На трассе слалома

“Амирсой” тоғ-чанғи курорти қачон очилиши маълум бўлди

306
(Янгиланган 09:44 18.12.2019)
“Амирсой” тоғ-чанғи курорти Ўзбекистондаги биринчи замонавий тоғ-чанғи курортдир. Лойиҳанинг умумий қиймати 100 млн. АҚШ долларини ташкил қилади.

ТОШКЕНТ, 18 дек – Sputnik. Жорий йилнинг 21 декабрь куни Тошкент вилояти Бўстонлиқ туманида “Амирсой” замонавий тоғ-чанғи курорти очилади. Бу ҳақда курорт очилишига бағишланган матбуот анжуманида маълум қилинди.

Туризмни ривожлантириш давлат қўмитаси хабарига кўра, лойиҳанинг биринчи босқичи 2019 йилнинг IV чорагида, иккинчи босқичи эса 2022 йилнинг III чорагида якунланиши режалаштирилган

“Амирсой” тоғ-чанғи курорти 892 гектар майдонда жойлашган бўлиб, 580 ўринга мўлжалланган. Лойиҳа бўйича 300 янги иш ўрни яратилиши кўзда тутилган. Лойиҳанинг умумий қиймати 100 млн. АҚШ долларини ташкил қилади.

Қишки дам олиш маскани умумий ҳисобда узунлиги 3 км. дан ортиқ 2 та осма дор йўли ва жами 10 км. бўлган турли мураккабликдаги 8 та тоғ-чанғи трассаларига эга. Бундан ташқари, тоғ-чанғи курортида қиш мавсуми учун умумий узунлиги 21,93 км. бўлган дор йўли мавжуд бўлиб, унинг ўтказувчанлик қобилияти соатига 2400 кишини ташкил қилади.

Аргентина, Испания ва Дания мутахассислари назорати остида турли мураккабликдаги 15 км. узунликдан иборат тоғ-чанғи йўллари қурилди. Уларнинг 4 таси курортнинг энг юқори нуқтасидан бошланади, энг узун трасса эса 3550 метрни ташкил қилади.

Қайд этилишича, “Амирсой” тоғ-чанғи курорти  Ўзбекистонда қурилаётдаги энг йирик ва кутилган туристик объектлардан бири. Лойиҳа мамлакатдаги биринчи замонавий тоғ-чанғи курорти бўлиб, унда мижозларга қулай, хавфсиз ва сифатли, жаҳон талаблари даражасида хизмат кўрсатилади.

Эслатиб ўтамиз, “Амирсой” тоғ-чанғи курорти 2018 йил декабрида очилиши керак эди. Бироқ электр энергиясини етказиб бериш ва автомобиль йўллари қурилишидаги муаммолар туфайли очилиш маросими ортга сурилган эди.

306
Теглар:
Ўзбекистон, туризм

Шаҳрисабзда II мақом санъати анжумани ўтказилади

227
(Янгиланган 19:34 02.07.2020)
Айни пайтда Шаҳрисабзда ушбу нуфузли анжуманни юқори савияда ташкил этиш учун тайёргарлик ишлари бошлаб юборилган.

ТОШКЕНТ, 2 июл - Sputnik. Шаҳрисабзда II мақом санъати анжумани ўтказилади, деб хабар берди Sputnik Ўзбекистонга Туризмни ривожлантириш давлат қўмитаси Қашқадарё вилояти ҳудудий бошқармаси бош мутахассиси Асрор Аллаяров.

Халқаро тадбир жорий йилнинг 5-10 сентябрь кунлари "Фестиваллар шаҳри" – Шаҳрисабзда ўтказилиши режалаштирилган.

Ўзбекистон бош вазирининг 30 июндаги II Халқаро мақом санъати анжуманига тайёргарлик кўриш ва ўтказиш бўйича Ташкилий қўмита мажлиси ўтказилиб, йиғилиш баёни тасдиқланди.

Унда ушбу нуфузли анжуманнинг иккинчи маротаба ўтказилишига тайёргарлик кўриш, хорижий иштирокчиларни янада кўпроқ жалб этиш ва уларга мақом санъати тўғрисида кўпроқ маълумот бериш, анжуман географиясини янада кенгайтириш зарурлиги, иштирокчиларни ўзбек бой маданий мероси, санъати, урф-одатлари билан яқиндан таништириш масалалари муҳокама қилинди.

