Визы, приглашения, прописка: новое положение от Правительства Узбекистана

Ўзбекистон визасиз мамлакатлар рўйхатини кенгайтирди

555
(Янгиланган 18:06 25.10.2019)
2020 йил 1 январдан бошлаб Ўзбекистонга фуқаролари визасиз кириши мумкин бўлган мамлакатлар сони 86 тага етади.

ТОШКЕНТ, 25 окт - Sputnik. Янги йилдан бошлаб Ўзбекистон фуқаролари визасиз республикага ташриф буюрадиган мамлакатлар рўйхатини кенгайтиради. Бу ҳақда Norma ахборот-ҳуқуқий портали хабар қилмоқда.

Умумий рўйхатга йил бошида чет элликларнинг алоҳида гуруҳлари учун жорий этилган кириш визаларининг қўшимча (электрон бўлмаган) тоифалари киритилган.

Фуқаролари учун Ўзбекистонда визасиз режим жорий қилинган мамлакатларнинг ягона рўйхати алоҳида тузилган.

Рўйхатга киритилган мамлакат фуқаролари Ўзбекистонда визасиз бўлишлари мумкин:

  • чекланмаган муддат: Озарбайжон, Грузия, Арманистон, Беларусь, Қозоғистон, Молдова, Россия, Украина);- 60 кунгача: Қирғизистон;
  • 30 кунгача: Австрия, Испания, Норвегия, Италия, Буюк Британия, Тожикистан, БАА ва бошқалар;
  • 7 кундан кўп бўлмаган: Хитой, шу жумладан Гонконг ММҲ –2020 йил 1 январдан ва қайтувчи авиачипта мавжуд бўлганда

Мамлакатларнинг тўлиқ рўйхати ва виза тоифалари билан қўйидаги ҳавола орқали танишишингиз мумкин.

Қайд этилишича, визасиз режим кўрсатиб ўтилган мамлакатлар ҳудудида доимий яшайдиган, фуқаролиги бўлмаган шахсларга нисбатан қўлланилмайди.

30 кунлик ва 60 кунлик визасиз режим давлат чегараси кесиб ўтилган вақтдан бошлаб амалга киради ва унинг тугашига қадар хорижий фуқаро республикадан чиқиб кетиши керак. Бу ерда 30 ёки 60 кундан кўп бўлиш зарурати ҳолатларида хорижий фуқаро кириш визалари тоифаларининг бирини унга расмийлаштириш учун зарур ҳужжатларни топшириши керак.

Эслатиб ўтамиз, Шавкат Мирзиёевнинг “Ўзбекистон Республикасида туризм соҳасини янада ривожлантириш чора-тадбирлари тўғрисида”ги фармони билан 2020 йил 1 январдан бошлаб 20 та мамлакат фуқаролари учун Ўзбекистон ҳудудига кирган кундан бошлаб 30 кун муддатга визасиз режим жорий этилади.

МДҲда умумий фуқароликни жорий этиш керак - Затулин

Визасиз режим жорий қилинган давлатлар: Антигуа ва Барбуда, Барбадос, Белиз, Гренада, Доминикан Республикаси, Мексика, Гватемала, Гондурас, Коста-Рика, Куба, Никарагуа, Панама, Тринидад ва Тобаго, Эль-Сальвадор, Сент-Винсент ва Гренадина, Сент-Люсия, Багам Ороллари Ҳамдўстлиги, Доминика Ҳамдўстлиги, Сент-Китс ва Невис Федерацияси, Ямайка.

555
Отдых на Чарваке

"Ўзбекистон Швейцарияси" маҳаллий сайёҳлар учун чўнтакбоп бўлади

978
(Янгиланган 13:47 04.07.2020)
Маҳаллий ҳукумат нафақат туристларнинг қулай ҳордиқ чиқариши, балки улар саломатлиги хавфсизлигини таъминлаш борасида ҳам қайғурган. Бу учун нафақат ҳуқуқни муҳофаза қилиш органлари вакиллари, балки туристик полиция хизматларидан ҳам фойдаланилмоқда.

ТОШКЕНТ, 4 июл - Sputnik. Тошкент вилоятида туристик сезон ўз фаол фазасига кирди ва бошқа вилоятлар аҳолисини қарши олишга тайёр, деб маълум қилди Sputnik Ўзбекистон мухбирига Тошкент вилояти ҳокимлиги туризм департаментининг туристик инфратузилмани мувофиқлаштириш бўйича бошқарма раҳбари Эркин Норбоев.

Норбоевнинг сўзларига кўра, ёзги дам олиш мавсумида маҳаллий аҳоли халқаро рейслар очилишини кутиб ўтирмасдан, "Ўзбекистон Швейцарияси" номини олган - сўлим Бўстонлиқ гўшасида дам олишлари мумкин.

Коронавирус пандемия туфайли туризм соҳаси катта инқирозларга юз тутганига қарамай, вилоят мутасаддилари бош вазир топшириғига асосан Бўстонлиқ туманидаги дам олиш гўшалари, тоғли ҳудудларда маҳаллий туристларнинг ҳордиқ чиқаришлари учун чўнтакбоп шарт-шароитларни яратмоқда.

