Самарқандда "ярим марафон" бўлиб ўтди

39
Бу йилги Самарқанд ярим марафони - аутизм касалликларига чалинган кишилар муаммоларига эътибор қаратиш, уларни жамият ижтимоий ҳаётига жалб қилишга бағишланган.

ТОШКЕНТ, 2 ноя - Sputnik. кеча 1 ноябр куни Самарқандда “Samarkand Half Marathon” - анъанавий ярим марафон бўлиб ўтди. 

Samarkand half marathon - масофаси 21 км, 97.5 метр. Ғолиблар, Рио-2016 Олимпия ўйинлари иштирокчиси Андрей Петров - 1 ўрин. Аёллар орасида Ситора Ҳамидовага - 1 ўрин. Ҳамидова масофани 1:11:58 соатда босиб ўтиб ўзининг 2 йил муқаддам ўрнатган мамлакат рекордини янгилади.

Samarkand half marathon, эркаклар:
1. Андрей Петров (Тошкент вилояти) – 1:05:42
2. Шоҳрух Давлатов (Сурхондарё) – 1:06:02 (шахсий рекорд)
3. Отабек Тошқувватов (Самарқанд) – 1:06.53 (шахсий рекорд)

Samarkand half marathon, аёллар:
1. Ситора Ҳамидова (Сурхондарё) – 1:11:58 (Ўзбекистон рекорди)
2. Марина Хмеленская (Жиззах) – 1:14:03 (шахсий рекорд)
3. Екатерина Тунгускова (Фарғона) – 1:15:50

Полумарафон "Самарканд"

Мусобақа ғолиби 12 миллион, иккинчи ўрин эгаси 10 миллион, учинчи ўрин соҳиби 8 миллион, шунингдек, тўртинчи ва бешинчи ўрин эгалари мос равишда 6 ва 5 миллион сўм пул мукофотларига ҳам сазовор бўлдилар.

Ғолиб ва совриндорларни Ўзбекистон Республикаси Бош вазири ўринбосари, Ўзбекистон Республикаси Туризмни ривожлантириш давлат қўмитаси раиси Азиз Абдуҳакимов тақдирлади.

Самарқанд ярим марафони - бу ҳар йили хайрия мақсадларда ўтказиладиган спорт тадбири бўлиб, у Ўзбекистон Маданият вазирлиги, Туризмни ривожлантириш қўмитаси ҳамда Самарқанд вилояти ҳокимлиги кўмагида амалга оширилади.

Полумарафон "Самарканд"

Бу йилги марафонда иштирокчилар диққатини - аутизм касалликларига чалинган кишилар муаммоларига эътибор қаратиш, уларни жамият ижтимоий ҳаётига жалб қилишга бағишланган. Хайрия марафони ёрдамида тўпланган маблағлар Ўзбекистондаги аутизм билан касалланган болалар интернатларидан бирида болалар бадиий студияси ташкил қилишга йўналтирилади. 

Одатда мусобақа йўналиши кўҳна ва навқирон Самарқанднинг қадимий ёдгорликлари ёнидан ўтарди, лекин бу йилги эпидемиологик вазиятни ҳисобга олган ҳолда иштирокчиларга онлайн ёки офлайн иштирок этиш танлови берилган. Офлайн иштирокчилар белгиланган масофани ўзлари истаган жойда югуриб ўтишлари мумкин. Уларнинг иштироки Strava дастури орқали ҳисобга олинади. 

 

39
Чемпион UFC в легком весе Хабиб Нурмагомедов

Нурмагомедов: ММАни 2028-ОЎда кўриш учун катта имкониятлар мавжуд

188
(Янгиланган 17:14 01.12.2020)
Ушбу маласа юзасидан UFC чемпиони Ҳабиб Нурмагомедов яқинда Халқаро олимпия қўмитаси президенти Томас Бах билан учрашишни режалаштирган.

ТОШКЕНТ, 1 дек — Sputnik. Енгил вазнда UFC чемпиони Ҳабиб Нурмагомедов яқинда Халқаро олимпия қўмитаси президенти Томас Бах билан учрашиб, ММАни 2028 йилги ёзги Олимпия ўйинлари дастурига киритиш масаласини муҳокама қилишини маълум қилди, деб хабар қилди Sputnik Ўзбекистон мухбири.

