"Пахтакор" Дубайда Россиянинг "Зенит" ва "Спартак" жамоалари билан учрашув ўтказади

281
Янги йилда "Пахтакор" жамоасининг илк ўйинлари Дубайда Россиянинг энг кучли "Зенит" ва "Спартак" жамоаларига қарши бўлиб ўтади.

ТОШКЕНТ, 6 янв — Sputnik. Дубайда "Пахтакор" Россиянинг "Зенит" ва "Спартак" жамоалари билан ўртоқлик учрашувлари ўтказади. 

Ўзбекистоннинг амалдаги чемпион жамоаси "Пахтакор" Дубайда машғулотлар доирасида Россиянинг энг кучли жамоалари "Зенит" ва "Спартак" билан ўртоқлик учрашувлари ўтказади, - дейилган хабарда.

Маълум бўлишича, "Зенит" футбол клуби билан учрашув 24 январ куни  (бошланиши соат 12:00да), "Спартак" билан эса — 30 январ куни  соат 17.00да бўлиб ўтади. Ундан ташқари 3 феврал куни "Пахтакор" Латвиянинг "Рига" жамоаси билан ҳам ўртоқ лик учрашуви ўтказишни режалаштирган. 

Маълумот учун "Зенит" жамоаси Россия премьер лигасида 19та ўйин ўтказиб 41 очко билан етакчилик қилмоқда, "Спартак" - эса учинчи ўринда. "Рига" жамоаси эса — Латвия чемпиони.

"Пахтакор" 2020 йилда жами 38та ўйин ўтказиб рақиблар дарвозаларига 100та тўп киритган ва 25та ўтказиб юборган.

281
Боец смешанных единоборств из Узбекистана Махмуд Мурадов

“Учар ўзбек”: Маҳмуд Муродов америкалик жангчига қарши октагонга кўтарилади

352
(Янгиланган 16:14 15.01.2021)
Келгуси ҳафта, 24 январ куни Абу-Дабида ўтказиладиган UFC257 турнирида ўзбекистонлик Маҳмуд Муродов америкалик Эндрю Санчезга қарши октагонга кўтарилади.

ТОШКЕНТ, 15 янв — Sputnik. Келгуси ҳафта, 24 январ куни Абу-Дабида ўтказиладиган UFC257 турнирида ўзбекистонлик Маҳмуд Муродов америкалик Эндрю Санчезга қарши октагонга кўтарилади.

Посмотреть эту публикацию в Instagram

Публикация от UFC Russia (@ufcrussia)

29 ёшли Маҳмуд Муродов 2012 йилда ўз карьерасини бошлади, 2019 йилда UFC билан шартнома имзолади.

2019 йил декабрь ойида Тревор Смитга қарши жанг ўтказиб, нокаут билан ғалаба қозонди. Шу кеча Маҳмуд Мурадов энг яхши нокаут учун UFC президенти Дана Уайтдан 50 минг доллар миқдорида мукофотни олганди.

Эндрю Санчез 32 ёшли америкалик жангчи, ҳозирда UFC ўрта вазн жанг ўтказиб келади. 2012 йилдан бери профессионал жангчи. Санчез охирги жангини 2020 йил август ойида UFC Fight Night 174 мусобақасида Веллингтон Турманга қарши ўтказиб, биринчи раундда нокаут билан ғалаба қозонди. Бу ғалаба унга "энг яхши жанг" мукофотини олиб келди.

352
Теглар:
АҚШ, Ўзбекистон, БАА, Абу-Даби, спорт, UFC, Маҳмуд Муродов
Элдор Шомуродов во время игры

“Ювентус” Элдор Шомуродовга бўлган қизиқиш ҳақидаги хабарга изоҳ берди

678
(Янгиланган 13:56 14.01.2021)
Элдор Шомуродов "Ювентус" клубига ўтадими? Клубнинг спорт директори Фабио Паратичи ОАВларда тарқалган хабарлар юзасидан изоҳ берди.

ТОШКЕНТ, 14 янв — Sputnik. "Ювентус"нинг спорт директори Фабио Паратичи клубнинг Элдор Шомуродовга бўлган қизиқиш ҳақидаги хабарлар юзасидан изоҳ берди.

Football Italia хабарига кўра, Италия грандининг ҳозирча ўзбек форварди ёрдамида кучайтиришга эҳтиёжи йўқ.

"Агар Шомуродов ҳақида гапирадиган бўлсак, мен аллақачон жамоамиз рақобатбардош эканлигини айтган эдим. Агар бозорда истиқболли имкониятлар пайдо бўлса - биз улардан фойдаланамиз. Ҳозир шошилмаслик керак", - деди Паратичи.

Ўтган ҳафтада ОАВларда Туриннинг "Ювентус" клуби илгари "Ростов"да тўп сурган "Женоа" ҳужумчиси Элдор Шамуродовни ижарага олмоқчи эканлиги ҳақида хабарлар тарқалганди.

Шомуродов октябр ойида Россиянинг "Ростов" клубидан "Женоа" клубига ўтганди. У янги жамоада 11та ўйин ўтказиб, 2та гол урди ва 2та голли узатма амалга оширди.

678
Теглар:
Криштиану Роналду, Италия, спорт, футбол, Элдор Шомуродов
Руки в наручниках.

АҚШда "ИД"га ёрдам берган ўзбекистонлик 12,5 йилга қамалди

0
Коннектикутнинг Нью-Хейвенидан бўлган Азизжон Рахматов чет эл террористик ташкилотига моддий ёрдам кўрсатиш бўйича тил бириктирувда иштирок этганлигини тан олган

ТОШКЕНТ, 16 янв — Sputnik. Федерал Бруклин суди ўзбекистонликни "Ислом давлати" террористик уюшмасига кўмак кўрсатгани учун 12,5 йилга қамоқ жазосига маҳкум қилди, деб хабар бермоқда New York Post.

Коннектикутнинг Нью-Хейвенидан бўлган Азизжон Рахматов чет эл террористик ташкилотига моддий ёрдам кўрсатиш бўйича тил бириктирувда иштирок этганлигини тан олган.

Суд жараёни давомида 2015 йилда Рахматов ИД сафига янги қўшилган Ахрор Саидахметовга у ИШИД сафига қўшилиш учун Сурияга етиб олиши ва қурол сотиб олиши учун 400 АҚШ доллари бергани маълум бўлган.

Саидахметов, ўз навбатида ИДга содиқ экани, аммо агарда жиҳод учун Сурияга етиб бора олмаса, бор ҳалокатли уринишларини АҚШдаги полициячилар ва ФБР агентларига қаратишга қасамёд қилган.

Ёвуз ният билан у Жон Кеннеди номидаги аэропортдан Истанбулга (Туркияга) қараб учган. Аммо Сурия билан чегарадан ўтмоқчи бўлганида ҳукумат томонидан қўлга олинган. 2017 йилда у 15 йилга озодликдан маҳрум этилган.

Прокуратура баёнотига мувофиқ, иккала жиноятчи ҳам жазони ўтиб бўлганидан сўнг ватанга депортация қилинади.

0