Ўн ой ичида Тошкентга келган сайёҳлар сони маълум қилинди

© Sputnik / Рамиз БахтияровИзобилие различных фонтанов на территории Ташкент-Сити
Изобилие различных фонтанов на территории Ташкент-Сити - Sputnik Ўзбекистон
Oбуна бўлиш
Жорий йилнинг январь ойидан октябрь ойигача бўлган давр ичида Тошкент шаҳрига келган сайёҳлар оқими 42% га ўсди.

ТОШКЕНТ, 9 ноя — Sputnik. 2019 йилнинг январь-октябрь ойларида Тошкентга 498 731 нафар сайёҳ ташриф буюрди. Ўтган йилга қараганда сайёҳлар оқими 42% га ўсди. Бу ҳақда пойтахт ҳокимлиги хабар қилмоқда.

Маълум қилинишича, аввал хорижий туристлар Тошкентга асосан туристик мавсумда келган бўлса, ҳозирда бу вазият тубдан ўзгарган.

Тошкент шаҳар туризмни ривожлантириш департаменти мутасаддиларининг сўзларига кўра, ўртача ҳисобда сайёҳлар Тошкентда 2 кунга қолишади.

Фольклорные ансамбли представляли все области страны на фестивале Бойсун бахори - Sputnik Ўзбекистон
Машҳур блогер туристларга Қозоғистонга эмас, Ўзбекистонга боришни маслаҳат бермоқда

Ҳозир департамент уларнинг Тошкентда 3-4 кун қолиши учун ҳаракат қилмоқда. Бунинг учун ҳокимлик янги туристик йўналишларни ишлаб чиқмоқда ҳамда туристик ташкилот ва операторларга Тошкентни ўз маршрутларига киритишни ҳар ой таклиф қилиб бормоқда.

Эслатиб ўтамиз, сўнгги вақтларда Ўзбекистонда туризм соҳасини такомиллаштириш борасида кўплаб ислоҳотлар амалга оширилмоқда. Хусусан, мамлакат визасиз мамлакатлар рўйхатини кенгайтирди. Президент Ўзбекистонда бўлиш қоидаларини бузганлик учун жиноий жавобгарликни бекор қилди. Маълум қилинишича, мазкур қонуннинг қабул қилиниши мамлакатнинг туристик салоҳиятини янада юксалтиришга қаратилган ислоҳотларни тўла-тўкис юритилишига ҳуқуқий кафолат яратади. Бундан ташқари, мамлакатда туризмга бағишланган турли халқаро фестиваль ва ярмаркалар бўлиб ўтмоқда. Шунингдек, туристик фаолият ва хизматлар учун солиқ имтиёзлари берилган. 

Янгиликлар лентаси
0