"Namangan Flowers-2019": Наманганда мисли кўрилмаган гуллар паради ўтказилади

512
Намангандаги анжуманга бир қатор хорижий ОАВ вакиллари, жумладан, Россия, Хитой, Туркия, Эрон, Ҳиндистон ва Қирғизистон давлатларининг ахборот агентлик ҳамда телевидениелари ташриф буюриши кўзда тутилган.

ТОШКЕНТ, 24 май - Sputnik. Жорий йил 26-майдан 1-июнга қадар Наманганда 59-маротаба "Гуллар байрами" ўтказилади, деб хабар қилди ” Туризмни ривожлантириш давлат қўмитаси матбуот хизмати.

Ўтган йил байрамда иштирок этиш учун Жанубий Корея, Россия, Туркия, Голландия, Қирғизистон, Тожикистон, Қозоғистон, Туркманистон сингари кўплаб давлатлардан меҳмонлар келишган бўлса, бу йил ҳам тадбирни ҳамкорликда ташкил этиш ва томоша қилиш учун кўплаб мутахассислар ҳамда сайёҳлар ташриф буюриши режалаштирилмоқда.

Ўзбекистон президенти Шавкат Мирзиёевнинг Наманган вилояти жамоатчилиги билан сайловолди учрашувида “Гуллар байрами”ни халқаро миқёсга олиб чиқиш юзасидан билдирган таклифини вилоят аҳли тезкор равишда рўёбга чиқаришди, дейилади хабарда.

Жорий йилда Наманган шаҳрининг марказий кўчалари бўйлаб "Гуллар паради" ҳамда Заҳириддин Муҳаммад Бобур номидаги маданият ва истироҳат боғида ташкил этиладиган "Namangan Flowers-2019" тадбирининг дастурига кўра, анжуман гул билан безатилган 100 дан ортиқ автомашиналар карвонининг шаҳар кўчалари бўйлаб сайридан бошланади.

Бобур боғида гулчи-тадбиркорлар, шаҳардаги корхона ва ташкилотлар томонидан ташкил қилинган гуллар кўргазмаси ўтказилади.

Namangan Flowers-2019: небывалый праздник цветов пройдет в Узбекистане

Байрамда 150 нафардан ортиқ гулчи-тадбиркор, 100 дан ортиқ корхона ва ташкилот томонидан гуллар кўргазмаси намойиш этилади. Ўтган йили байрамда гуллардан композициялар яратиш учун Бобур номидаги маданият ва истироҳат боғига 3,5 миллион туп гул кўчати экилган эди. Бу йил уларнинг сони 5 миллиондан ошган.

Намангандаги анжуманга бир қатор хорижий ОАВ вакиллари, жумладан, Россия, Хитой, Туркия, Эрон, Ҳиндистон ва Қирғизистон давлатларининг ахборот агентлик ҳамда телевидениелари ташриф буюриши кўзда тутилган.

 

512
Генеральный директор туроператора Дельфин Сергей Ромашкин

Эксперт: МДҲ давлатлари билан авиаташувларни тиклаш ҳақида гапиришга ҳали эрта

221
Туту.ру аналитика маркази томонидан ўтказилган сўров натижалари барча турдаги чипталарга бўлган талаб ошганини кўрсатди. "Дельфин" туристик компанияси бош директори Сергей Ромашкин ушбу ҳолатга изоҳ берди.

Туту.ру саёҳат ва сафарлар сервиси аналитика маркази сўров ўтказди ва Москва аҳолиси фаол равишда Симферополь, Анапа, Сочи ва Минерал сувларга чипта харид қилишаётганини аниқлади. Июнь ойида чет элга чиқиш учун авиачипталарга талаб нисбатан ошган. Чипталар энг кўп Ўзбекистон, Молдавия, Арманистон ва Беларусьга харид қилинган.

"Дельфин" туристик компанияси бош директори Сергей Ромашкиннинг сўзларига кўра, Туту.ру сервисида чипталарни кўпроқ сайёҳлар эмас, балки меҳнат мигрантлари харид қилмоқда. У бошқа давлатлар фуқаролари ҳам чегаралар очилгач, ўз мамлакатларига қайтишдан умидвор эканликларини қайд этиб ўтди.

"Мени назаримда, 2020-йил ички туризм йили бўлади, шу боис жорий йилда МДҲ мамлакатлари, Россияга яқин ёки чегарадош бўлган давлатлар билан авиаташувларни тиклаш ҳақида гапиришга ҳали эрта", - деди Ромашкин Sputnik Ўзбекистон билан суҳбатда.

Эксперт шунингдек, чипталарга бўлган талаб ўтган йилги кўрсаткичга қараганда икки баравар кўплигига эътибор қаратди.

У бу вазиятни парадоксал деб билади, негаки кўплаб туристлар даромаддан маҳрум бўлган ва ишсиз қолган.

Ромашкиннинг фикрича, ҳозирда ички туризмни ривожлантириш истиқболлари мавжуд, бошқа давлатларга саёҳат борасида эса бундай деб бўлмайди.

221

Шаҳрисабзда II мақом санъати анжумани ўтказилади

238
(Янгиланган 19:34 02.07.2020)
Айни пайтда Шаҳрисабзда ушбу нуфузли анжуманни юқори савияда ташкил этиш учун тайёргарлик ишлари бошлаб юборилган.

