Элдор Шомуродов забил второй мяч за Дженоа в 16-м туре Серии А

Элдор Шомуродов Роналду билан бир клубда тўп суриши мумкин

796
Ўзбекистонлик футболчи Элдор Шомуродов жаҳон футболи юлдузи португалиялик Криштиану Роналду билан бир клубда тўп суриши мумкин.

ТОШКЕНТ, 8 янв — Sputnik. Италия ОАВнинг хабар беришича, шу йилнинг кузида “Женоа” клубига ўтган 25 ёшли ўзбекистонлик ҳужумчи Элдор Шомуродов "Ювентус" клубига ўтиб, Криштиану Роналду билан бирга тўп суриши мумкин.

Манба берган малумотларга кўра, Турин клуби бюджетда маблағ йўқлиги сабабли ўзбекистонлик футболчини тўлиқ сотиб олиш масаласини кўриб чиқмаяпти, уни ижарага олиши мумкин.

Шомуродов октябр ойида Россиянинг "Ростов" клубидан "Женоа" клубига ўтганди. У янги жамоада 11та ўйин ўтказиб, 2та гол урди ва 2та голли узатма амалга оширди.

796
Теглар:
спорт, Италия, Криштиану Роналду, Элдор Шомуродов, футбол

Ўзбекистон каратэчилари Олимпиадага тайёрланмоқда

47
Айни дамда Ўзбекистондан 3 нафар каратэчи Олимпиадага йўлланма олиши кутилмоқда.Улар Олимпиада рейтинг жадвалинг кучли 20 талигидан жой олган.

ТОШКЕНТ, 22 янв - Sputnik. Ўзбекистон каратэчилари 2021 йилги Олимпиада лицезиясини олиш учун бор куч-ғайратлари билан ҳаракат қилмоқдалар, деб хабар қилмоқда Миллий Каратэ федерацияси. 

"Бу йил Олимпиада йили ва каратэ спорт тури тарихда илк бор ушбу ўйинлар таркибига киритилган. Ҳозирда ўзбек каратэчилари Олимпиада лицезиясини олиш учун бор куч-ғайратлари билан ҳаракат қилмоқдалар", - деди федерация раҳбари Нурхон Нафасов.

Хабарда айтилишига кўра, айни дамда Ўзбекистондан 3 нафар каратэчи Олимпиадага йўлланма олиши кутилмоқда. Терма жамоа аъзоси Достонбек Отаболаев Олимпиада рейтинг жадвалинг 11-поғонасидан жой олган ва яна 2 нафар каратэчи кучли 20 таликда.

Ундан ташқари 2021 йилнинг сентябрь ойида Тошкент каратэ спорт турининг энг нуфузли Премьер-лига мусобақалари бўлиб ўтиши кутилмоқда. Унда 60 та давлатдан энг кучли каратэчилар иштирок этиши кутилмоқда. Мусобақалар давомида Жаҳон ва Осиё каратэ федерациялари билан музокалар олиб бориш мўлжалланган. Музокаларнинг мавзуси каратэ спорт турини Ўзбекистонда 2025 йилда ёшлар ўртасида бўлиб ўтиши мўлжалланаётган Осиё ўйинларидан ўрин олиш бўлади.

 

47

Гол урсам узоғи билан бир кун эслаб юраман - Элдор Шомуродов

444
(Янгиланган 17:30 21.01.2021)
Элдор Шомуродовнинг россиялик 13 ёшли ҳаваскор шарҳловчи Максим Истоминга берган интервьюсини ўзбек тилида эътиборингизга ҳавола этамиз.

ТОШКЕНТ, 21 янв- Sputnik. "Женоа" жамоасининг расмий каналида Элдор Шомуродовнинг мухлиси, россиялик 13 ёшли ҳаваскор шарҳловчи Максим Истомин олган интервьюси эълон қилинди. Қуйида ушбу интервью.

- Салом Элдор, салом мухлислар. Биринчи саволим, сизнинг исмингизни Эльдор ёки Элдор?

- Элдор, юмшатир белгиси йўқ. 

- Футболга қандай келиб қолгансиз?

- Мен 6-7 ёшимда футбол ўйнашни бошлаганман. Биз футболчи оиламиз десак ҳам бўлади. Отам, икки тоғам, акам футболчи. Оиламизда ҳамма футболга қизиқади. Шуни учун ҳам мен футболга қизиқиб кетганман.

Кўпчиллик менга отам яхши ҳужумчи бўлган дейишади. Шуни учун мен ҳам ҳужумчи бўлишни орзу қилганман.

- Сиз дастлаб Ростовда ҳимоячи ўрнида майдонга тушган эдингиз, кейин ҳужумчи бўлиб чиқдингиз ва дарров муваффақият қозондингиз. Бу қандай содир бўлган эди?

- Ҳозир сизни ҳайрон қолдираман - мен ҳеч қачон ҳимоячи бўлмаганман. Ҳа, лекин қайсидир ўйинда мураббий мени ҳужумчи-ҳимоячи сифатида майдонга чиқарган эди. Терма жамоада 1-2 йил ярим ҳимояда ўйнаганман.

