Футбол. ЧМ-2018. Матч Аргентина - Исландия

"Оғир синов". Мутахассис Мессининг "Барселона"дан кетиш қарорини изоҳлади

343
"Барcелона" ҳужумчиси Лионель Месси жамоа раҳбариятига ушбу ёзги трансфер ойнасида жамоани тарк этиш истагини расман маълум қилди.

Футбол бўйича мутахассис Андрей Малосолов Sputnik радиоси эфирида бу қарорга изоҳ берди.

ESPN Futbol Club Argentina нашри ижтимоий тармоқларда "Барселона" етакчиси Лионель Месси жамоа раҳбариятига Каталония клубини тарк этишини сўраган факсини жойлаштирди.

Унинг "Барселона" билан шартномаси яна бир йил амал қилади, аммо аргентиналик ҳужумчи шартномани бекор қилишга имкон берадиган бандидан фойдаланмоқчи.

"Мен Лионель Андрес Месси Куччиттини, шартноманинг менга бу ҳуқуқни берадиган 24-чи бандига асосан, ҳурматли клуб билан тузилган меҳнат шартномасини бекор қилиш тўғрисида аризамни юбормоқдаман", - дейилади мактубда.

Месси яратилган шарт-шароитлар учун "Барселона"га миннатдорчилик билдирди ва "қийин қарор шахсий сабаблар билан боғлиқлигини" таъкидлади.

"Барселона" Чемпионлар лигаси чорак финалида "Бавария"дан 2: 8 ҳисобида мағлубиятга учради. Шундан сўнг, ОАВларида Каталония клубининг сўнгги йиллардаги рамзи бошқа клубда фаолиятини давом эттиришни режалаштираётгани ҳақида миш-мишлар пайдо бўла бошлади. "Барcелона" раҳбарияти футболчини текинга қўйиб юбориш нияти йўқ. Таъкидланганишича, клуб Месси билан 700 миллион евро эвазига хайрлашади.

Аргентиналик юлдузга асосий давогарлар орасида "Манчестер Сити", "Манчестер Юнайтед" ва "ПСЖ" бор.

Футбол бўйича мутахассис Андрей Малосолов Sputnik радиоси эфирида Мессининг қарорини изоҳлаб берди.

"Бу қарорга, кўринишидан, "Барселона"га яқинда зарба берган анча кучли инқироз сабаб бўлган. Ушбу инқирознинг чўққиси, жамоа саккизта гол ўтказиб юборган даҳшатли мағлубият бўлди. Ушбу фонда, биламизки, тренерлар штабида ҳам, жамоа кадрлар таркибида ҳам ўзгаришлар бўлди. Бир қарашда Мессининг қарори ҳиссиётлига ўхшайди, у бу жамоада кўп йиллар давомида ўйнаб келган. Аммо афтидан, у ўзининг асосий рақиби йўлидан юришга қарор қилди. Криштиану Роналду ҳам машҳурлигининг энг юқори чўққисида бўлганида, шунингдек, турли жамоаларга ўтган, ва ҳозир ҳам янги клуб изламоқда", - деди Андрей Малосолов.

Унинг фикрига кўра, Мессининг қарори мантиқан тўғри.

"Месси билан боғлиқ вазиятда ҳаммаси мантиқан тўғри. Эҳтимол, футболда бир жойда қолиб кетиш жуда қийин синов. Маълум бир ўзгаришлар, ўйинчилик фаолиятидаги ўзгаришлар, солиқ ва даромадлар қайдномасидаги ўзгаришлар ҳам бўлиши керак. Уни фикрини ўзгартиришга ишонтира олишадими-йўқми, буни айтиш қийин. Ўйлайманки, бу ерда асосий омил бу иш ҳақи, шунингдек бошқа клубларнинг жиддий таклифидир", - деди футбол мутахассиси.

343
Элдор Шомуродов

“Шомуродов қани?” - ўзбекистонлик легионер "Женоа"да кўринмай қолди

895
(Янгиланган 18:37 12.11.2020)
Октябрь ойининг бошида Италиянинг “Женоа” футбол клуби “Ростов” жамоасида тўп сураётган Ўзбекистон терма жамоаси ҳужумчиси Элдор Шомуродовнинг трансфери ҳақида эълон қилган эди. Sputnik мухбири Элдор янги жамоада дебюти қандай ўтгани билан қизиқди.

