ТОШКЕНТ, 14 окт — Sputnik. Москванинг “Локомотив” клуби ярим ҳимоячиси ўзбекистонлик Жасур Жалолиддинов фаолиятини “Тамбов”да давом эттиради. Бу ҳақда “Тамбов” футбол клуби сайтида хабар қилинди.
“Тамбов” 18 ёшли Москванинг “Локомотив” клуби ярим ҳимоячиси Жасурбек Жалолиддиновни ижарага олди. Ўйинчи билан шартнома жорий мавсум охирига қадар тузилган”, - дейилган хабарда.
Жалолиддинов янги жамоада 7 рақам остида тўп суради.
«Тамбов» арендовал полузащитника московского «Локомотива» Жасурбека Жалолиддинова! 📌
— ФК «Тамбов» (@fctambov68) October 13, 2020
Соглашение с 18-летним игроком рассчитано до конца текущего сезона.
Выступать за нашу команду Жасурбек будет под 7-м номером.
Добро пожаловать, Жасур!
Подробности ➡ https://t.co/RC1qQjQIbQ pic.twitter.com/snFUraTpcH
Аввалроқ “Локомотив” легионерларга қўйилган лимит туфайли Жасурни Россия чемпионати қайдномасидан ўчирган эди. Шунингдек, темирйўлчилар Чемпионлар Лигаси қайдномасига ҳам ўзбекистонлик футболчини киритмади.
Жасур Жалолиддинов 2002 йил 15 майда Навоийда туғилган. 2018 йил 2 август санасида “Бунёдкор” сафида Суперлига доирасида дебют ўйинини “Қўқон-1912”га қарши ўтказган. У дебют қилган вақтда 16 ёш 80 кунлик эди. Бу орқали у Ўзбекистон чемпионатида майдонга тушган энг ёш футболчига айланганди. 2019 йил октябрида The Guardian талқинига кўра, дунёнинг энг истеъдодли 60 футболчиси рўйхатида қайд этилган.
