Хоким Сурхандарьинской области Тура Боболов

Сурхондарё тарихи дунё халқлари тарихининг ажралмас қисмидир вилоят ҳокими

382
(Янгиланган 15:34 24.08.2019)
Cурхон воҳаси узоқ ва бой тарихга эга ва вилоятда 559 та маданий мерос ёдгорликлари мавжуд.

ТОШКЕНТ, 24 авг – Sputnik. Термиз шаҳрида “Ўзбекистон цивилизациялар чорраҳаси” конференцияси бўлиб ўтмоқда, деб хабар қилмоқда Sputnik Ўзбекистон мухбири.

Сўзга чиққан Сурхондарё вилояти ҳокими Тўра Боболов Сурхондарё вилояти тарихи фақатгина бир мамлакат ёки халқнинг тарихи бўлиб қолмай, балки дунё халқлари тарихининг ажралмасмас қисми эканини қайд этди. Вилоят ҳокими Cурхон воҳаси узоқ ва бой тарихга эгалиги ва вилоятда 519 та маданий мерос ёдгорликлари мавжудлигини маълум қилди.

Шунингдек, академик Эдвар Ртвеладзе раҳбарлигида Кампиртепада олиб борилган тадқиқотлар натижаси ─ Оксиана Искандарияси ҳақида маълумотлар эълон қилиниши ва бу ҳеч кимни бефарқ қолдирмаслигини таъкидлади.

Конференция иштирокчилари Сурхондарё ҳудудидаги қадимги шаҳарчалар, қазишма ҳудудлари, тарихий ёдгорликларни бориб кўришади.

Ўзбекистонда 22-27 август кунлари “Ўзбекистон буюк йўллар ва цивилизациялар чорраҳаси: империялар, динлар, маданиятлар” маданий мерос ҳафталиги бўлиб ўтмоқда. Ҳафталик анъанавий “Шарқ тароналари” XII халқаро мусиқа фестивали билан якунига етади.

382
Отдых на Чарваке

"Ўзбекистон Швейцарияси" маҳаллий сайёҳлар учун чўнтакбоп бўлади

974
(Янгиланган 13:47 04.07.2020)
Маҳаллий ҳукумат нафақат туристларнинг қулай ҳордиқ чиқариши, балки улар саломатлиги хавфсизлигини таъминлаш борасида ҳам қайғурган. Бу учун нафақат ҳуқуқни муҳофаза қилиш органлари вакиллари, балки туристик полиция хизматларидан ҳам фойдаланилмоқда.

ТОШКЕНТ, 4 июл - Sputnik. Тошкент вилоятида туристик сезон ўз фаол фазасига кирди ва бошқа вилоятлар аҳолисини қарши олишга тайёр, деб маълум қилди Sputnik Ўзбекистон мухбирига Тошкент вилояти ҳокимлиги туризм департаментининг туристик инфратузилмани мувофиқлаштириш бўйича бошқарма раҳбари Эркин Норбоев.

Норбоевнинг сўзларига кўра, ёзги дам олиш мавсумида маҳаллий аҳоли халқаро рейслар очилишини кутиб ўтирмасдан, "Ўзбекистон Швейцарияси" номини олган - сўлим Бўстонлиқ гўшасида дам олишлари мумкин.

Коронавирус пандемия туфайли туризм соҳаси катта инқирозларга юз тутганига қарамай, вилоят мутасаддилари бош вазир топшириғига асосан Бўстонлиқ туманидаги дам олиш гўшалари, тоғли ҳудудларда маҳаллий туристларнинг ҳордиқ чиқаришлари учун чўнтакбоп шарт-шароитларни яратмоқда.

Хусусан, Тошкент шаҳри ва вилоятлардан ташриф буюрадиган туристлар учун бу ерда енгил конструкцияли палатка-шаҳарчалар, кэмпинглар ва контейнерли қурилмалар бунёд этилмоқда.

"Улар кенг оммага мўлжалланган ва чўнтакбоп нархларда бўлади", - дея аниқлик киритди Норбоев.

Шунингдек, йўл олди инфратузилмаси бўйлаб ҳам қулай ва арзон турар-жойлар: меҳмонхоналар, хостеллар ва меҳмон-уйлар вужудга келтирилмоқда.

Маҳаллий ҳукумат нафақат туристларнинг қулай ҳордиқ чиқариши, балки улар саломатлиги хавфсизлигини таъминлаш борасида ҳам қайғурган. Туристлар хавфсизлиги учун барча шарт-шароитлар ҳозирланган. Бу учун нафақат туризм департаменти ходимлари, балки тегишли инструктаждан ўтган туристик полиция хизматларидан ҳам фойдаланилмоқда.