ТОШКЕНТ, 2 июл - Sputnik. Шаҳрисабзда II мақом санъати анжумани ўтказилади, деб хабар берди Sputnik Ўзбекистонга Туризмни ривожлантириш давлат қўмитаси Қашқадарё вилояти ҳудудий бошқармаси бош мутахассиси Асрор Аллаяров.

Халқаро тадбир жорий йилнинг 5-10 сентябрь кунлари "Фестиваллар шаҳри" – Шаҳрисабзда ўтказилиши режалаштирилган.

Ўзбекистон бош вазирининг 30 июндаги II Халқаро мақом санъати анжуманига тайёргарлик кўриш ва ўтказиш бўйича Ташкилий қўмита мажлиси ўтказилиб, йиғилиш баёни тасдиқланди.

Унда ушбу нуфузли анжуманнинг иккинчи маротаба ўтказилишига тайёргарлик кўриш, хорижий иштирокчиларни янада кўпроқ жалб этиш ва уларга мақом санъати тўғрисида кўпроқ маълумот бериш, анжуман географиясини янада кенгайтириш зарурлиги, иштирокчиларни ўзбек бой маданий мероси, санъати, урф-одатлари билан яқиндан таништириш масалалари муҳокама қилинди.

Айни пайтда Шаҳрисабзда ушбу нуфузли анжуманни юқори савияда ташкил этиш учун тайёргарлик ишлари бошлаб юборилган.

Анжуманни юқори савияда ўтказиш бўйича ташкилий гуруҳ шакллантирилиб, тегишли ташкилотларга бажарилиши лозим бўлган вазифалар белгилаб берилган.

Эслатиб ўтамиз I халқаро мақом санъати анжумани 2018 йилнинг 6-10 сентябрь кунлари Шаҳрисабз шаҳрининг тарихий марказида ўтказилган бўлиб, унда жаҳоннинг 75 мамлакатидан яккахон хонандалар, фольклор жамоалари, дипломатик корпус вакиллари иштирок этганди.
,

238
Подпись документов

Мирзиёев Соғлиқни сақлаш вазирлигида муҳим тайинловларни амалга оширди

0
Тайинловларнинг аксарияти вакант ўринларни тўлдириш ҳамда соғлиқни сақлаш тизими олдида турган долзарб вазифаларни ҳал этиш билан боғлиқдир

ТОШКЕНТ, 3 июл - Sputnik. Соғлиқни сақлаш вазири тўрт нафар янги ўринбосарга эга бўлди.

Ўзбекистон президентининг 3 июлдаги тегишли қарорига асосан Соғлиқни сақлаш вазирининг ўринбосари лавозимига Улуғбек  Сабиров тайинланди.

Сабиров 1974 йилда туғилган. 1997 йилда Тошкент давлат иккинчи тиббиёт институти (ҳозирги Тошкент тиббиёт академияси)нинг даволаш иши мутахассислиги бўйича тамомлаган, тиббиёт фанлари доктори.

Тайинловга қадар Дерматология ва венерология илмий текшириш институтида турли лавозимларда ишлаган. 2013 йилдан айни пайтга қадар Республика ихтисослаштирилган дерматология ва косметология илмий-амалий тиббиёт маркази директори лавозимида самарали фаолият юритиб келган.

Баситханова Эльмира Иркиновна яна вазирликка қайтди, у вазир ўринбосари этиб тайинланди.

Шунингдек, Молия вазири ўринбосари Шахрух Шарахметов Соғлиқни сақлаш вазирининг ўринбосари лавозимига тайинланди.

Шу вақтгача ушбу лавозимда фаолият кўрсатиб келган Баходир Низомов бошқа ишга ўтганлиги муносабати билан ўз лавозимидан озод этилди.

Шарахметов 1977 йилда туғилган. 1998 йилда Тошкент давлат иқтисодиёт университетини, 1999 йилда эса Буюк Британиянинг Эксетер университетини иқтисодчи, молия ва инвестициялар мутахассислиги бўйича тамомлаган.

Тайинловга қадар Молия вазири ўринбосари лавозимида самарали фаолият кўрсатиб келган.

Тайинловларнинг аксарияти вакант ўринларни тўлдириш ҳамда соғлиқни сақлаш тизими олдида турган долзарб вазифаларни ҳал этиш билан боғлиқдир.

Шунингдек, Ўзбекистон президентининг тегишли қарорига асосан Соғлиқни сақлаш вазирининг ўринбосари лавозимига Абдулла Азизов тайинланди.

Азизов 1981 йилда туғилган. 2003 йилда Япониянинг Нагоя университетини, 2004 йилда Жаҳон иқтисодиёти ва дипломатия университетини молия ва халқаро бизнес йўналиши бўйича магистр даражасини олган.

Шунингдек, Даниянинг Орхус университети магистратурасини, Орхус техника коллежини IT-дастурчи мутахассислиги бўйича тамомлаб, ушбу йўналишда меҳнат фаолиятини бошлаган.

Тайинловга қадар 2006 – 2019 йилларда Данияда қатор нуфузли компанияларда масъул лавозимларда ишлаган. 2019 йил сентябр ойидан айни пайтга қадар Ўзбекистон Республикаси Давлат солиқ қўмитаси раиси ўринбосари лавозимида самарали фаолият юритиб келган.

0