ТОШКЕНТ, 12 ноя — Sputnik, Дмитрий Матвеев. Европа футболининг А Сериясида дебют қилганига қадар Элдор Шомуродов Италия матбуотида мақтовларга сазовор бўлган эди. Бир қатор нашрлар уни Шарқдан келган “янги Пёнтек” ва ҳато “ўзбек Месси”си деб атаган эди. (Кшиштоф Пёнтек - Женоада 2018 йилда тўп сурган польшалик футболчи)  

Нуфузли "La Gazzetta dello Sport" нашри октябрь ўрталарида Элдор ҳақида катта мақола чоп этган эди. Унда Элдорнинг биографиясидан ташқари 2001-2014 йилларда Италиянинг "Ювентус", "Реджину", "Кротоне", "Женоа", "Торино" ва бошқа жамоаларида тўп сурган биринчи ўзбек футболчиси Ильяс Зейтуллаев ҳам эсга олинган эди.

Элдор Шомуродов
Элдор Шомуродов

Мақолада айтилишига кўра, Ўзебкистон терма жамоасининг ўз Буффон ва Мессилари бор. Хусусан, журналист Нестеровни Буффонга ва Элдорни Мессига тенглаштирган.

Мақолада айтилишига кўра, Элдор “Бунёдкор” клубига Ривальдо келган вақтларида футболни севиб қолган. Ўшанда афсонавий бразилиялик футболчи Элдорнинг қўлини сиққан эди. Шундан сўнг жамоадошлари ҳазиллашиб унга  узоқ вақт қўлини ювмай юришни маслаҳат беришганини эсга олган.

Ўзбекистонлик легионер "Женоа" жамоасида 19 октябрда дебют матч ўтказган эди. “Верона”га қарши бўлиб ўтган ўйин 0:0 ҳисобида дуранг натижа билан тугади. Элдор ушбу ўзинда ўзини яхши томондан намойиш қила олмади. 63 дақиқада унинг ўрнига ёш ҳужумчи Джанлука Скамачча чиқди.

Ўйин натижаларига кўра "La Gazzetta dello Sport" Шомуродовга энг паст баҳо қўйди— 5,0. Унинг ўрнига чиққан ҳужумчи эса 6,5 балл олган.

​Италия нашрлари ўзбекистонлик футболчининг суст дебютини янги шароитларга мослашиш билан боғлади. “У жуда кўп меҳнат қилди, лекин кўпроқ ўзига ишонди ва кўп хато қилди” – деган хулосага келган у ерлик журналистлар. "Женоа" жамоасининг доимий мухлисларидан бири ўз Твиттерида Элдор янги шароитларга мослашиши учун вақт керак деб изоҳ қолдирган.

“24 октябрда бўлиб ўтган навбатдаги ўйинда "Женоа" Миланнинг "Интер" жамоасига ютқазиб қўйди. Рақиб кучли бўлгани туфайли "Женоа" мураббийи Роландо Маран Шомуродовни майдонга чиқаришга ботинмади шекилли. Ўйин давомида асосий ҳужумчилар македониялик Горан Пандев ва хорватиялик  Марко Пьяца бўлди. Элдор 65 дақиқада майдонга чиқди, лекин бу сафар ҳам ўзини яхши намойиш қила олмади. "Женоа" оқибатда— 0:2 ҳисобида ютқазди.

“Сампидория” жамоаси билан бўлиб ўтган учинчи ўйинда Элдор умуман майдонда кўринмади. Кейинроқ унинг жароҳати борлиги маълум бўлди. “Торино” жамоаси билан бўлиб ўтган навбатдаги ўйинда Элдор ўйинчилар рўйхатида ҳам йўқ эди.

Расман Элдорнинг жароҳати ҳақида клуб томонидан хабар тарқатилмаган бўлса-да, футболчилар унинг мушаклари жароҳатланганини маълум қилишди. Шифокорлар айтишига кўра, у “Рома”га қарши бўлиб ўтадиган 7-ўйинда майдонга чиқиши керак эди.