Эслатиб ўтамиз, 1 июнь санасидан Ўзбекистоннинг "яшил" ва "сариқ" ҳудудларида ички туризм қайта йўлга қўйилган эди. Туроператорлар, турагентликлар, маданият объектлари санитария-гигиена нормалари ва талабларига қатъий амал қилган ҳолда ўз фаолиятларини бошлашлашлари белгиланганди.

974
Генеральный директор туроператора Дельфин Сергей Ромашкин

Эксперт: МДҲ давлатлари билан авиаташувларни тиклаш ҳақида гапиришга ҳали эрта

402
Туту.ру аналитика маркази томонидан ўтказилган сўров натижалари барча турдаги чипталарга бўлган талаб ошганини кўрсатди. "Дельфин" туристик компанияси бош директори Сергей Ромашкин ушбу ҳолатга изоҳ берди.

Туту.ру саёҳат ва сафарлар сервиси аналитика маркази сўров ўтказди ва Москва аҳолиси фаол равишда Симферополь, Анапа, Сочи ва Минерал сувларга чипта харид қилишаётганини аниқлади. Июнь ойида чет элга чиқиш учун авиачипталарга талаб нисбатан ошган. Чипталар энг кўп Ўзбекистон, Молдавия, Арманистон ва Беларусьга харид қилинган.

"Дельфин" туристик компанияси бош директори Сергей Ромашкиннинг сўзларига кўра, Туту.ру сервисида чипталарни кўпроқ сайёҳлар эмас, балки меҳнат мигрантлари харид қилмоқда. У бошқа давлатлар фуқаролари ҳам чегаралар очилгач, ўз мамлакатларига қайтишдан умидвор эканликларини қайд этиб ўтди.

"Мени назаримда, 2020-йил ички туризм йили бўлади, шу боис жорий йилда МДҲ мамлакатлари, Россияга яқин ёки чегарадош бўлган давлатлар билан авиаташувларни тиклаш ҳақида гапиришга ҳали эрта", - деди Ромашкин Sputnik Ўзбекистон билан суҳбатда.

Эксперт шунингдек, чипталарга бўлган талаб ўтган йилги кўрсаткичга қараганда икки баравар кўплигига эътибор қаратди.

У бу вазиятни парадоксал деб билади, негаки кўплаб туристлар даромаддан маҳрум бўлган ва ишсиз қолган.

Ромашкиннинг фикрича, ҳозирда ички туризмни ривожлантириш истиқболлари мавжуд, бошқа давлатларга саёҳат борасида эса бундай деб бўлмайди.

402
Медицинский работник подключает пациента к аппарату ИВЛ в стационаре для больных с коронавирусной инфекцией на базе Тверской областной клинической больницы.

Коронавирус билан касалланган яна бир тошкентлик вафот этди

17
Ўзбекистонда коронавируснинг 32-қурбони қайд этилди. Бугун касалланган Шайхонтоҳур туманида яшовчи 71 ёшли М.Г. вафот этди.

ТОШКЕНТ, 5 июл — Sputnik. Ўзбекистонда коронавирусдан 32-ўлим қайд этилди. Бу ҳақда Соғлиқни сақлаш вазирлиги хабар қилмоқда.

Тошкент шаҳри Шайхонтоҳур туманида яшовчи, 71 ёшли онахон М.Г. жорий йил 30 июнь куни коронавирус аниқланганлиги сабабли Эпидемиология, микробиология ва юқумли касалликлар илмий-текшириш институти клиникасининг реанимация бўлимига ётқизилган.

Унга “юрак ишемик касаллиги, гипертония, стенокардия, қандли диабет, сурункали буйрак етишмовчилиги, икки томонлама пневмония оғир кечиши, ўткир нафас етишмовчилиги” ташхиси қўйилган.

Бемор бундан аввал, охирги 10 йил давомида юрак ишемик касаллиги, гипертония, стенокардия, қандли диабет, сурункали буйрак етишмовчилиги ташхиси билан даволаниб юрган. Сўнгги бир ой ичида эса режали гемодиализ муолажаларини олишни бошлаган.

Бироқ шифокорларнинг стандартлар асосида ўтказган тезкор реанимацион муолажаларига қарамасдан бемор ўткир юрак-қон томир ва ўпка етишмовчилигидан вафот этди.

17
Теглар:
Ўзбекистон, коронавирус