- Оилангиз билан муносабатларингиз қандай? Уларни соғинасизми?

- Оиламиз жуда катта байрамларни бирга ўтказишга ҳаракат қиламиз. Ҳаммамиз йиғилганимизда худди туғилган кун ёки бошқа байрамдек бўлади. 

Сўнгги вақтларда уйга келганимда биз бутун оила бўлиб футбол ҳам уйнаймиз. Ўзимизни 7 кишилик иккита жамоамиз бор, мини-футбол ўйнаймиз. Оиламизда футболчилар кўп бўлгани учун  яхши футболчилар кўп. Шуни учун ҳар доим ҳам мени иштирокимдаги жамоа ғалаба қозонавермайди. Мен ҳозир ана шундай учрашувларни жуда соғинганман.

- Женоада нима сабабдан 61 рақамни олишга қарор қилдингиз?

- Мен бу ерга келганимда 14 номер банд эди. Қайси рақамни олишни ўйлаб турганимда, менинг бир дўстим 61 рақамни олсанг Ростовдаги мухлисларинг хурсанд бўлишади, деб маслаҳат берди. (Россия вилоятлари рўйхатида Ростов - 61 ўринда) Шундан сўнг 61 рақамни олишга қаор қилдим.

- Сиз болаликдан учрашишни орзу қилган футболчи борми?

- Мен ҳар доим айтганман, менинг кумирим Фернандо Торез ва Дидье Дрогба. Мен улар билан учрашиб уларнинг автографини олсам хурсанд бўлардим.

- "Женоа" клубида кимнинг ўйини сизга ёқади?

- "Женоа"да ҳамма топ ўйинчилар йиғилган. Улар жамоа бўлиб ўйнаганда янада яхшироқ натижа кўрсатади.

Ёш футболчиларга қандай маслаҳат берган бўлардингиз? Энг муҳими нима?

- Энг муҳими - ҳар доим футбол ҳақида ўйлаш. Агар сен футболни танлаган бўлсанг, футбол хақида ўйлаш керак, кўпроқ иш бажаришга ҳаракат қилиш керак. Ўзига ишониш ва кўйилган мақсад сари интилиш керак.

- Демак асосийси кўпроқ ишлаш керак?

- Ҳа, диққат билан қунт билан ишлаш керак. Фуболда арзимас нарса йўқ. Ҳар бир нарсага эътибор бериш керак.

- Сизда хобби борми, футболдан бўш вақтингизда нима билан шуғулланасиз?

- Хозир бўш вактим жуда кам. Ота-онам билан гаплашаман, италянча гаплашишни ўрганаяпман.

- "Женоа"да ўзбек ресторанини топдингизми?

- Йўқ, бу ерда ўзбек ошхонаси йўқ.Лекин менга Италия овқатлари ҳам ёқди. Айниқса, ризотто.

- Ростовдан сўнг Генуя ҳақида таасуротларингиз қандай?

- Яхши, бу ер жуда чиройли тарихий шаҳар экан, денгиз ёнида. Мен Монте Пеш деган жойда бўлдим. У ердан бутун Генуя кўринади. Бу ерда ҳам одамлар футболни яхши кўради, "Женоа"га жамоасига мухлислик қиладиганлар кўп.

- Сизда "Женоа"даги биринчи муваффақиятли узатмангиз, биринчи голингиз ҳақида қандай таассурот қолди?

- Мен кечаги кун билан яшамасликка ҳаракат қиламан, бўлиб ўтган ўйинни тезроқ унутишга ҳаракат қиламан. Гол урсам узоғи билан бир кун эслаб юраман кейин унутаман. Янги ўйинга тайёргарлик кўраман.

- Келажакда қандай режаларингиз бор?

- Мен футболчи сифатида усишга ҳаракат қиламан, қўлимдан келган барча ишни қилишга, ғалаба қозонишга ҳаракат қиламан.

Мен жамоа билан бирор трофей (кубок)  ютиб олишга ҳаракат қиламан, Женоа билан, лекин асосийси - Ўзбекистон терма жамоаси билан Жаҳон чемпионатига чиқиш.  Бу менинг асосий мақсадим.

Яқинда ота бўлингиз. Нималарни ҳис қилаяпсиз?

- Бунга ҳалиям ишонгим келмайди. Жуда хурсандман. Унга қараб туриб ўзимни кўргандек бўламан. Фарзандимга туғилганига бугун 25 кун бўлди. Улар ҳозир Тошкентда.  Яқинда келиши керак. Уни жуда соғиндим.

Футбол шарҳловчиси бўлишни истайсизми?

- Мен кўп гапиришни унча ёқтирмайман, шуни учун мендан коментатор чиқмаса керак, лекин сиз буни жуда яхши уддалаяпсиз. Мен сизнинг изоҳларингизни эшитганман. 

Раҳмат, Сизга катта муваффақиятлар тилаймиз.

