатиб ўтамиз, аввалроқ Ўзбекистон президенти мамлакат бокс спорти тарихида илк маротаба WBA ва IBF йўналишларида ғалаба қозонган Муроджон Аҳмадалиевни “Ўзбекистон ифтихори” унвони билан тақдирлагани хабар қилинган эди.
