Юный блогер Максим Истомин

Элдор Шомуродовнинг россиялик 13 ёшли мухлиси билан интервью

358
(Янгиланган 18:19 03.02.2021)
Элдор Шомуродовнинг "Женоа"даги биринчи голини Youtubeда қизиқарли изоҳлаган ёш блогер Максим Истомин қисқа вақт ичида кўплаб обуначиларга эга бўлди.

Бир неча ҳафта олдин Италияниг "Женоа" футбол клуби расмий YouTube каналида ўзбекистонлик ҳужумчи Элдор Шомуродовнинг россиялик 13 ёшли футбол мухлиси ва блогер Максим  Истомин билан бўлган интервьюси чиққан эди. Sputnik таҳририяти Шомуродовнинг ёш мухлиси билан боғланди.

— Максим, "Женоа" эфиридан сўнг ҳаётинг ўзгардими?

— Ҳа, албатта. Элдор билан онлайн учрашувимиздан сўнг кўплаб ОАВлар бу ҳақида ёзишди, менга табриклар юборишди. Мен “МатчТВ”га интервью бердим ва "Телеспорт" канали жонли эфирида бўлдим. Элдор билан бўлган интервью 65 минг марта томоша қилинди ва канал тарихида энг кўп томоша қилинган видеога айланди. Хуллас, кўп қизиқ ишлар бўлди.

— Сен Шомуродов билан олнлайн мулоқот қилишни орзу қилганмидинг?

— Ҳа, алабатта, мен шунга ҳаракат қилган эдим, лекин айнан шундай бўлишини тасаввур қилмаган эдим. Бунинг учун мен "Женоа" клубидан жуда миннатдорман. Энди навбатдаги мақсадларга ўтамиз.

Главный тренер сборной РФ по футболу Станислав Черчесов и блогер Максим Истомин
Из личного архива Максима Истомина
Главный тренер сборной РФ по футболу Станислав Черчесов и блогер Максим Истомин

— Сенинг яқинларинг ва дўстларинг ушбу эфирга қандай муносабатда бўлишди?

— Улар мендан жуда хурсанд бўлишди, табриклашди. Нотаниш одамлар ҳам YouTubeдаги "Футбольный Максимум" каналимда жуда кўп изоҳлар қолдиришди ва ижобий баҳолар беришди.

—Сенга Шомуродовнинг ўйини нимаси билан ёқади?

— Менга унинг ажойиб яккахон ўтишлари (ҳужумлари), олдиндан кўра билиши, майдонни назорат қилиши ва “иккинчи қаватда” ўйнаши (бош билан) жуда ёқади.

— Сен у билан шахсан кўришганмисан?

— Ха, Элдор "Ростов" таркибида ўйнаган вақталарида бир неча маротаба ўйиндан сўнг ва ўйин олдидан. Бир-икки маротаба бирга расмга ҳам тушганмиз.

Юный блогер Максим Истомин с футболистом Эльдором Шомуродовым
Из личного архива Максима Истомина
Блогер Максим Истомин с футболистом Элдором Шомуродовым

— Сенингча, Шомуродовда Европанинг топ клубларига ўтиш имкони борми?

— Албатта бор деб ўйлайман. Шомуродов — юқори даражали футболчи. Менимча, ҳозир унинг карьераси учун жуда тўғри келадиган вақт. У Италияда ўзини яхши кўрсатиши керак, ўшанда ҳаммаси амалга ошади.

 

—YouTubeдаги каналлар ёки бошқа футбол экспертлари билан рақобат қилишдан қўрқмайсанми?

— Нимага улардан қўрқишим керак?  Мен ўзимнинг видеоларимни тайёрлайман, улар ўзлариникини. Менга ўзим қилаётган ишим ёқади. Менимча, мухлисларимга ҳам.

— Сен изоҳларга жавоб беришга улгураяпсанми?

— Сўнгги вақтларда уларнинг сони жуда ошгани учун барчага жавоб еришга улгурмаяпман, лекин ҳаракат қилаяпман.  

— Каналингга реклама таклифлари ҳам келиб тушаяптими? Пул ишлашга қандай муносабатдасан?

— Монетизация имкони ҳали уланмаган. Реклама таклифлари ҳам келгани йўқ. Келса ўйлаб кўрамиз.

— Сенга видеоларни суратга олишда ва монтаж қилишда ким ёрдам бераяпти?

— Суратга олишда дадам, монтажда – танишимиз, ҳужжатли фильм режиссери Анна Барсукова ёрадм бераяпти. Бизларнинг ғояларимизни сифатли контентга айлантираётгани учун у кишига улкан раҳмат.

— Ота-онанг сенинг муваффақиятларингга қандай муносабат билдиришмоқда?

— Ота-онам жуда хурсанд. Улар ҳам доим мени қўллаб-қувватлаб келишган. Уларнинг ёрдамисиз мен мақсадларимга эриша олмаган бўлардим!

Футболист Денис Черышев и блогер Максим Истомин
Из личного архива Максима Истомина
Футболист Денис Черышев и блогер Максим Истомин
358

ФИФА Ўзбекистонда VAR тизимидан фойдаланишга расман рухсат берди

69
ФИФА 2021 йилги мавсумда ЎФА ҳамда ЎзПФЛ томонидан ташкил этиладиган футбол учрашувларида VAR тизимини қўллашга рухсат берди.

ТОШКЕНТ, 2 мар — Sputnik. ФИФА Ўзбекистонда 2021 йилги мавсумдан бошлаб футбол учрашувларида VAR (Video Assistant Referee, видео ёрдамчи ҳакам) тизимидан фойдаланишга рухсат берди. Бу ҳақда ЎФА матбуот хизмати хабар қилмоқда.

