Дмитрий Горин

Ўзбекистон туризм соҳасида россияликлар учун Грузия муқобили бўлиши мумкин - эксперт

301
(Янгиланган 17:25 25.06.2019)
Ростуризм раҳбари маслаҳатчиси, Россия туроператорлари уюшмаси вице-президенти Дмитрий Горин Sputnik радио эфирида бу йил Грузияда дам ололмайдиган сайёҳлар қайси давлатларга йўл олишлари мумкинлиги ҳақидаги фикрлари билан ўртоқлашди.

Саккизинчи июлдан бошлаб Россия президенти Владимир Путиннинг Россия авиаташувчиларига Грузияга парвоз қилишни тақиқловчи фармони кучга киради. Бу Грузияда русофоб ҳолати кучайгани туфайли қабул қилинди. Бундан ташқари, туроператорлар Россиядан Грузияга йўлланмалар сотишни бекор қилишмоқда.

Экспертнинг сўзларига кўра, Грузиянинг муқобили сифатида мамлакат танлашда сайёҳлар уч кўрсатгичга эътибор қаратишади: эркин кириш, чунки Грузия россияликлар учун визасиз мамлакат эди, бюджет ва саёҳат қилиш имкониятлари.

“Сўнгги йилларда саёҳатчилар учун қўшни давлат туризм бозорларига талаб катта. Агар экскурсия туризмини оладиган бўлсак, бу Ереван, оммабоп Боку ҳамда Ўзбекистон”, - дейди Горин.

Шунингдек, у россияликлар МДҲ мамлакатлари бўйлаб саёҳат қилишларини таъкидлади, чунки у ерларда маданий-тарихий, экскурсия ва гастрономик туризм учун кенг имкониятлар яратилган.

Аввалроқ Ўзбекистонга ташриф буюрувчи россиялик туристлар сони 2018 йилда уч бараварга ошгани хабар қилинган эди. Давлат туризм қўмитаси раисининг биринчи ўринбосари вазифасини бажарувчи Улуғбек Қосимхўжаевнинг маълум қилишича, 2018 йилда Россиядан 371,5 минг киши келган.

Ҳозирда икки мамлакат давлат ва хусусий туризм операторлари томонидан россияликларнинг Ўзбекистонда қулай ва хавфсиз саёҳат қилишлари учун етарлича шароитлар яратиш устида иш олиб борилмоқда.ҳ. 2018 йилнинг охирида Ўзбекистон делегацияси “Ўзбекистон бўйлаб саёҳат қил” лойиҳаси доирасида мамлакатнинг туристлик имкониятини намойиш қилиш мақсадида Екатеринбург, Уфа, Қозон ва Новосибирск шаҳарларига ташриф буюришган эди.

301
Во всех исторических объектах Самарканда установлены дезинфицирующие тунели.

Сўров якунлари: россиялик туристлар Ўзбекистонга бўлган парвозлар билан қизиқмоқда

193
Россиялик сайёҳларнинг учдан бир қисми келажакда хорижга саёҳат қилиш учун пул ажратиб қўйган. Уларнинг аксариятини МДҲ шаҳарларига, жумладан, Тошкент ва Самарқандга бўлган парвозлар қизиқтирмоқда.

ТОШКЕНТ, 6 июл — Sputnik. Россиялик сайёҳларнинг учдан бир қисми келажакда хорижга саёҳат қилиш учун пул ажратиб қўйган. Бу ҳақда РИА Новости OneTwoTrip онлайн-сервис тадқиқотига таянган ҳолда хабар қилмоқда.

Компания ходимлари ижтимоий тармоқда сўров ўтказишган, унда 1706 киши иштирок этган. Россияликлардан келажакда халқаро парвозлар тикланиши билан улар чет элда дам олишга тайёргарлик кўраётгани ёки йўқлиги ҳақида сўралган.

Сўровда иштирок этганларнинг 31 фоизи улар албатта бормоқчи бўлган мамлакат, шаҳар ва диққатга сазовор жойлар рўйхатини тузган. 33 фоизи бошқа мамлакатларга саёҳат учун пул ажратиб қўйган. Респондентларнинг 48 фоизи чипталар нархини диққат билан кузатишини айтган.

OneTwoTrip маълумотларига кўра, уларнинг энг кўп мижозлари Москвдан Тошкент ва Самарқанд (Ўзбекистон), Душанбе ва Хўжанд (Тожикистон), Ўш ва Бишкек (Қирғизистон), Ереван (Арманистон), Боку (Озарбайжон), Истанбул (Туркия) ва Минск (Беларусь)га бўлган парвозлар билан қизиқишган.