Россиялик жангчи Миллий олимпия қўмитасида ташкил этилган матбуот анжуманида иштирок этди.

“ММАни Олимпиадага киритиш менинг кейинги икки йиллик асосий вазифаларимдан бири, биз аллақачон шу йўналишда иш олиб бормоқдамиз. Яқин келажакда мен кўплаб учрашувлар ўтказаман, шу қаторда Олимпия қўмитаси президенти билан ҳам. Ўйлайманки, агар Парижда бўлмаса, унда Лос Анжелесда ММАни оммалаштириш учун катта имкониятлар мавжуд", - деди Нурмагомедов.

Унинг сўзларига кўра, ММАни Олимпия ўйинлари дастурига киритиш борасида баъзи тўсиқлар мавжуд.

“Фақат битта савол - бу спортнинг шафқатсизлиги. Олимпиадада бу рағбатлантирилмайди, улар кўп қон бўлишини хоҳламайдилар. Аммо  машҳурлик, ҳомийлик, телевидениеда ММАга қизиқиш нуқтаи назаридан, агар у Олимпия ўйинлари дастурига киритилса, қизиқиш жиҳатидан футбол ва енгил атлетика билан бир қаторда бўлади, деб ўйлайман”, - деб қўшимча қилди чемпион.

Эслатиб ўтамиз, Ҳабиб Нурмагомедов ўтган йил 23 ноябрь куни Ўзбекистонга ташриф буюрган ва Humo Arena спорт мажмуасида илк бор бўлиб ўтган аралаш жанг санъати бўйича халқаро мусобақада фахрий меҳмон сифатида қатнашган эди.

2020 йилнинг 25 октябрь куни UFC 254 мусобақасида Ҳабиб Нурмагомедов америкалик жангчи Жастин Гэтжи устидан ғалаба қозониб, чемпионлик унвонини муваффақиятли ҳимоя қилди. Жангдан сўнг россиялик чемпион ММАдаги фаолиятини якунлашини эълон қилди.

Спортчи 29 та жангда ўтказиб, барчасида ғалаба қозонган.

Нурмагомедовнинг Гэтжи устидан ғалабасидан сўнг, UFC раҳбарияти вазн тоифасидан қатъий назар жангчиларнинг янгиланган рейтингини тақдим этди, унда Ҳабиб биринчи ўринни эгаллади.

188
Теглар:
Ўзбекистон, Ҳабиб Нурмагомедов
Хабиб Нурмагомедов

Ҳабиб Нурмагомедов Тошкентда: у ўзбек спортчиларига ёрдам беришини айтди

244
(Янгиланган 23:36 01.12.2020)
Россиялик аралаш яккакураш устаси, UFC чемпиони Ҳабиб Нурмагомедов Тошкентга келди. Бугун чемпион иштирокида Миллий олимпия қўмитасида матбуот анжумани ташкил этилди.

ТОШКЕНТ, 1 дек — Sputnik. Россиялик аралаш яккакураш устаси, UFC бўйича жаҳон чемпиони Ҳабиб Нурмагомедов 30 ноябрдан 1 декабрь ўтар кечаси Тошкентга келди.

Бугун, чемпион иштирокида Миллий олимпия қўмитасида матбуот анжумани ташкил этилди, деб хабар қилди Sputnik Ўзбекистон мухбири.

“Биринчи навбатда, барча ўзбекистонлик мухлисларга миннатдорлик билдирмоқчиман. Қаерда бўлишим қатъий назар, Америка, Араб давлатлари ёки Россия бўладими, ҳамма жойда мухлисларни учратаман. Доим уларнинг қўллаб-қувватловини ҳис этаман", - деди чемпион.

Нурмагомедов ўз нутқида, республикада спортга катта эътибор берилаётгани, спортчилар ҳар томонлама қўллаб-қувватланаётгани учун Ўзбекистон президенти Шавкат Мирзиёевга миннатдорлик билдирди.