Лекин 8 ноябрдаги ўйинда ҳам Элдор кўринмади. "Женоа" "Рома"га 1:3 ҳисобида ютқазди. Шундан сўнг ўзбекистонлик футбол мухлисларида “бу ерда бир гап бор” деган ҳақиқий шубҳа пайдо бўлди.

Генуялик клуб расмий Твиттерида бир неча киши бирданига “Шомуродов қани?” деган саволлар билан мурожаат қилшди. “Шомуродов йўқ бўлса, бизга қизиқ эмас” деб ёзди иккинчиси.

Шундай қилиб, Элдорнинг Италия жамоасига келганига бир ой бўлган бўлса, унинг келажаги номаълумлигича қолмоқда. Ёки у ҳақиқатдан травма олган, ё клуб раҳбарияти легионер ўйинидан мамнун эмас, лекин “уйдаги гап ташқарига чиқмасин” қабилида иш тутмоқда.

* Муаллиф фикри таҳририят нуқтаи назаридан фарқ қилиш мумкин.

895
Хабиб Нурмагомедов против Дастина Пуарье

Ҳабиб менежери жангчининг октагонга қайтишига ишора қилди

132
(Янгиланган 14:45 11.11.2020)
Россиялик UFC чемпиони Ҳабиб Нурмагомедов менежери Али Абдел-Азиз жангчининг октагонга қайтишига шама қилди.

ТОШКЕНТ, 11 ноя — Sputnik. Россиялик UFC чемпиони Ҳабиб Нурмагомедов менежери Али Абдел-Азиз жангчининг октагонга қайтишига шама қилди. Бу ҳақда у ўзининг Twitter’даги саҳифасида ёзди.

У ўз твитида Нурмагомедов жангда ғалаба қозонишини башорат қилди.

25 октябрь куни UFC 254 мусобақасида Ҳабиб Нурмагомедов америкалик жангчи Жастин Гэтжи устидан ғалаба қозониб, чемпионлик унвонини муваффақиятли ҳимоя қилди. Жангдан сўнг россиялик чемпион ММАдаги фаолиятини якунлашини эълон қилди.

Спортчи 29 та жангда ўтказиб, барчасида ғалаба қозонган.

Нурмагомедовнинг Гэтжи устидан ғалабасидан сўнг UFC раҳбарияти вазн тоифасидан қатъий назар жангчиларнинг янгиланган рейтингини тақдим этди, унда Ҳабиб биринчи ўринни эгаллади.

132

Ҳайдовчилик гувоҳномаси учун имтиҳон олиш ваколати ИИВдан хусусий секторга берилиши мумкин

4
Ўзбекистонда ҳайдовчилик гувоҳномаси учун имтиҳон олиш ваколатининг ИИВдан хусусий секторга берилиши кутилмоқда.

ТОШКЕНТ, 29 ноя — Sputnik. Ўзбекистонда ҳайдовчилик гувоҳномаси учун имтиҳон олиш ваколатининг Ички ишлар вазирлигидан хусусий секторга берилиши кутилмоқда.

Депутат Расул Кушербаевнинг ёзишича, бу ҳақда ички ишлар вазири ўринбосари Азизбек Икрамов Олий Мажлис Қонунчилик палатасидаги Мудофаа ва хавфсизлик масалалари қўмитаси мажлисида берган ахборотида айтиб ўтган.

Вазир ўринбосарининг билдиришича, ҳужжат лойиҳасига кўра, имтиҳон олишга мослашган автодромлар ва имтиҳон олиш тизими тўлиқ хусусий секторга берилади ва ИИВ буни мониторинг қилиб боради.

ЙҲХББ 16 ёшдан машина ҳайдашга рухсат бериш таклифига муносабат билдирди

Бу жараённинг 2021 йилда амалга оширилиши кутилмоқда.

“Умид қиламизки, бу ҳайдовчилик масъулиятини ошириб, йўлларимизда маданиятли ҳайдовчилар кўпайишига хизмат қилади», — дея қўшимча қилган депутат.

4
Мавзу бўйича
“Права” олиш учун автомактабларда ўқиш мажбурийлигини бекор қилиш таклиф қилинди
Россияда ҳайдовчисиз автомобилда имтиҳон топишириш мумкин бўлади
Ўзбекистонда 16 ёшдан машина бошқаришга рухсат бериш таклиф қилинди