Хусусан, Тошкент шаҳри ва вилоятлардан ташриф буюрадиган туристлар учун бу ерда енгил конструкцияли палатка-шаҳарчалар, кэмпинглар ва контейнерли қурилмалар бунёд этилмоқда.

"Улар кенг оммага мўлжалланган ва чўнтакбоп нархларда бўлади", - дея аниқлик киритди Норбоев.

Шунингдек, йўл олди инфратузилмаси бўйлаб ҳам қулай ва арзон турар-жойлар: меҳмонхоналар, хостеллар ва меҳмон-уйлар вужудга келтирилмоқда.

Маҳаллий ҳукумат нафақат туристларнинг қулай ҳордиқ чиқариши, балки улар саломатлиги хавфсизлигини таъминлаш борасида ҳам қайғурган. Туристлар хавфсизлиги учун барча шарт-шароитлар ҳозирланган. Бу учун нафақат туризм департаменти ходимлари, балки тегишли инструктаждан ўтган туристик полиция хизматларидан ҳам фойдаланилмоқда.

Эслатиб ўтамиз, 1 июнь санасидан Ўзбекистоннинг "яшил" ва "сариқ" ҳудудларида ички туризм қайта йўлга қўйилган эди. Туроператорлар, турагентликлар, маданият объектлари санитария-гигиена нормалари ва талабларига қатъий амал қилган ҳолда ўз фаолиятларини бошлашлашлари белгиланганди.

978
Генеральный директор туроператора Дельфин Сергей Ромашкин

Эксперт: МДҲ давлатлари билан авиаташувларни тиклаш ҳақида гапиришга ҳали эрта

409
Туту.ру аналитика маркази томонидан ўтказилган сўров натижалари барча турдаги чипталарга бўлган талаб ошганини кўрсатди. "Дельфин" туристик компанияси бош директори Сергей Ромашкин ушбу ҳолатга изоҳ берди.

Туту.ру саёҳат ва сафарлар сервиси аналитика маркази сўров ўтказди ва Москва аҳолиси фаол равишда Симферополь, Анапа, Сочи ва Минерал сувларга чипта харид қилишаётганини аниқлади. Июнь ойида чет элга чиқиш учун авиачипталарга талаб нисбатан ошган. Чипталар энг кўп Ўзбекистон, Молдавия, Арманистон ва Беларусьга харид қилинган.

"Дельфин" туристик компанияси бош директори Сергей Ромашкиннинг сўзларига кўра, Туту.ру сервисида чипталарни кўпроқ сайёҳлар эмас, балки меҳнат мигрантлари харид қилмоқда. У бошқа давлатлар фуқаролари ҳам чегаралар очилгач, ўз мамлакатларига қайтишдан умидвор эканликларини қайд этиб ўтди.

"Мени назаримда, 2020-йил ички туризм йили бўлади, шу боис жорий йилда МДҲ мамлакатлари, Россияга яқин ёки чегарадош бўлган давлатлар билан авиаташувларни тиклаш ҳақида гапиришга ҳали эрта", - деди Ромашкин Sputnik Ўзбекистон билан суҳбатда.

Эксперт шунингдек, чипталарга бўлган талаб ўтган йилги кўрсаткичга қараганда икки баравар кўплигига эътибор қаратди.

У бу вазиятни парадоксал деб билади, негаки кўплаб туристлар даромаддан маҳрум бўлган ва ишсиз қолган.

Ромашкиннинг фикрича, ҳозирда ички туризмни ривожлантириш истиқболлари мавжуд, бошқа давлатларга саёҳат борасида эса бундай деб бўлмайди.

409
Медицинский работник подключает пациента к аппарату ИВЛ в стационаре для больных с коронавирусной инфекцией на базе Тверской областной клинической больницы.

Коронавирус билан касалланган яна бир тошкентлик вафот этди

52
Ўзбекистонда коронавируснинг 32-қурбони қайд этилди. Бугун касалланган Шайхонтоҳур туманида яшовчи 71 ёшли М.Г. вафот этди.

ТОШКЕНТ, 5 июл — Sputnik. Ўзбекистонда коронавирусдан 32-ўлим қайд этилди. Бу ҳақда Соғлиқни сақлаш вазирлиги хабар қилмоқда.

Тошкент шаҳри Шайхонтоҳур туманида яшовчи, 71 ёшли онахон М.Г. жорий йил 30 июнь куни коронавирус аниқланганлиги сабабли Эпидемиология, микробиология ва юқумли касалликлар илмий-текшириш институти клиникасининг реанимация бўлимига ётқизилган.

Унга “юрак ишемик касаллиги, гипертония, стенокардия, қандли диабет, сурункали буйрак етишмовчилиги, икки томонлама пневмония оғир кечиши, ўткир нафас етишмовчилиги” ташхиси қўйилган.

Бемор бундан аввал, охирги 10 йил давомида юрак ишемик касаллиги, гипертония, стенокардия, қандли диабет, сурункали буйрак етишмовчилиги ташхиси билан даволаниб юрган. Сўнгги бир ой ичида эса режали гемодиализ муолажаларини олишни бошлаган.

Бироқ шифокорларнинг стандартлар асосида ўтказган тезкор реанимацион муолажаларига қарамасдан бемор ўткир юрак-қон томир ва ўпка етишмовчилигидан вафот этди.

52
Теглар:
Ўзбекистон, коронавирус