“ММА айни вақтда дунёда жуда оммалашмоқда, ўзбек жангчилари пайдо бўлмоқда, улар жуда яхши ҳаракат қилишмоқда. Менимча, бу фақат бошланиши, келажакда мамлакатингиздан кўплаб вакиллар етишиб чиқади. Сизларда кураш, дзюдо, бокс – дунёда энг яхши боксчилар, бу спорт тури жуда ривожланган, буларнинг барчаси - ММАни ташкил қилади.

Йигитларнинг потенциалини, уларга кўрсатилаётган ёрдамни кўрмоқдаман, ўйлайманки, уларнинг келажаги катта бўлади. Агар мендан бирон бир нарса талаб қилинса, мен доимо яқинда бўламан, маслаҳат, ёрдам бераман. Оллоҳнинг ўзи Сизларни қўлласин”, - деди спортчи.

Эслатиб ўтамиз, Ҳабиб Нурмагомедов ўтган йил 23 ноябрь куни Ўзбекистонга ташриф буюрган ва Humo Arena спорт мажмуасида илк бор бўлиб ўтган аралаш жанг санъати бўйича халқаро мусобақада фахрий меҳмон сифатида қатнашган эди.

2020 йилнинг 25 октябрь куни UFC 254 мусобақасида Ҳабиб Нурмагомедов америкалик жангчи Жастин Гэтжи устидан ғалаба қозониб, чемпионлик унвонини муваффақиятли ҳимоя қилди. Жангдан сўнг россиялик чемпион ММАдаги фаолиятини якунлашини эълон қилди.

Спортчи 29 та жангда ўтказиб, барчасида ғалаба қозонган.

Нурмагомедовнинг Гэтжи устидан ғалабасидан сўнг UFC раҳбарияти вазн тоифасидан қатъий назар жангчиларнинг янгиланган рейтингини тақдим этди, унда Ҳабиб биринчи ўринни эгаллади.

244
Теглар:
Ҳабиб Нурмагомедов, Ўзбекистон
МДҲда COVID-19’га қарши Россия вакцинаси пайдо бўлиши мумкин

Қозоғистон "Спутник V" вакцинасини ишлаб чиқаришга ҳозирлик кўрмоқда

22
Қозоғистонда коронавирусга қарши препарат сифатида рўйхатдан ўтган биринчи вакцинани ишлаб чиқариш Россия президенти Владимир Путин билан бўлган келишувга мувофиқ йўлга қўйилади.

ТОШКЕНТ, 5 дек — Sputnik. Қозоғистонда 2020 йилнинг 22 декабридан Россиянинг "Спутник V" вакцинасини ишлаб чиқариш йўлга қўйилади, аҳолини ихтиёрий равишда оммавий вакцина билан эмлаш ишларини 2021 йилдан бошлаш кўзда тутилган. Бу ҳақда Қозоғистон президенти Касим Жомарт-Токаевнинг бош вазир Аскар Мамин билан бўлган учрашувидан сўнг маълум бўлган, деб хабар қилмоқда Sputnik Қозоғистон нашри.

"Давлат раҳбарига алоҳида блокда унинг Россия президенти Владимир Путин билан келишувига биноан шу йилнинг 22 декабрида Қозоғистонда Россиянинг "Спутник V" вактсинасини ишлаб чиқариш бошланиши ҳақида хабар берилди. Мамлакат аҳолисини оммавий равишда ихтиёрий эмлашни бошлаш ишлари 2021 йил бошидан режалаштирилган", - деб ёзади Акорда.

“Спутник V”: 50тадан ортиқ давлат вакцинани сотиб олиш учун буюртма берди >>>

Таъкидланишича, биринчи босқичда аҳолининг вирусни юқтириб олиш хатарига кўпроқ мойил бўлган қисми, хусусан, шифокорлар, педагоглар ва куч тузилмалари ходимлари қамраб олинади.

Сал олдинроқ Қозоғистон декабр ойида қозоқ вакцинасини ишлаб чиқаришни йўлга қўйиши маълум қилинган эди.

22
Мавзу:
COVID-19 умумжаҳон пандемияси