Хабиб Нурмагомедов

Нурмагомедов спортдаги фаолиятини якунлаш шартини айтди

542
Енгил вазн тоифасида UFC чемпиони “соғлиғи имкон беришига қадар” жангларда иштирок этишни давом эттиришини маълум қилди.

ТОШКЕНТ, 13 сен — Sputnik. Енгил вазн тоифасида UFC чемпиони Ҳабиб Нурмагомедов “соғлиғи имкон беришига қадар” жангларда иштирок этишни давом эттиришини маълум қилди. Бу ҳақда у  Жанг санъати форуми доирасидаги онлайн конференцияда маълум қилди.

“Жуда кўп саволлар бор: “Қачон якунлайсан?” Тушунаман, одамлар ғалабаларимдан чарчашди, бирор бир янгиликни исташади. Танам имкон берар экан, янада кучли бўлар эканман, фаолиятимни якунлаш борасида аниқлик йўқ. Кураша олишим, ўз вазнимда энг зўр бўлиш ва оғир юкламаларни қабул қила олишимни ҳис қилар эканман, кетиш ҳақида ўйламаяпман <...> Куч-қувватдан қола бошлаганимни англашим биланоқ, спортдан кетаман”, - деди спортчи.

Нурмагомедов сўнгги жангини 2019 йил 7 сентябрь куни ўтказган эди. Ўшанда америкалик Дастин Порьени таслим этиб, камарини ҳимоя қилган эди. Ҳабиб барча жангларида ғалаба қозонган. Жангларда унинг 28 марта қўли баланд келган, бирор марта ҳам мағлубият аламини тотиб кўрмаган.

Унинг кейинги жанги жорий йил 24 октябрь куни Абу-Дабида бўлиб ўтади. У америкалик Жастин Гэтжи билан бўлажак жангда чемпионлик унвонини ҳимоя қилади.

542
Чемпион UFC в легком весе Хабиб Нурмагомедов

Нурмагомедов Гэтжи билан жангга қандай тайёргарлик кўрмоқда - фото

72
(Янгиланган 14:32 24.09.2020)
Россиялик жангчи Ҳабиб Нурмагомедов америкалик Жастин Гэтжи билан бўлажак жанг олдидан қандай машқ қилаётгани акс этган суратни намойиш қилди.

ТОШКЕНТ, 24 сен — Sputnik. Россиялик жангчи Ҳабиб Нурмагомедов америкалик жангчи Жастин Гэтжи билан бўлажак жангга қандай тайёргарлик кўраётгани акс этган суратни Instagram'даги саҳифасига жойлаштирди.

Посмотреть эту публикацию в Instagram

Публикация от Khabib Nurmagomedov (@khabib_nurmagomedov)

Янги сурат айни вақтда 318 мингдан ортиқ лайк тўплади. 

Нурмагомедов ва Гэтжи жанг 24 октябрь куни Абу-Дабида UFC-254 доирасида ўтказилади. Ғолибга UFCнинг енгил вазнда чемпионлик камари тақдим этилади.

"Тайёргарлик авжига чиқмоқда", - деб изоҳ ёзган суратга Нурмагомедов.

Нурмагомедов аралаш яккакураш йўналишидаги карьерасида 28 жанг ўтказган, уларнинг барчасида ғалаба қозонган.

Гэтжи эса 22 та жангда ғалаба қозониб, 2 та жангда мағлубият аламини тортган.

 

72

“Спартак” Twitter᾽да ўзбек тилида саҳифа очди

103
(Янгиланган 10:55 24.09.2020)
Москванинг “Спартак” футбол клуби расмий Twitter ижтимоий тармоғида ўзбек тилида саҳифа очганини маълум қилди.

ТОШКЕНТ, 24 сен — Sputnik. Москванинг “Спартак” футбол клуби Twitter ижтимоий тармоғида ўзбек тилидаги саҳифасини юрита бошлади.

“Клубимизга бўлган муҳаббат бутун дунёдаги мухлисларимизни бирлаштиради. “Спартак”нинг ўзбек тилидаги аккаунтини қабул қилиб олинг!”, - дейилади клуб хабарида.

Ўзбек тилидаги саҳифада биринчи бўлиб Остон Ўрунов чиқиш қилган. 

“Остон Ўруновдан барчага салом! “Спартак-Москва” футбол клубининг ўзбек тилидаги расмий твиттер саҳифасига хуш келибсиз!”, - дейилган хабарда.

​Эслатиб ўтамиз, ўзбекистонлик ярим ҳимоячи Остон Ўрунов август ойида расман Москванинг “Спартак” клуби ўйинчисига айланган эди. Футболчи Россия чемпионатида уч марта майдонга тушди. Мамлакат кубоги доирасидаги учрашувда эса “Родина” дарвозасига дебют голини киритди.

103

Путин Нобел тинчлик мукофотига номзод этиб кўрсатилди

84
(Янгиланган 15:04 24.09.2020)
Нобель тинчлик мукофоти - Альфред Нобель фонди томонидан ҳар йил топшириладиган нуфузли 5та мукофотлардан бири бўлиб, дунёда тинчликни мустаҳкамлаш учун қўшган ҳиссаси учун берилади.

ТОШКЕНТ, 24 сен - Sputnik. Россия президенти Владимир Путин Нобель тинчлик мукофотига номзод этиб кўрсатилди, РИА новости хабарига асосан. 

Ушбу ташаббус Россиялик журналист ва ёзувчи Сергей Комков томонидан амалга оширилган. Комков Путин номзодини 2021 йил нобель тинчлик мукофотига номзод сифатида расмий аризани 10 сентябр куни Осло шаҳрига юборган. 

Маълумот учун, Россия президентини биринчи маротаба ушбу мукофотга номзод этиб кўрсатилаётгани йўқ. 2013 йилда ҳам Владимир Путин Дунё халқлари бирлиги академияси президенти томонидан ушбу мукофотга номзод этиб кўрсатилган эди. 

Нобель тинчлик мукофоти - Альфред Нобель фонди томонидан ҳар йил топшириладиган нуфузли 5та мукофотлардан бири бўлиб, дунёда тинчликни мустаҳкамлаш учун қўшган ҳиссаси учун берилади.

Турли йилларда ушбу мукофотга Барак Обама, Альберт Гор, Кофи Анан, Ким Де Жун, Нельсон Манделла, Михаил Горбачев ва бошқалар муносиб деб топилган. 

 

84