Айни пайтда Шаҳрисабзда ушбу нуфузли анжуманни юқори савияда ташкил этиш учун тайёргарлик ишлари бошлаб юборилган.

Анжуманни юқори савияда ўтказиш бўйича ташкилий гуруҳ шакллантирилиб, тегишли ташкилотларга бажарилиши лозим бўлган вазифалар белгилаб берилган.

Эслатиб ўтамиз I халқаро мақом санъати анжумани 2018 йилнинг 6-10 сентябрь кунлари Шаҳрисабз шаҳрининг тарихий марказида ўтказилган бўлиб, унда жаҳоннинг 75 мамлакатидан яккахон хонандалар, фольклор жамоалари, дипломатик корпус вакиллари иштирок этганди.
,

227
Гастрономический туризм Республики Узбекистан

Самарқандда гастрономик кўча пайдо бўлади

231
(Янгиланган 19:53 22.06.2020)
Яқин орада Самарқанд марказида Европа ва бошқа мамлакатлар таомларини татиб кўриш мумкин бўлган кўча пайдо бўлади.

ТОШКЕНТ, 22 июн – Sputnik. Самарқанддаги Орзу Махмудова кўчасида биринчи гастрономик кўча пайдо бўлади. У ерда қаҳвахоналар, ресторанлар, новвойхона ва гастрономик бутиклар ташкил қилинади, деди Самарқанд шаҳар ҳокими ўринбосари Ботир Нуруллаев Sputnik мухбирига.

“Орзу Махмудов, собиқ Зоя Космодемьянская кўчаси тўлиқ ободонлаштирилади. Биз бу кўчани гастрономик кўчага айлантириш ниятидамиз. Бу ерда маҳаллий аҳоли ва меҳмонлар европача ва турли миллат таомларини татиб кўриши мумкин бўлади. Лойиҳанинг мақсади – шаҳарда технологиялар ва такрорланмас атмосферани ўз ичига қамраб нафақат туристлар балким маҳалий аҳоли учун ҳам хизмат қиладиган жамоатчилик жойи ташкил қилишдир”, - деди ҳоким ўринбосари.

Кўча бўйлаб чироқлар ўрнатилган, янги меъморий бинолар қурилган. Айни дамда у ерда тротуар плиткаси ўрнатилмоқда.

Ундан ташқари Самарқандда сайёҳлар учун танишув боғи ҳам ташкил қилиш режалаштирилмоқда. У ерда Алишер Навоий, Ислом Каримов, Пушкин ва бошқа кўчалар пайдо бўлади. Университет бульвари ҳудуди ҳам туристик зонага айланатирилади.

231
Вакцинация против гепатита

Мудофаа вазирлиги вакцина синовидан ўтаётган иштирокчилар аҳволи ҳақида хабар берди

0
Синов икки ҳафта олдин Гамалей номидаги Миллий эпидемиология ва микробиология тадқиқотлари маркази билан ҳамкорликда бошланган. У июл охирига қадар якунланиши режалаштирилган.

ТОШКЕНТ, 3 июл — Sputnik. Мудофаа вазирлиги билан ҳамкорликда яратилган вакциналар синовида иштирок этаётган кўнгиллилар ўзларини яхши ҳис этмоқдалар, деб хабар берди ҳарбий идора матбуот-хизмати.

18 июнь куни вакцинанинг иккита компонентидан биттадан олган биринчи гуруҳ иштирокчиларидан ҳеч қайси ўз соғлиғидан шикоят қилмаган. Кузатилиши керак бўлмаган жиддий ҳолатлар ҳам қайд этилмаган.

23 июн куни вакцинанинг биринчи таркибий қисмини олган ва шундан сўнг 21 кун ўтиб кўрсатмаларга асосан иккинчи компонент киритиладиган иккинчи гуруҳ таркиби ҳам ўзини нормал ҳис қилмоқда, асоратлар ва ножўя таъсирлар йўқ.

Синов икки ҳафта олдин Гамалей номидаги Миллий эпидемиология ва микробиология тадқиқотлари маркази билан ҳамкорликда бошланган. У июл охирига қадар якунланиши режалаштирилган.

0