 

 

 

 

 

444

Россия ТИВ АҚШнинг ноқонуний митинглар ҳақидаги баёнотига кескин жавоб берди

206
РФ ТИВ Вашингтонда 6 январ куни манифестациялар ва Капитолий штурми рўй берганида Москвадаги АҚШ элчихонаси ҳеч қандай баёнот эълон қилмаганига эътибор қаратар экан, элчихона ўшанда "ўз фуқароларини тинч норозиликларга" мотивация қилмаганини қайд этиб ўтган.

ТОШКЕНТ, 23 янв - Sputnik. Россия Ташқи ишлар вазирлиги АҚШнинг Россиядаги ноқонуний акциялар ҳақидаги баёнотига кескин жавоб қайтарди.

Россия ТИВ АҚШ элчихонасининг РФдаги келишилмаган акциялар бўйича баёнотига изоҳ берар экан, америкалик ҳамкасбларни бошқа давлатларнинг ички ишларига аралашмай, шахсий муаммолари билан шуғулланишга чақирди.

Сал аввал америка дипмиссияси Россиядаги ноқонуний акциялар ҳақидаги хабарлар фонида, "Россиянинг 38 шаҳридаги норозилик акциялари ҳақидаги хабарларни кузатиб бораётгани" ҳақида баёнот қилган эди. АҚШ элчихонаси шунингдек, "одамларнинг тинч норозиликлар, фикрни эркин билдириш ҳуқуқларини қўллаб-қувватлашини", Россия ҳукумати кўрган чоралар эса "ушбу ҳуқуқларни бостиришга қаратилганини" қўшимча қилган.

Сал аввал Вашингтонда оммавий тартибсизликлар рўй берган, у ерда полиция АҚШ президентлигига сайловлар натижаларидан норози бўлганларни ҳибсга олган эди.

Аммо бу воқеаларга АҚШ элчихонаси томонидан ҳеч қандай изоҳ бўлмаган.

"Ўз муаммоларингиз билан андармон бўлинг ва бошқа давлатларнинг ички ишларига аралашишни бас қилинг", - дейилади Россия ташқи сиёсий маҳкамасининг Facebookдаги хабарида.

РФ ТИВ 6 январ куни Вашингтонда манифестациялар ва Капитолий штурми рўй берганида Москвадаги АҚШ элчихонаси ҳеч қандай баёнот эълон қилмаганини, "ўз фуқароларини тинч норозиликларга" мотивация қилмаганини, тартибсизликлар вақтида юз берган қотилликлар ва юздан ортиқ инсонларнинг ҳибсга олинганини қораламаганини қайд этиб ўтган. Аксинча, Россия ТИВ хабарига кўра, сал ўтиб, АҚШнинг Россиядаги элчиси юз берган воқеаларни "жиноий босқинчилик", деб атаган.

"Полиция намойишчиларга ўқ узишни бошлаб, ҳукуматингиз туфайли тинч норозиликлар нотинч норозиликларга айланиб кетганини бутун сайёра кўриб турди. Сўнгра эса, АҚШ ҳукумати американинг тинч норозичилари ҳаракатларини "демократияга тажовуз", дея атади. Иккиюзламачилик - америка дипломатиясининг инструменти, у айниқса ковид-эпидемия вақтида ўта хавфли тус олди", - дейилади РФ ТИВ баёнотида.

Россия ИИВ ва Бош прокуратураси Москва ва бошқа шаҳарларда 23 январ куни режалаштирилган санкцияланмаган акйияларнинг ташкилотчилари билан бир қаторда оддий иштирокчиларини ҳам жавобгарлик ҳақида бир неча маротаба огоҳлантирган эди. Ноқонуний акциялар провокация, жамоат тартибига таҳдид сифатида баҳоланади ва "шу пайтнинг ўзида бостирилади".

Параллел равишда Бош прокуратура интернетда тарқатилаётган шу хилдаги тадбирларга келиш ҳақидаги чақириқларни блоклашни талаб қилди, бундай даъватлар қонунда таъқиқланган. Президент матбуот-котиби Дмитрий Песковнинг сўзларига кўра, бундай акцияларга "маълум фитначилар" даъват қилмоқда, ва уларнинг ҳаракатлари мақсади Кремльга "яхши аён".

Мактаб ўқувчиларига алоҳида эътибор қаратилмоқда – ота-оналардан болаларни бу сингари акциялардан четлатиш сўралмоқда. Талабаларга ҳам худди шундай мурожаатлар билан мурожаат қилинган, бу сингари тадбирларда талабаларнинг иштирокига "таълим муассасаси раҳбарияти томонидан турлича баҳо берилиши мумкин".

РИА Новости билан суҳбатда Москвадаги болалар ҳуқуқлари бўйича вакил Ольга Ярославская ҳам "болаларнинг сиёсий ўйинларга жалб этилиши"га кескин қарши чиққан. Аёл сўзларига кўра, болалар сал улғайгач, у ёки бу ҳаракатлар замирида нима ётганини тушуниб оладилар.

Россия шаҳарлари ҳукуматлари сал олдин оммавий тадбирларга рухсат берилмасликни коронавирус туфайли юзага келган мураккаб эпидемиологик вазият билан тушунтирган эдилар.

206