193
Отдых на Чарваке

"Ўзбекистон Швейцарияси" маҳаллий сайёҳлар учун чўнтакбоп бўлади

1178
(Янгиланган 13:47 04.07.2020)
Маҳаллий ҳукумат нафақат туристларнинг қулай ҳордиқ чиқариши, балки улар саломатлиги хавфсизлигини таъминлаш борасида ҳам қайғурган. Бу учун нафақат ҳуқуқни муҳофаза қилиш органлари вакиллари, балки туристик полиция хизматларидан ҳам фойдаланилмоқда.

ТОШКЕНТ, 4 июл - Sputnik. Тошкент вилоятида туристик сезон ўз фаол фазасига кирди ва бошқа вилоятлар аҳолисини қарши олишга тайёр, деб маълум қилди Sputnik Ўзбекистон мухбирига Тошкент вилояти ҳокимлиги туризм департаментининг туристик инфратузилмани мувофиқлаштириш бўйича бошқарма раҳбари Эркин Норбоев.

Норбоевнинг сўзларига кўра, ёзги дам олиш мавсумида маҳаллий аҳоли халқаро рейслар очилишини кутиб ўтирмасдан, "Ўзбекистон Швейцарияси" номини олган - сўлим Бўстонлиқ гўшасида дам олишлари мумкин.

Коронавирус пандемия туфайли туризм соҳаси катта инқирозларга юз тутганига қарамай, вилоят мутасаддилари бош вазир топшириғига асосан Бўстонлиқ туманидаги дам олиш гўшалари, тоғли ҳудудларда маҳаллий туристларнинг ҳордиқ чиқаришлари учун чўнтакбоп шарт-шароитларни яратмоқда.

Хусусан, Тошкент шаҳри ва вилоятлардан ташриф буюрадиган туристлар учун бу ерда енгил конструкцияли палатка-шаҳарчалар, кэмпинглар ва контейнерли қурилмалар бунёд этилмоқда.

"Улар кенг оммага мўлжалланган ва чўнтакбоп нархларда бўлади", - дея аниқлик киритди Норбоев.

Шунингдек, йўл олди инфратузилмаси бўйлаб ҳам қулай ва арзон турар-жойлар: меҳмонхоналар, хостеллар ва меҳмон-уйлар вужудга келтирилмоқда.

Маҳаллий ҳукумат нафақат туристларнинг қулай ҳордиқ чиқариши, балки улар саломатлиги хавфсизлигини таъминлаш борасида ҳам қайғурган. Туристлар хавфсизлиги учун барча шарт-шароитлар ҳозирланган. Бу учун нафақат туризм департаменти ходимлари, балки тегишли инструктаждан ўтган туристик полиция хизматларидан ҳам фойдаланилмоқда.

Эслатиб ўтамиз, 1 июнь санасидан Ўзбекистоннинг "яшил" ва "сариқ" ҳудудларида ички туризм қайта йўлга қўйилган эди. Туроператорлар, турагентликлар, маданият объектлари санитария-гигиена нормалари ва талабларига қатъий амал қилган ҳолда ўз фаолиятларини бошлашлашлари белгиланганди.

1178

Лавров ядровий зиддият хатарлари ошгани ҳақида гапирди

25
Россия ТИВ раҳбари АҚШ қурол-аслаҳалар назорати архитектурасини тубдан вайрон қилаётганига урғу берди.

ТОШКЕНТ, 10 июл - Sputnik. Сўнгги вақтларда ядровий қарама-қаршилик хавфлари жиддий ортди, АҚШ стратегик барқарорлик атамасидан воз кечмоқда, дея баёнот берди Россия ташқи ишлар вазири Сергей Лавров.

"Сўнгги вақтларда ядровий хавфлар сезиларли даражада ошгани, хавфсизлик ва халқаро стратегик барқарорлик соҳасидаги вазият очиқчасига ёмонлашаётганига қўшиламан. Бунинг сабаблари барчага аён: АҚШ глобал доминантликни қайтаришга ҳаракат қилмоқда ва улар катта кучлар рақобати дея атайдиган нарсада ғалабага эришишни истамоқда, у стратегик барқарорлик атамасидан воз кечиб, эндиликда уни стратегик рақобат дея атамоқда. АҚШ ғалаба қозонишни истаяпти", - деди Лавров "Примаков сабоқлари" онлайн-сессияси давомида.

Россия ТИВ раҳбари АҚШ қурол-аслаҳалар назорати архитектурасини тубдан вайрон қилаётганига урғу берди.

25