Таъкидланишича, ЎФА барча тегишли ҳужжатларни ФИФА VAR платформасига юклаган. Шунингдек, ўзбекистонлик VAR тизими мутахассисларининг 2020 йилги синов ўйинларида қайд этган натижалари ФИФА томонидан инобатга олинган.

“Шу сабабли ФИФА 2021 йилги мавсумда ЎФА ҳамда ЎзПФЛ томонидан ташкил этиладиган футбол учрашувларида VAR тизимини қўллашга рухсат берди”, - дейилган хабарда.

Эслатиб ўтамиз, президент фармони билан 2021 йилги футбол мавсумидан бошлаб Суперлига жамоалари ўртасидаги учрашувларда адолат ва шаффофликни таъминлаш мақсадида VAR тизимини жорий этиш белгиланган эди.

69
Председатель Правления акционерного общества «Узбекнефтегаз» Мехриддин Абдуллаев

“Ўзбекнефтгаз” раҳбари “Бунёдкор” футбол клуби президенти этиб тайинланди

102
“Бунёдкор” футбол клуби Кузатув кенгашининг йиғилишида клубга янги президент тайинлаш масаласи кўриб чиқилди.

ТОШКЕНТ, 2 мар — Sputnik. “Ўзбекнефтгаз” АЖ бошқарув раиси Меҳриддин Абдуллаев “Бунёдкор” футбол клуби президенти этиб тайинланди. Бу ҳақда клуб матбуот хизмати хабар берди.

1 март куни бўлиб ўтган “Бунёдкор” футбол клубининг Кузатув кенгаши йиғилишида клуб моддий-техник базасини янада мустаҳкамлаш, мусобақаларда муваффақиятли иштирок этишини таъминлаш ва бошқа бир қатор ташкилий масалалар муҳокама қилинган. Бундан ташқари, клубга янги президент тайинлаш масаласи ҳам кўриб чиқилган.

“Ўзбекнефтгаз” акциядорлик жамияти бошқарув раиси Меҳриддин Раззоқович Абдуллаев расман “Бунёдкор” футбол клуби президенти этиб тайинланди”, - дейилган хабарда.

"Ўзбекнефтгаз" эндиликда жамоанинг бош ҳомийси бўлади. Илгари "Ўзтрансгаз" бўлган.

Меҳриддин Абдуллаев 1969 йил Бухоро вилояти Жондор туманида туғилган. Мутахассислиги – иқтисодчи, ҳуқуқшунос. У 2020 йил январидан "Ўзбекнефтгаз"га раҳбарлик қилиб келмоқда. Шунингдек, у Ўзбекистон  Молия вазирлиги, Бухоро вилояти ҳокимлиги, Ўзбекистон миллий банки ва Ўзбекистон Ҳисоб палатасида турли раҳбарлик лавозимларида фаолият юритган.

102
Попрошайки в Ташкенте

Тошкент ва бошқа шаҳарларда тиланчилар кўпайиб кетган Сенат

33
(Янгиланган 14:54 07.03.2021)
Сенат қўмитаси аҳоли ҳаракати гавжум бўлган кўчалар, хиёбонлар, бозорлар, автотранспорт воситаларини вақтинча сақлаш жойлари ва чорраҳаларда тиланчилар кўпайганини маълум қилди.

ТОШКЕНТ, 7 мар — Sputnik. 4 март куни Олий Мажлис Сенати Мудофаа ва ҳавфсизлик масалалари қўмитаси 3 февраль куни ИИВга юборилган мурожаат жавобини кўриб чиқди. Унда республиканинг барча ҳудудларида, хусусан, Тошкент шаҳрида тиланчилик қилувчи шахслар сони кўпайиб кетишининг олдини олиш бўйича зарур чора-тадбирлар кўриш сўралган эди.

Сенаторлар сўнгги пайтларда аҳоли ҳаракати гавжум бўлган кўчалар, хиёбонлар, бозорлар ва уларга туташ ҳудудлардаги автотранспорт воситаларини вақтинча сақлаш жойлари ҳамда чорраҳаларда тиланчилик қилиб келаётган шахслар кўплаб учраётганини таъкидлашди.

“Бу эса, ўз навбатида, тиланчи шахслар томонидан фуқароларнинг юришига қўймай, автомобил йўлларида эса транспорт воситалари ҳаракатланишига хавф туғдириб қатъий туриб садақа сўраши кишининг таъбини хира қилиши табиий. Бундай нохуш ҳолатлар аҳоли кайфиятига салбий таъсир этиб, уларнинг ҳақли эътирозларига сабаб бўлмоқда”, - дейилган хабарда.

Мамлакат қонунчилигида айнан тиланчилик қилганлик учун маъмурий ва жиноий жавобгарлик масаласи белгиланган бўлса-да, ушбу норманинг ҳаётда қатъий ишламаётгани бундай шахсларнинг кундан кун кўпайиб боришига замин бўлмоқда, деб ҳисоблашади сенаторлар.

ИИВ патруль-пост, йўл патруль хизмати ҳамда ҳуқуқбузарликлар профилактикаси ходимлари кўрсатилган жойларда тегишли топшириқлар асосида чора-тадбирларни амалга ошираётганини маълум қилган.

Натижада январь ва февраль ойининг 20 кунлик даврида тиланчилик билан шуғулланиб юрган 131 нафар шахсларга нисбатан маъмурий баённома расмийлаштирилиб, уларга нисбатан 8 млн. сўмга яқин жарима жазоси белгиланган. 1 нафар ҳуқуқбузарга нисбатан эса маъмурий қамоқ жазоси тайинланган.

33
Теглар:
сенат